കൈക്കുഞ്ഞുമായി സ്ത്രീയും യുവാവും പുലര്‍ച്ചെ മൂന്നരയ്ക്ക് ബാലയുടെ വീടിന് മുന്നില്‍;സിസിടിവി ദൃശ്യങ്ങള്‍ പങ്ക് വച്ച് കെണിയാണെന്ന് പറഞ്ഞ് നടന്‍; നടന്റെ പുതിയ പോസ്റ്റ് സോഷ്യല്‍മീഡിയയില്‍ ചര്‍ച്ചയാകുമ്പോള്‍

തന്റെ വീടിനു പുറത്തുനടന്ന അസാധാരണ സംഭവങ്ങളുടെ സിസിടിവി ദൃശ്യങ്ങളുമായി രംഗത്തു വന്നിരിക്കുകയാണ് നടന്‍ ബാല. ഇന്ന് വെളുപ്പിന് മൂന്നേമുക്കാലോടുകൂടിയാണ് ഈ സംഭവം നടന്നത്. തന്റെ വീട്ടില്‍ ആരെല്ലാമോ അതിക്രമിച്ചു കയറാന്‍ ശ്രമം നടത്തി എന്നാണ് നടന്റെ വാദം. വീടിനു പുറത്തു സ്ഥാപിച്ച സിസിടിവി ക്യാമറയില്‍ പതിഞ്ഞ ദൃശ്യങ്ങളാണ് താരം പുറത്ത് വിട്ടത്. ബാല പോസ്റ്റ് ചെയ്ത വിഡിയോയില്‍ ഒരു സ്ത്രീയും കുട്ടിയും അവര്‍ക്കൊപ്പം ഒരു യുവാവുമാണ് ഉള്ളത്.

വീടിന്റെ പ്രവേശന കവാടത്തില്‍ ഉറപ്പിച്ചിട്ടുള്ള നെറ്റ് ഡോര്‍ തുറക്കുന്നതും കാണാം. എന്നാല്‍ ഇവര്‍ മാത്രമല്ല, വേറെയും ആള്‍ക്കാര്‍ വീടിനു പുറത്ത് ആ നേരത്ത് ഉണ്ടായിരുന്നു എന്നാണ് ബാലയുടെ വാദം. കോളിങ് ബെല്‍ അടിക്കുകയും, വാതില്‍ തട്ടി തുറക്കാനും ശ്രമം നടന്നുവെന്നും ആരോപണം. ആരും ആരുടേയും വീട്ടില്‍ ഈ നേരത്ത് വന്നു വാതില്‍ തുറക്കാന്‍ ശ്രമിക്കാന്‍ സാധ്യതയില്ല എന്നും ബാല പറയുന്നു.

ഇതൊരു കെണിയാണെന്നും, തന്നെ കുടുക്കാനുള്ള ശ്രമം എന്ന നിലയിലുമാണ് ബാല വിഡിയോയില്‍ സംസാരിക്കുന്നത്. ജീവിതത്തില്‍ ആദ്യമായാണ് ഇത്തരം കാര്യങ്ങള്‍ നേരിടുന്നത് എന്നും ബാല. എന്നാലും താന്‍ തന്റെ വാക്കില്‍ ഉറച്ചു നില്‍ക്കുന്നു. വാക്ക് വാക്കാണ് എന്നും നടന്‍ ക്യാപ്ഷനില്‍ പറയുന്നു. വീട്ടില്‍ ആരെല്ലാമോ അതിക്രമിച്ചു കയറാന്‍ ശ്രമം നടത്തി എന്നാണ് നടന്റെ വാദം. വീടിനു പുറത്തു സ്ഥാപിച്ച സിസിടിവി ക്യാമറയില്‍ പതിഞ്ഞ ദൃശ്യങ്ങളാണ് ഇത്.

ജീവിതത്തില്‍ ആദ്യമായാണ് ഇത്തരം കാര്യങ്ങള്‍ നേരിടുന്നത് എന്നും ബാല. എന്നാലും താന്‍ തന്റെ വാക്കില്‍ ഉറച്ചു നില്‍ക്കുന്നു. വാക്ക് വാക്കാണ് എന്നും നടന്‍ ക്യാപ്ഷനില്‍ പറയുന്നു. എന്റെ സേഫ്റ്റിക്ക് സോഷ്യല്‍ മീഡിയയില്‍ ഇടുന്നു.പൊലീസിനും ഇത് കൈമാറും. ഇതൊരു കെണിയാണ്. എന്നെ കുടുക്കാനുള്ള ശ്രമമാണ്. ഞാന്‍ മെഡിസിന്‍ കഴിക്കുന്ന ആളാണ്.'- ബാലയുടെ വാക്കുകള്‍.

സമൂഹമാധ്യമങ്ങളിലൂടെ അപമാനിക്കാന്‍ ശ്രമിക്കുന്നു എന്ന പരാതിയുടെ പേരില്‍ മുന്‍ഭാര്യ നല്‍കിയ പരാതിയില്‍ ബാലയെ  കൊച്ചി പൊലീസ് അറസ്റ്റ്  ചെയ്തിരുന്നു.