മലയാള സിനിമ പ്രേമികള് ഒന്നടങ്കം കാത്തിരിക്കുന്ന ചിത്രമാണ് 'എമ്പുരാന്'. ലൂസിഫര് എന്ന ആദ്യ പാര്ട്ടിന്റെ അതെ ആവേശമാണ് എമ്പുരാനും ഉള്ളത്. മാര്ച്ചിലാണ് ചിത്രത്തിന്റെ റിലീസ്. അപ്കമിംഗ് റിലീസുകളില് ഏറ്റവും പ്രേക്ഷകശ്രദ്ധ നേടിയിട്ടുള്ള ഒന്നാണ് എമ്പുരാന്. പൃഥ്വിരാജിന്റെ സംവിധാന അരങ്ങേറ്റമായിരുന്ന, വന് വിജയം നേടിയ ലൂസിഫറിന്റെ രണ്ടാം ഭാഗം എന്നതാണ് അതില് പ്രധാനം. ജനുവരി 26 ന് കൊച്ചിയില് വച്ച് നടത്തിയ ട്രെയ്ലര് ലോഞ്ചോടെ ആയിരുന്നു എമ്പുരാന്റെ പ്രൊമോഷന് തുടക്കമായത്.
ഇപ്പോഴിതാ ചിത്രത്തിന്റെ രണ്ടാമത്തെ പ്രൊമോഷണല് ഇവന്റ് കോയമ്പത്തൂരില് നടന്നിരിക്കുകയാണ്. കോയമ്പത്തൂരിലെ ഹിന്ദുസ്ഥാന് കോളെജില് വച്ചായിരുന്നു മോഹന്ലാല് ഉള്പ്പെടെയുള്ളവര് പങ്കെടുത്ത പരിപാടി. ഇവിടെനിന്നുള്ള ചിത്രങ്ങളും വീഡിയോകളും സോഷ്യല് മീഡിയയില് എത്തിയിട്ടുണ്ട്. വേദിയിലേക്ക് എത്തുന്ന മോഹന്ലാലിനെ വന് കരഘോഷത്തോടെയാണ് സദസ് സ്വീകരിക്കുന്നത്. ആര്പ്പുവിളികളോടെയാണ് അവര് ദി കംപ്ലീറ്റ് ആക്ടര് മോഹന്ലാലിനെ വരവേറ്റത്.
ഇതോടെ കേരളത്തിലെ ആരാധകരും ഒന്നടങ്കം ഞെട്ടിയിരിക്കുകയാണ്. ആശിര്വാദ് സിനിമാസിനൊപ്പം തമിഴിലെ പ്രമുഖ ബാനറായ ലൈക്ക പ്രൊഡക്ഷന്സും ചേര്ന്നാണ് ചിത്രം നിര്മ്മിക്കുന്നത്. മലയാളത്തിന് പുറമെ തമിഴ്, തെലുങ്ക്, കന്നഡ, ഹിന്ദി ഭാഷകളിലും ചിത്രം എത്തും. ലൂസിഫറിന്റെ വന് വിജയത്തിന് പിന്നാലെ 2019 ല് പ്രഖ്യാപിച്ച സിനിമയുടെ ചിത്രീകരണം ആരംഭിച്ചത് 2023 ഒക്ടോബറിലായിരുന്നു. ഇരുപതോളം വിദേശ രാജ്യങ്ങളിലാണ് സിനിമ ചിത്രീകരിച്ചിരിക്കുന്നതെന്നാണ് വിവരം.
Premium Lifestyle and Entertainment website
രേണു പോരാട്ടത്തിന്റെ നടുവിലാണ്; ചെറുതല്ലാത്ത രോഗത്തോട് ധൈര്യത്തോടെ പൊരുതുകയാണ്; മെഡിക്കല് റിപ്പോര്ട്ട് പ്രകാരം രോഗം കൂടുതല് സാരമായി ബാധിച്ചു; കോട്ടയം മെഡിക്കല് കോളേജില് തുടര് ചികിത്സ ആരംഭിക്കും; ബിഷപ് നോബിള് ഫിലിപ്പ് അമ്പലവേലില് സുധിലയത്തില് എത്തിയ ചിത്രം പങ്ക് വച്ച് ഫിറോസ് കെഎച്ച്ഡിഇസി കുറിച്ചത്
പ്രഭുദേവയുടെ കൊറിയോഗ്രാഫിയില് നര്ത്തകനായി തുടക്കം; നൊറാ ഫത്തേഹിയുമായുള്ള അടുപ്പം നല്കിയ ലോക വേദി; ഫുട്ബോള് ലോകകപ്പില് മലയാളിയുടെ ചുവടുകള്; ഔദ്യോഗിക ഗാനത്തിന് നൃത്തസംവിധാനമൊരുക്കി പാലക്കാട്ടുകാരന്; ഫിഫ ആല്ബവുമായി സഹകരിക്കുന്ന ആദ്യ ഇന്ത്യക്കാരനായി രജിത് ദേവിനെ അറിയാം