മൈത്രേയന്റെ മീശയെ പറ്റിയുള്ള ട്രോളുകള്‍ കാണുമ്പോള്‍ നമ്മളും ചിരിക്കും; സ്റ്റിക്കര്‍ ആണെങ്കില്‍ വേണ്ട സമയത്ത് ഞങ്ങളും ഉപയോഗിക്കും; അദ്ദേഹവും അത്തരം ട്രോളുകള്‍ കണ്ടാല്‍ ചിരിക്കും; കനി കുസൃതി 

നിരവധി മികച്ച കഥാപാത്രങ്ങളിലൂടെ മലയാളികളുടെ പ്രിയങ്കരിയായി മാറിയ നടിയാണ് കനി കുസൃതി. തന്റെ അച്ഛനും സാമൂഹിക ചിന്തകനുമായ മൈത്രേയനെക്കുറിച്ചും അദ്ദേഹവുമായുള്ള ബന്ധത്തെക്കുറിച്ചും കനി കുസൃതി പങ്കുവെച്ച പുതിയ വിശേഷങ്ങളാണ് ഇപ്പോള്‍ സോഷ്യല്‍ മീഡിയയില്‍ വൈറലാകുന്നത്. ഒണ്‍ലൈന്‍ മാധ്യമത്തിന് നല്‍കിയ അഭിമുഖത്തിലാണ് താരം മനസ് തുറന്നത്. 

തനിക്ക് അച്ഛന്‍ പ്രത്യേകമായി ഉപദേശങ്ങളൊന്നും തരാറില്ലെന്ന് കനി വ്യക്തമാക്കുന്നു. മറ്റൊരാളെ അറിഞ്ഞുകൊണ്ട് ഉപദ്രവിക്കാത്തതും, സ്വന്തം കാര്യങ്ങളില്‍ ബോധ്യമുള്ളതുമായ കാര്യങ്ങളില്‍ ഉറച്ചുനില്‍ക്കാനാണ് അദ്ദേഹം പഠിപ്പിച്ചിട്ടുള്ളത്. മൈത്രേയന്റെ മീശയെക്കുറിച്ചുള്ള ട്രോളുകള്‍ കണ്ടാല്‍ കുടുംബാംഗങ്ങളെല്ലാം ചേര്‍ന്ന് ചിരിക്കാറുണ്ട്. അച്ഛന്റെ മീശ ട്രോള്‍ സ്റ്റിക്കറുകളാക്കി വാട്‌സ്ആപ്പ് ഗ്രൂപ്പുകളില്‍ തങ്ങള്‍ തന്നെ ഉപയോഗിക്കാറുണ്ടെന്നും താരം പറയുന്നു. 

മൈത്രേയന്‍ തനിക്ക് കല്‍പ്പിത രൂപത്തിലുള്ള ഉപദേശങ്ങളൊന്നും തരാറില്ലെന്ന് കനി കുസൃതി പറയുന്നു. സ്വന്തം ശരികള്‍ മറ്റൊരാളെ ഉപദ്രവിക്കുന്നതാണോ എന്ന് തിരിച്ചറിയണമെന്നും, വ്യക്തിപരമായ കാര്യങ്ങളില്‍ ഉറച്ച ബോധ്യമുണ്ടെങ്കില്‍ പേടിക്കാതെ അതില്‍ നില്‍ക്കണമെന്നുമാണ് അദ്ദേഹം പറയാറുള്ളത്. അത് ഉപദേശമെന്ന രീതിയിലല്ല, മറിച്ച് അച്ഛനും മകളുമായി വളര്‍ന്നപ്പോള്‍ സ്വാഭാവികമായി തനിക്ക് ലഭിച്ച ബോധ്യമാണെന്നും താരം കൂട്ടിച്ചേര്‍ത്തു. 

'മൈത്രേയന്റെ മീശയെ പറ്റിയുള്ള ട്രോളുകള്‍ കാണുമ്പോള്‍ നമ്മളും ചിരിക്കും. അദ്ദേഹവും അത്തരം ട്രോളുകള്‍ കണ്ടാല്‍ ചിരിക്കും. മൈത്രേയനും ഞാനും അമ്മയും ഒക്കെയുള്ള ഗ്രൂപ്പുണ്ട് വാട്‌സ്ആപ്പില്‍. അപ്പോള്‍ ഞാന്‍ അതില്‍ പറയും 'ദേ നോക്ക്.. നോക്ക് മൈത്രേയന്റെ ട്രോള്‍ വന്നിട്ടുണ്ട്' എന്ന്. സ്റ്റിക്കര്‍ ഒക്കെ വരുകയാണെങ്കില്‍ നമ്മളും അത് ഉപയോഗിക്കും. വേണ്ട സമയത്ത് ഞങ്ങളും അത് ഉപയോഗിക്കും.'