ലോകമെമ്പാടുമുള്ള സിനിമാ ആരാധകര്‍ ഏറെ പ്രതീക്ഷയോടെ കാത്തിരിക്കുന്ന ചിത്രമാണ് മോഹന്‍ലാല്‍ നായകനാകുന്ന ഒടിയന്‍. ഒടിയന്‍ സ്റ്റ്യച്യുവും, ഒടിയന്‍ ആപ്പും അങ്ങനെ എല്ലാം ഏറെ ആവേശത്തോടെയാണ് ആരാധകര്‍ ഏറ്റെടുത്തിരിക്കുന്നത്. അതിനിടയിലാണ് ഓടിയന്റെ അഡ്വാന്‍സ് ബുക്കിങ് റെക്കോര്‍ഡ് തിരുത്തിക്കുറക്കുന്നതായി മാറുന്നത്. ഇന്ത്യയ്ക്ക് പുറമേ ഗള്‍ഫ് രാജ്യങ്ങളില്‍ ചിത്രത്തിന്റെ അഡ്വാന്‍സ് ബുക്കിങ് ആരംഭിച്ചു. ഗള്‍ഫ് രാജ്യങ്ങളില്‍ ആദ്യമായാണ് ഒരു മലയാള ചിത്രത്തിന്റെ അഡ്വാന്‍സ് ബുക്കിങ് ചിത്രം റിലീസ് ചെയ്യുന്നതിനും ആഴ്ചകള്‍ക്കു മുന്‍പ് ആരംഭിക്കുന്നത്.
അഡ്വാന്‍സ് ബുക്കിങ്ങില്‍ ഒടിയന്‍ റെക്കോഡ് നേട്ടമാണ് ഉണ്ടാക്കിയിരിക്കുന്നത് എന്ന് ഈ ചിത്രം ഗള്‍ഫ് രാജ്യങ്ങളില്‍ വിതരണം ചെയ്യുന്ന വേള്‍ഡ് വൈഡ് ഫിലിംസ് തങ്ങളുടെ ഒഫീഷ്യല്‍ ഫേസ്ബുക് പേജിലൂടെ അറിയിച്ചു. യുഎഇയിലെ നോവ സിനിമാസ്, ബഹ്‌റൈന്‍, വി ഓ എക്‌സ് സിനിമാസ് എന്നിവിടങ്ങളിലാണ് അഡ്വാന്‍സ് ബുക്കിങ് ആരംഭിച്ചത്. ഇത് കൂടാതെ ഓസ്‌ട്രേലിയ, പോളണ്ട് എന്നിവിടങ്ങളിലും ഒടിയന്‍ അഡ്വാന്‍സ് ബുക്കിങ് ആരംഭിച്ചിട്ടുണ്ട്.
നോവ സിനിമാസില്‍ 91 ഷോകള്‍ ആണ് ആദ്യ ആഴ്ചയില്‍ ഒടിയനു വേണ്ടി ചാര്‍ട്ട് ചെയ്തിരിക്കുന്നത്. ബഹറിനില്‍ 10 ഷോകളുടെ ബുക്കിങ് തുടങ്ങിയപ്പോള്‍ വി ഓ എക്‌സ് സിനിമാസില്‍ 24 ഷോകളുടെ ബുക്കിങ് ആണ് തുടങ്ങിയത്. ഓസ്‌ട്രേലിയയില്‍ 16 ഷോകളുടെ ബുക്കിങ് തുടങ്ങിയപ്പോള്‍ പോളണ്ടില്‍ ഫാന്‍ ഷോയുടെ ബുക്കിങ് ആണ് തുടങ്ങിയത്. ചിത്രം ഡിസംബര്‍ 14 ന് തിയേറ്ററുകളിലെത്തും.
Premium Lifestyle and Entertainment website
മഞ്ചേരിയിലെ നാട്ടിന്‍ പുറത്തുകാരി പെണ്‍കുട്ടി; ചേട്ടന്‍ പ്രതീഷ് നന്ദന്‍ വഴിയാണ് ഓഡിഷന്; നീലക്കുയിലിലെ കസ്തൂരിയായെത്തി മിനിസ്‌ക്രിന്‍ പ്രേക്ഷകകുടെ പ്രിയങ്കരിയായസ്നിഷാ ചന്ദ്രന്റെ കഥ
മഹേഷ് നാരായണന്‍ ചിത്രത്തിന്റെ ഷൂട്ടിനായി ലാലേട്ടന്‍ ശ്രീലങ്കയിലെത്തി; നിര്‍മാതാവ് ആന്റോ ജോസഫിനൊപ്പം വിമാനത്താവളത്തിലെത്തിയ നടന്റെ ദൃശ്യങ്ങള്‍ സോഷ്യല്‍മീഡിയയില്‍ ഹിറ്റ്; ചിത്രത്തില്‍ ഫഹദും നയന്‍താരയും എത്തുമെന്നും അഭ്യൂഹം