കരുത്തനായി വീണ്ടും കൊച്ചുണ്ണി ; നിവിന്‍ പോളി എന്ന പതിവ് റൊമാന്റിക് ഹീറോയെ കൊച്ചുണ്ണിയാക്കാന്‍ സംവിധായകന്‍ കാട്ടിയ ആര്‍ജ്ജവം പൂര്‍ണമായി വിജയിച്ചു; കായംകുളം കൊച്ചുണ്ണിയുടെ ആദ്യ പ്രേക്ഷക പ്രതികരണങ്ങള്‍ കാണാം

കര്‍ണന്‍, നെപ്പോളിയന്‍, ഭഗത്സിംഗ്.. ഇവര്‍ മാത്രമല്ല ഹീറോസ്. കായംകുളം കൊച്ചുണ്ണിയും ചരിത്രത്താളുകളിലെ എക്കാലത്തെയും ഹീറോയാണ്. വിധിക്കു കീഴടങ്ങും മുമ്പ് ആയിരംവട്ടം ജയിച്ചു കാട്ടിക്കൊടുത്ത കൊച്ചുണ്ണി, ബോബി സഞ്ജയ് - റോഷന്‍ ആന്‍ഡ്രൂസ് കൂട്ടുകെട്ടില്‍ ഒരിക്കല്‍ കൂടി എത്തുമ്പോള്‍ പ്രിയപ്പെട്ട കള്ളന്റെ നേരും നെറിയും നന്മയും വീണ്ടും കണ്‍നിറയെ കാണാം.ആവേശം ചോരാത്ത കൊച്ചുണ്ണി ചരിതവും ആത്യാവേശം നിറയ്ക്കുന്ന കാഴ്ചയും കഥകളുമായി എത്തുന്ന റോഷന്‍ ആന്‍ഡ്രൂസിന്റെ കായംകുളം കൊച്ചുണ്ണി ഒരു മികച്ച ദൃശ്യാവിഷ്‌കാരമാണ്.

ഇന്ന് റിലീസ് ചെയ്ത  കായം കുളം കൊച്ചുണ്ണിക്ക് മികച്ച പ്രതികണമാണ് ലഭിക്കുന്നത് . കേരളത്തിലങ്ങളോമിങ്ങോളമുള്ള തീയറ്ററുകളില്‍ നിന്നും മികച്ച പ്രതികരണമാണ് ലഭിച്ചുകൊണ്ടിരിക്കുന്നത്. സ്ത്രീപ്രേക്ഷകരും ചിത്രം കാണാന്‍ തീയറ്ററുകളില്‍ എത്തിയിട്ടുണണ്ട്. ഇടവേളയ്ക്ക് തൊട്ടുമുമ്പാണ് മോഹന്‍ലാല്‍ എത്തിയത്. മികച്ച കൈയടിയാണ് ലാലിന്റെ എന്‍ട്രിക്ക് ലഭിച്ചത്.ചിത്രത്തിന്റെ ഇടവേളയില്‍ മലയാളി ലൈഫ് റിപ്പോര്‍ട്ടര്‍ തോമസ് ചെറിയാന്‍ പ്രേക്ഷകരോട് ചിത്രത്തെകുറിച്ച് ചോദിക്കുന്നതിന്റെ പ്രതികരണം കാണാം.