പത്ത് പതിനൊന്ന് മാസമായി പിരിഞ്ഞാണ് താമസിക്കുന്നത്; ഇപ്പോള്‍ ഡിവോഴ്‌സായി; അരുണുമായുള്ള വിവാഹ മോചന വാര്‍ത്ത ശരിവച്ച് പാര്‍വ്വതി വിജയ്; നടി സായ് ലക്ഷ്മിയുമായുള്ള അരുണിന്റെ പ്രണയം ചര്‍ച്ചയാക്കി ആരാധകരും

രണ്ടു ദിവസം മുമ്പാണ് സീരിയല്‍ ക്യാമറാമാനായ അരുണ്‍ രാവണും താനും വിവാഹബന്ധം വേര്‍പെടുത്തിയെന്ന് സീരിയല്‍ നടി പാര്‍വതി വിജയ് പ്രഖ്യാപിച്ചത്. പാര്‍വതി തന്നെയാണ് വിവാഹമോചന വാര്‍ത്ത യൂട്യൂബ് ചാനലിലൂടെ പങ്കുവച്ചത്. പാര്‍വതിയുടെയും അരുണിന്റെയും രഹസ്യ വിവാഹമായിരുന്നു. സീരിയല്‍ ക്യാമറമാനാണ് അരുണ്‍. ഇരുവരും വീട്ടുകാരുടെ സമ്മതമില്ലാതെ ഒളിച്ചോടിയാണ് വിവാഹം കഴിച്ചത്. ഇരുവര്‍ക്കും ഒരു മകളുണ്ട്. നടി മൃദുല വിജയ്യുടെ സഹോദരിയാണ് പാര്‍വതി.

ഞാനും അരുണ്‍ ചേട്ടനുമായി വേര്‍പിരിഞ്ഞോ, വീഡിയോയില്‍ ഒന്നും കാണുന്നില്ലല്ലോ, എന്നിങ്ങനെ കുറേ ചോദ്യങ്ങള്‍ വന്നിരുന്നു. ഒന്നിനും ഞാന്‍ മറുപടി പറഞ്ഞില്ല. എല്ലാത്തിനുമുള്ള ഉത്തരവുമായിട്ടാണ് ഇപ്പോള്‍ വന്നിരിക്കുന്നത്. ശരിക്കും ഞങ്ങള്‍ ഇപ്പോള്‍ ഡിവോഴ്‌സ് ആയിരിക്കുകയാണ്. പത്ത് പതിനൊന്ന് മാസമായി ഞങ്ങള്‍ പിരിഞ്ഞാണ് താമസിക്കുന്നത്.''

''ഞാന്‍ ഇപ്പോള്‍ ചേച്ചിയുടെ വീട്ടില്‍ അച്ഛന്റെയും അമ്മയുടെയും കൂടെയാണ് താമസിക്കുന്നത്. മകള്‍ യാമിയും കൂടെയുണ്ട്. എല്ലാവരുടെയും ചോദ്യങ്ങള്‍ക്ക് മറുപടി പറയാതിരുന്നത് കാര്യങ്ങള്‍ക്കെല്ലാം ഒരു തീരുമാനം ആവട്ടെ എന്ന് കരുതിയാണ്. ആരെയും മണ്ടന്മാരാക്കിയത് കൊണ്ടല്ല, പ്രതികരിക്കാതെ ഇരുന്നത്. അവസാന തീരുമാനം എന്താണെന്ന് നോക്കിയതിന് ശേഷം പ്രതികരിക്കാമല്ലോ എന്ന് വിചാരിച്ചിട്ടാണ് ഇതുവരെ പറയാതിരുന്നത്.'

വിവാഹമോചനത്തിന്റെ കാരണമെന്താണെന്ന് ആയിരിക്കും കൂടുതല്‍ പേര്‍ക്കും അറിയാന്‍ ആഗ്രഹം. അത് തികച്ചും വ്യക്തിപരമായ കാര്യങ്ങളാണ്. അത് പറയാന്‍ ഞാനൊട്ടും ആഗ്രഹിക്കുന്നില്ല. ഞാനും യാമിയും മാത്രമേ ഇപ്പോഴുള്ളു. അച്ഛനും അമ്മയും ചേച്ചിയും ചേട്ടനുമൊക്കെ ഇപ്പോള്‍ കൂടെയുണ്ട്. ഈ  വീഡിയോ കണ്ടതിന് ശേഷം എന്നെ സപ്പോര്‍ട്ട് ചെയ്യുന്നവര്‍ പോലും വിമര്‍ശിച്ചേക്കാം.''

''കാരണം ഞങ്ങളുടെ വിവാഹം അങ്ങനെയായിരുന്നു. അത് ചൂണ്ടിക്കാണിച്ച് വാര്‍ത്ത വരാനും സാധ്യതയുണ്ട്. എല്ലാവരുടെയും അവസ്ഥകള്‍ കൂടി മനസിലാക്കിയിട്ട് വേണം കാര്യങ്ങള്‍ പറയാനെന്ന് മാത്രം ഞാന്‍ ഓര്‍മിപ്പിക്കുകയാണ്. ഞാന്‍ പറഞ്ഞ കാര്യങ്ങളായിരിക്കില്ല, ചിലപ്പോള്‍ മറ്റുള്ളവര്‍ പറയുന്നത്. അങ്ങനെ ചെയ്യാതിരിക്കാനാണ് മറ്റുള്ളവരുടെ മാനസികാവസ്ഥ മനസിലാക്കണമെന്ന് പറയുന്നത്.''

''കമന്റുകളോ മറ്റ് എന്ത് വന്നാലും അത് നേരിടാന്‍ തയാറായിട്ടാണ് ഞാന്‍ നില്‍ക്കുന്നത്. എന്തായാലും ഞങ്ങള്‍ ഡിവോഴ്‌സ്ഡ് ആണെന്ന് ഔദ്യോഗികമായി അറിയിക്കുകയാണ്. ഇനി മുതല്‍ ആ വ്യക്തി ഞങ്ങളുടെ കൂടെ ഉണ്ടാവില്ല. ഇതിനെ എന്റെയും യാമിയുടെയും യൂട്യൂബ് ചാനലായിരിക്കും. ഞങ്ങളെ സ്നേഹിക്കുന്നവര്‍ പിന്തുണയ്ക്കുക'' എന്നാണ് പാര്‍വതി പങ്കുവച്ച വീഡിയോയില്‍ പറയുന്നത്.

വേര്‍പിരിയല്‍ വാര്‍ത്തകള്‍ക്ക് പിന്നാലെ അരുണ്‍ സീരിയല്‍ നടി സായ്‌ലക്ഷ്മിയുമായുള്ള പ്രണയത്തിലാണെന്നും സൂചനകള്‍ വന്നിരുന്നു. 
സായ് ലക്ഷ്മിയും അരുണും തമ്മില്‍ ഇഷ്ടത്തിലാണെന്ന വാര്‍ത്ത ആദ്യം പുറത്തു വന്നപ്പോള്‍ വ്യാജപ്രചാരണം എന്നായിരുന്നു ഭൂരിപക്ഷം പേരും കമന്റുകളായി പങ്കുവച്ചത്. എന്നാല്‍ സായ് ലക്ഷ്മിയുടെ അക്കൗണ്ട് പരതി കണ്ടുപിടിച്ചപ്പോള്‍ ആ പ്രണയത്തിന്റെ സത്യാവസ്ഥയാണ് തിരിച്ചറിഞ്ഞത്. 

ദിവസങ്ങളായി സീരിയല്‍ മേഖലയില്‍ പ്രചരിക്കുന്ന അഭ്യൂഹമായിരുന്നു സായ് ലക്ഷ്മിയുടയും അരുണിന്റെയും പ്രണയ വാര്‍ത്ത. ആ അഭ്യൂഹങ്ങള്‍ അടിവരയിട്ട് ഉറപ്പിച്ചാണ് കഴിഞ്ഞദിവസം അരുണിന്റെ ചിത്രം ഷെയര്‍ ചെയ്ത് സായ് ലക്ഷ്മി തന്റെ പ്രണയ സൂചനകള്‍ നല്‍കിയത്. പിന്നാലെ തന്റെ ബയോയില്‍ 'ഞാന്‍ അത് നിങ്ങള്‍ക്ക് തരുന്നൂ രാവണ്‍'.. എന്നും സായ് ലക്ഷ്മി കുറിച്ചിരുന്നു. അതു മാത്രമല്ല, സായ് ലക്ഷ്മി പങ്കുവച്ച ഒരു പുഴയുടെ ചിത്രം ഷെയര്‍ ചെയ്തും അരുണ്‍ രംഗത്തു വന്നിരുന്നു. 

കുടുംബവിളക്ക് കൂടാതെ, ഒട്ടനേകം സീരിയലുകളിലും ക്യാമാറാമാനായി അരുണ്‍ പ്രവര്‍ത്തിച്ചിട്ടുണ്ട്. ഇപ്പോള്‍ സാന്ത്വനം 2വിന്റെ ക്യാമാറാമാനായി പ്രവര്‍ത്തിച്ചു വരികയാണ്. ഈ സീരിയലില്‍ മിത്ര എന്ന കഥാപാത്രത്തെ അവതരിപ്പിക്കുന്ന നടിയാണ് സായ് ലക്ഷ്മി. ഈ പരമ്പരയിലേക്ക് എത്തിയപ്പോഴാണ് സായ് ലക്ഷ്മിയും അരുണും പ്രണയത്തിലായത്.