മോഹന്‍ലാലിനെ ചേര്‍ത്ത് പിടിച്ച് കവിളില്‍ ചുംബിച്ച് ഫഹദ്; എടാ മോനേ ലവ് യു എന്ന ക്യാംപ്ഷനോട് ചിത്രം പങ്ക് വച്ച് ലാലേട്ടന്‍; ഫാസിലിന്റെ ശിഷ്യനും മകനും ഒരേ ഫ്രെയ്മിലെത്തിയപ്പോള്‍ സോഷ്യല്‍മീഡിയയിലും ഹിറ്റ്

ഇന്നലെ വൈകുന്നേരത്തോടെ മോഹന്‍ലാലിന്റെ പേജിലെത്തിയ ഒരു ചിത്രമാണ് സോഷ്യല്‍മീഡിയയിലാകകെ നിറയുന്നത്.മോഹന്‍ലാലിനെ കെട്ടിപ്പിച്ച് ചുംബിക്കുന്ന ഫഹദ് ഫാസിലിന്റെ ചിത്രം  മോഹന്‍ലാല്‍ തന്റെ ഇന്‍സ്റ്റഗ്രാം പേജില്‍ പങ്കുവെച്ച ചിത്രം നിമിഷങ്ങള്‍ക്കുള്ളില്‍ വൈറലായിരിക്കുകയാണ്.

എടാ മോനേ ലവ് യു എന്ന ക്യാപ്ഷനോടെയാണ് മോഹന്‍ലാല്‍ ചിത്രം പങ്കുവച്ചത്. ആവേശത്തിലെ എട മോനേ ഡയലോഗും ആരാധകര്‍ ഏറ്റെടുത്തു. ലെന, തരുണ്‍മൂര്‍ത്തി എന്നിവരുള്‍പ്പെടെ നിരവധി ആരാധകരും സിനിമാ താരങ്ങളും ചിത്രത്തിന് കമന്റുമായി എത്തി.

മോഹന്‍ലാലിനെ മലയാള സിനിമയിലേക്ക് കൊണ്ടുവന്നത് സംവിധായകന്‍ ഫാസിലാണ്. അദ്ദേഹം സംവിധാനം ചെയ്ത മഞ്ഞില്‍ വിരിഞ്ഞ പൂക്കളാണ് മോഹന്‍ ലാലിന്റെ ആദ്യം ചിത്രം. തന്നെ സിനിമയുടെ ലോകത്തേക്ക് കൊണ്ടുവന്ന വ്യക്തിയുടെ മകനെ പുണര്‍ന്ന് നില്‍ക്കുന്നുന്ന മോഹന്‍ലാല്‍ എന്ന പ്രത്യേകതയും ചിത്രത്തിനുണ്ട്. 1980ല്‍ റിലീസ് ചെയ്ത ചിത്രമാണ് മഞ്ഞില്‍ വിരിഞ്ഞ പൂക്കള്‍.

അതേസമയം ഫാസിലിന്റെയും മോഹന്‍ലാലിന്റെയും എക്കാലത്തെയും ക്ലാസിക് ഹിറ്റായ മണിച്ചിത്രത്താന്‍ ഫോര്‍ കെ മികവോടെ വീണ്ടും തിയേറ്ററുകളില്‍ റിലീസിന് ഒരുങ്ങുകയാണ്. ഓഗസ്റ്റ് 17ന് ചിത്രം തിയേറ്ററുകളില്‍ എത്തും. ഇതിന് മുന്നോടിയായി ചിത്രത്തിന്റെ ട്രെയിലര്‍ അണിയറ പ്രവര്‍ത്തകര്‍ പുറത്തുവിട്ടു.