ഈ ചിത്രത്തിലെ അവസാന ഷെഡ്യൂള്‍ കഴിഞ്ഞപ്പോഴാണ് എന്റെ ജോഡിയായ ശങ്കര്‍ നാ​ഗ് ആക്സിഡന്റില്‍ മരണമടയുന്നത്: ദിപിക ചികില

മിനിസ്ക്രീൻ ആരാധകരുടെ പ്രിയ സീരിയലുകളിൽ ഒന്നാണ് രാമായണം. രാമായണത്തിലെ സീതയായി അഭിനയിച്ച ദിപിക ചികില ഇപ്പോൾ തന്റെ മുന്‍ സഹ അഭിനേതാവായിരുന്ന ശങ്കര്‍ നാ​ഗിനെക്കുറിച്ചുള്ള ഓര്‍മകള്‍ ആരാധകരുമായി  പങ്കുവച്ചിരിക്കുകയാണ്. ദിപിക തന്റെഓർമ പുതുക്കിയിരിക്കുന്നത് ഇരുവരും ഒന്നിച്ചഭിനയിച്ച കന്നട സിനിമയായ ഹോസാ ജീവനിലെ ഹിറ്റ് സോം​ഗ് പങ്കുവെച്ചായിരുന്നു.

ഒരു സമയത്ത് ആ സോം​ഗ് വലിയ ഹിറ്റുകളിലൊന്നായിരുന്നു. ഈ ചിത്രത്തിന്റെ ലാസ്റ്റ് ഷെഡ്യൂള്‍ കഴിഞ്ഞപ്പോഴാണ് ഒരു കാര്‍ ആക്സിഡന്റില്‍ ശങ്കര്‍ നാ​ഗ് മരണമടയുന്നത്.വലിയ ത്രോബാക്ക് ആണിത്. ഈ ചിത്രത്തിലെ അവസാന ഷെഡ്യൂള്‍ കഴിഞ്ഞപ്പോഴാണ് എന്റെ ജോഡിയായ ശങ്കര്‍ നാ​ഗ് ആക്സിഡന്റില്‍ മരണമടയുന്നത്. അത് മനസില്‍ ഏല്‍പിച്ച ഷോക്ക് ഏറെക്കാലമുണ്ടായിരുന്നു. സിനിമ ഹിറ്റായെങ്കിലും ആ നഷ്ടം വളരെ വലുതായിരുന്നു. ദിപിക ഇന്‍സ്റ്റാ​ഗ്രാമില്‍ കുറിച്ചതിങ്ങനെ.

സരോജിനി എന്ന ചിത്രത്തിലൂടെ തിരിച്ചുവരാനിരിക്കുകയാണ് ദിപിക. ഇതിനിടെ രാമായണവും മഹാഭാരതവുമുള്‍പ്പെടെയുള്ള സീരിയലുകള്‍ ലോക് ഡൗണ്‍ സമയത്ത് വീണ്ടും ദൂരദര്‍ശന്‍ പുനസംപ്രേഷണം ചെയ്തുതുടങ്ങിയിരുന്നു. സരോജിനിയുടെ പോസ്റ്ററും ഏറെ ശ്രദ്ധ പിടിച്ചുപറ്റിയിരുന്നു.

കന്നട സിനിമാ രം​ഗത്തും ടെലിവിഷന്‍ രം​ഗത്തും ശ്രദ്ധേയസാന്നിധ്യങ്ങളിലൊരാളായിരുന്നു ശങ്കര്‍ നാ​ഗ്. അഭിനേതാവായും സംവിധായകനായും തിരക്കഥാകൃത്തായും പേരുകേട്ട വ്യക്തിത്വമായിരുന്നു അദ്ദേഹം. ആര്‍ കെ നാരായണിന്റെ പ്രശസ്തമായ മാല്‍​ഗുഡി ഡേയ്സ് പ്രമേയമാക്കി അവതരിപ്പിച്ച ടെലിസീരിയലിന്റെ സംവിധായകനും അദ്ദേഹമായിരുന്നു. പ്രഥമ ഐ എഫ് എഫ് ഐയില്‍ മികച്ച നടനുള്ള സില്‍വര്‍ പീകോക്ക് പുരസ്കാരം അദ്ദേഹം നേടിയിരുന്നു. 1990 സെപ്തംബര്‍ 30 നായിരുന്നു അദ്ദേഹം ആക്സിഡന്റില്‍ മരണമടയുന്നത്.