കാളിദാസിന്റെയും തരിണിയുടെയും വിവാഹത്തിന് പിന്നാലെ കുടംബത്തോടൊപ്പം ഫിന്‍ലാന്‍ഡില്‍ അവധിയാഘോഷത്തിലാണ് നടന് ജയറാം. കുടുംബത്തോടൊപ്പമുളള ചിത്രങ്ങളും വീഡിയോകളും ജയറാം ഇന്‍സ്റ്റഗ്രാമില്‍ പങ്കുവെച്ചിട്ടുണ്ട്.
ഫിന്‍ലാന്‍ഡില്‍ കേരളത്തനിമയിലുളള വേഷത്തില്‍ മഞ്ഞിനിടയിലൂടെ നടക്കുന്ന ജയറാമിന്റെ വീഡിയോ ആണ് ഇപ്പോള്‍ ശ്രദ്ധ നേടുന്നത്. മുണ്ടും ജുബ്ബയുമാണ് ജയറാമിന്റെ വേഷം.കുടുംബം താമസിക്കുന്ന റിസോര്‍ട്ടിന് പുറത്തുളള കാഴ്ചകളും ഇന്‍സ്റ്റഗ്രാമില്‍ പങ്കുവച്ചിട്ടുണ്ട്.
പാര്‍വതി, മക്കളായ കാളിദാസ്, ഭാര്യ തരിണി, മാളവിക, ഭര്‍ത്താവ് നവനീത് എന്നിവരും ജയറാമിനോടൊപ്പം ക്രിസ്തുമസ് ആഘോഷത്തിലാണ്.ജയറാമിന്റെ വീഡിയോയ്ക്ക് കമന്റുകളും ലൈക്കുകളുമായി നിരവധി ആരാധകരാണ് എത്തുന്നത്. ജയറാം അഭിനയിച്ച സിനിമകളുമായി ബന്ധപ്പെടുത്തിയാണ് താരത്തിന്റെ ലുക്കിനെ പ്രശംസിക്കുന്നത്.
മലയാളി മാമന് വണക്കം, സമ്മര്‍ ഇന്‍ ബത്ലഹേം, മയിലാട്ടത്തിലെ പഴനി സിങ്കനെല്ലൂര്‍, എല്ലാവരും കണ്ട് പഠിക്കേണ്ട എളിമയാണ് അദ്ദേഹത്തിനുളളത്, എത്ര തണുപ്പിലും ജയറാമേട്ടന്‍ തീയാണ് എന്നിങ്ങനെയാണ് കമന്റുകള്‍.
കാളിദാസ് ജയറാമിന്റെ 31-ാം പിറന്നാളും കുടുംബം ഫിന്‍ലാന്‍ഡില്‍ ആഘോഷമാ ക്കിയിരുന്നു. കാളിദാസിന്റെയും തരിണിയുടെയും മധുവിധുവിനോടൊപ്പമായിരുന്നു പിറന്നാളാഘോഷവും നടന്നത്.
Premium Lifestyle and Entertainment website
ആന്തരിക രക്തസ്രാവം മരണ കാരണം; കരള്‍ രോഗമാണോ കാരണമെന്ന് അറിയാന്‍ ആന്തരിക അവയവ പരിശോധനാ ഫലം വരണം; മൃതദേഹം അഴുകിയതിനാല്‍ കെമിക്കല്‍ പരിശോധ ഫലവും നിര്‍ണ്ണായകം; അത് ആത്മഹത്യയോ കൊലപാതകമോ അല്ല; ദിലീപ് ശങ്കറിന്റേത് സ്വാഭാവിക മരണം 
അഞ്ചുദിവസം മുന്നേ എന്നെ വിളിച്ചതല്ലേ നീ; നിനക്കെന്താണ് പറ്റിയത് ദിലീപേ'; എന്ത് എഴുതണമെന്നു അറിയില്ലെന്ന് സീമ.ജി.നായര്‍; വിയോഗം വിശ്വസിക്കാനാവാതെ പ്രിയപ്പെട്ടവര്‍; ദിലീപ് ശങ്കറിന് ആരോഗ്യപ്രശ്‌നമുണ്ടായിരുന്നുവെന്ന് സംവിധായകന്‍