ത്രില്ലര്‍ ചിത്രവുമായി മമ്മൂട്ടിയും മഞ്ജു വാര്യരും എത്തുന്നു! ചിത്രത്തിന്റെ ഷൂട്ടിങ് പുതുവര്‍ഷത്തില്‍ ആരംഭിക്കും! പ്രധാന വേഷത്തില്‍ നിഖില വിമലും

മലയാളത്തിന്റെ  മെഗാസ്റ്റാര്‍ മമ്മൂട്ടിയുടെ കൂടെ മിക്ക നടിമാരും അഭിനയിച്ചിട്ടുണ്ട് . എന്നാല്‍ കരിയറില്‍ ഇന്നുവരെ മമ്മൂട്ടിക്കൊപ്പം അഭിനയിക്കാനുള്ള അവസരം മഞ്ജുവാര്യര്‍ക്ക് ലഭിച്ചിട്ടില്ല . നീണ്ട നാളത്തെ കാത്തിരിപ്പിനൊടുവിലായി നവാഗതനായ ജോഫിന്‍ ടി ചാക്കോ ഒരുക്കുന്ന ചിത്രത്തിലൂടെ അങ്ങനെയൊരു അവസരം ലഭിച്ചിരിക്കുകയാണ്. ആ സന്തോഷം പങ്കുവെച്ചും മഞ്ജു വാര്യര്‍ എത്തിയിരുന്നു. ത്രില്ലര്‍ ചിത്രവുമായാണ് മമ്മൂട്ടിയും മഞ്ജു വാര്യരും എത്തുന്നത്. ചിത്രത്തിലെ ഒരു പ്രധാന കഥാപാത്രത്തെ തന്നെയാണ് മഞ്ജു വാര്യര്‍ അവതരിപ്പിക്കുന്നത്.

പുതുവര്‍ഷത്തില്‍ സിനിമയുടെ ഷൂട്ടിംഗ് ആരംഭിക്കുമെന്നുള്ള വിവരങ്ങളാണ് ഇപ്പോള്‍ പുറത്തുവന്നിട്ടുളളത്.എറണാകുളമായിരിക്കും ആദ്യ ലൊക്കേഷന്‍. കുട്ടിക്കാനമാണ് മറ്റൊരു പ്രധാന ലൊക്കേഷന്‍.കൂടാതെ ചിത്രത്തില്‍ പ്രധാന വേഷത്തില്‍ നിഖില വിമലും എത്തുന്നുണ്ട്. ആന്റോ ജോസഫും ബി ഉണ്ണിക്കൃഷ്ണനും ചേര്‍ന്നാണ് ഈ സിനിമ നിര്‍മ്മിക്കുന്നത്.