ഒരു സ്ത്രീയെ പൊതു സമൂഹത്തില് പരസ്യമായി അപമാനിക്കുന്നതിനു തുല്യമാണ് സംവിധായകന് സനല്കുമാര് ശശിധരന്റെ സെക്രട്ടേറിയറ്റിനു മുന്നില് അനിശ്ചിതകാല നിരാഹാര സത്യാഗ്രഹമെന്ന് സംവിധായകന് ഡോ. ബിജു. സമൂഹത്തില് സ്വതന്ത്രമായി ജീവിക്കുകയും അഭിപ്രായങ്ങള് പറയുകയും ചെയ്യുന്ന ആര്ജവമുള്ള ഒരു സ്ത്രീയെ ഇത്തരത്തില് പൊതുസമൂഹത്തില് അപമാനിക്കുന്നതില് കടുത്ത വിയോജിപ്പും പ്രതിഷേധവും രേഖപ്പെടുത്തുന്നുവെന്നും ഡോ. ബിജു വ്യക്തമാക്കി.
സംവിധായകന് സനല്കുമാര് ശശിധരന് ഇപ്പോള് ചെയ്യുന്ന സമരം തികഞ്ഞ സ്ത്രീ വിരുദ്ധവും പരസ്യമായി ഒരു സ്ത്രീയെ പൊതുമധ്യത്തില് അപമാനിക്കുന്നതും സ്റ്റോക്ക് ചെയ്യുന്നതുമാണ്. ഏതാണ്ട് രണ്ട് മാസങ്ങള്ക്ക് മുന്പ് അദ്ദേഹത്തിനെതിരായ പൊലീസ് കേസുകളില് എത്രയും വേഗം നീതിപൂര്വമായ അന്വേഷണം നടത്തണം എന്ന ഒരേ ഒരു മാനുഷികമായ ആവശ്യം മുന്നിര്ത്തി സാംസ്കാരിക പ്രവര്ത്തകരുടെ ഒരു പ്രസ്താവനയില് പേര് വയ്ക്കാന് അദ്ദേഹം അനുമതി ചോദിച്ചപ്പോള് ആ ഒരു ഒറ്റ വിഷയത്തില് മാത്രം ഒരു മാനുഷിക ആവശ്യം എന്നത് പരിഗണിച്ച് പേര് വയ്ക്കാന് ഞാനും സമ്മതിച്ചിരുന്നു.
നടിയുടെ പേരോ മറ്റെന്തെങ്കിലും പഴ്സനല് പ്രശ്നങ്ങളോ ഉള്പ്പെടുത്താതെ അദ്ദേഹത്തിനെതിരായ കേസില് അന്വേഷണം നടത്തി നടപടികള് സ്വീകരിക്കണം എന്ന ന്യായമായ ഒരു മാനുഷിക ആവശ്യത്തിന് മാത്രമാണ് പേര് വയ്ക്കാന് സമ്മതിച്ചത്. അതില് വ്യക്തിപരമായ വിഷയങ്ങളോ പരാമര്ശങ്ങളോ ഉണ്ടാവരുത് എന്നും ഞാന് ആവശ്യപ്പെട്ടിരുന്നു. എന്തുതന്നെയായാലും സനലിന്റെ ഇപ്പോഴത്തെ ഈ സ്റ്റോക്കിങ്ങും സാമൂഹ്യ വിരുദ്ധതയും സ്ത്രീവിരുദ്ധ സ്റ്റേറ്റ്മെന്റുകളും കാണുമ്പോള് ആ പ്രസ്താവനയില് അന്ന് പേര് വയ്ക്കാന് സമ്മതിച്ചതില് ഖേദമുണ്ട്.
ഇപ്പോള് സെക്രട്ടേറിയറ്റിന് മുന്നില് അദ്ദേഹം ചെയ്യുന്ന സമരം ഒരു സ്ത്രീയെ പൊതു സമൂഹത്തില് പരസ്യമായി അപമാനിക്കുന്നത് ആണ്. ഒരു പ്രശസ്തയായ നടി, സ്വന്തമായി അഭിപ്രായങ്ങളും വ്യക്തിത്വവും ഉള്ള ഒരാള്, പൊതു സമൂഹത്തില് അഭിപ്രായങ്ങള് പറയേണ്ടിടത്ത് ഉറച്ച ശബ്ദത്തില് പ്രതികരിക്കുന്ന ഒരാള്, സെക്സ് റാക്കറ്റിന്റെ തടവിലാണ് എന്ന് അവരുടെ പേരുള്പ്പെടെ എഴുതി സെക്രട്ടേറിയറ്റിന് മുന്നില് പ്രദര്ശിപ്പിക്കുക എന്നത് എന്ത് മര്യാദകേടാണ്. സമൂഹത്തില് സ്വതന്ത്രമായി ജീവിക്കുകയും, അഭിപ്രായങ്ങള് പറയുകയും ചെയ്യുന്ന ആര്ജവമുള്ള ഒരു സ്ത്രീയെ ഇത്തരത്തില് പൊതുസമൂഹത്തില് അപമാനിക്കുന്നതിലുള്ള കടുത്ത വിയോജിപ്പും പ്രതിഷേധവും രേഖപ്പെടുത്തുന്നു.
ഒരു സ്ത്രീയുടെ അന്തസ്സിനെ ഹനിക്കുന്ന തരത്തില് സെക്സ് റാക്കറ്റിന്റെ പിടിയില് എന്നൊക്കെ ഒരു സ്ത്രീയുടെ പേര് എഴുതി പ്രദര്ശിപ്പിച്ചു പൊതു മധ്യത്തില് അപമാനിക്കുന്നത് നിര്ത്താന് സര്ക്കാര് അടിയന്തിര ഇടപെടല് നടത്തേണ്ടതാണ്. ഇത് സമരവും ആവിഷ്കാര സ്വാതന്ത്ര്യവും ഒന്നുമല്ല. ഒരു സ്ത്രീയുടെ അവകാശങ്ങളെ ലംഘിച്ചുകൊണ്ട് അവരുടെ വ്യക്തി സ്വാതന്ത്ര്യത്തിന്മേലുള്ള കടന്നു കയറ്റവും, സ്റ്റോക്കിങ്ങും ആണ്. ഇത് അടിയന്തിരമായി അവസാനിപ്പിക്കാനുള്ള കര്ശനമായ നടപടികള് ഉണ്ടാവണം.''
അതേസമയം, താന് ഉന്നയിക്കുന്ന വിഷയങ്ങളില് സര്ക്കാരോ നിയമ സംവിധാനങ്ങളോ അടിയന്തര ഇടപെടല് നടത്താത്തതിനെ തുടര്ന്നാണ് സത്യാഗ്രഹം തുടങ്ങാന് തീരുമാനിച്ചതെന്നാണ് സനല്കുമാര് ശശിധരന് പറയുന്നത്. തന്റെ ആവശ്യങ്ങള് കേവലം വ്യക്തിപരമല്ലെന്നും അത്യന്തം ഗൗരവമുള്ള സാമൂഹിക പ്രശ്നങ്ങളെ സംബന്ധിക്കുന്നതുമാണെന്നും അദ്ദേഹം വിശദീകരിക്കുന്നു.
Premium Lifestyle and Entertainment website
ബിഗ് ബോസ് ഷോയില് മോഹന്ലാലിന്റെ ധരിച്ച ഷര്ട്ടിലെ ഡിസൈന് കോപ്പി അടിച്ചതോ? തന്റെ ആര്ട്ട് വര്ക്ക് അനുമതിയില്ലാതെ കോപ്പി അടിച്ചെന്ന് ആര്ട്ടിസ്റ്റ് സിജിന് ഗോപിനാഥ്; ഷോയ്ക്കായി സ്റ്റൈലിങ് ചെയ്യുന്നത് താനല്ലെന്ന് പ്രതികരിച്ച് പേഴ്സണല് സ്റ്റൈലിസ്റ്റും; ഗ്ലോബല് പീസ്' എന്ന തന്റെ ആര്ട്ട് വര്ക്ക് ചര്ച്ചയാകുമ്പോള്
12 മണിക്കൂര് പിടിച്ചുവെച്ചു; വല്ലാത്തൊരു മാനസികാവസ്ഥയിലായിരുന്നു ; ന്യൂസ് ചാനലിലുള്ള ആള്ക്കാര് മറ്റൊരു രീതിയിലാണ് കാര്യങ്ങള് പറഞ്ഞത്; വീട്ടില് നിന്നൊക്കെ വിളിച്ചിട്ട് ഭയങ്കര പ്രശ്നമായി; കൂട്ടുകാരൊക്കെ വിളിച്ചിട്ട് ദേഷ്യപ്പെട്ടു; അവസാനം ഇന്ത്യന് എംബസിയാണ് ഇടപെട്ടത്; പ്രചരിക്കുന്ന വാര്ത്തകളില് വ്യക്തത വരുത്തി മലയാളി വ്ളോഗര്