നിമിഷ സജയനും റോഷന്‍ മാത്യുവും കേന്ദ്ര കഥാപാത്രത്തില്‍ എത്തുന്ന ക്രൈം സീരീസ് പോച്ചര്‍ റിലീസിനൊരുങ്ങുകയാണ്. കഴിഞ്ഞ ദിവസമാണ് ചിത്രത്തിന്റെ ട്രൈയിലര്‍ റിലീസ് ചെയ്തത്. ഇന്ത്യന്‍ ചരിത്രത്തിലെ ഏറ്റവും വലിയ ആനക്കൊമ്പ് വേട്ടയെ കുറിച്ചുള്ള സീരീസാണ് ആമസോണ്‍ പ്രൈം വീഡിയോ പുറത്തിറക്കുന്നത്. എമ്മി അവാര്‍ഡ് ജേതാവായ ചലച്ചിത്ര നിര്‍മ്മാതാവ് റിച്ചി മേത്തയാണ് സീരീസ് സംവിധാനം ചെയ്യുന്നത്.
ബോളിവുഡ് നടിയും നിര്‍മ്മാതാവുമായ ആലിയ ഭട്ടാണ് സീരീസിന്റെ എക്സിക്യൂട്ടീവ് നിര്‍മ്മാതാവ്. ഇപ്പോഴിതാ നിമിഷ സജയനെ കുറിച്ച് ആലിയ ഭട്ട് പറഞ്ഞ വാക്കുകള്‍ ശ്രദ്ധനേടുകയാണ്. തന്റെ എക്കാലത്തേയും പ്രിയപ്പെട്ട അഭിനേതാവായി മാറിയിരിക്കുകയാണ് നിമിഷ സജയനെന്ന് ആലിയ ഭട്ട് പറയുന്നു. പോച്ചര്‍ പ്രമോഷനിടെ സംസാരിക്കുകയായിരുന്നു ആലിയ.
''എന്റെ എക്കാലത്തെയും പ്രിയപ്പെട്ട അഭിനേതാവായി മാറിയിരിക്കുകയാണ് നിമിഷ സജയന്‍. പ്രത്യേകിച്ച് സീരീസിലെ ക്ലൈമാക്‌സ് ഷോട്ടില്‍, എന്തൊക്കെ വികാരങ്ങള്‍ ആവശ്യമായോ അതെല്ലാം നിമിഷ കൊണ്ടുവന്നു. എന്റെ കണ്ണു നിറഞ്ഞു പോയി. നിമിഷയുടെ പ്രകടനം അത്ഭുതപ്പെടുത്തി.'' എന്നാണ് ഫിലിം കമ്പാനിയന്‍ അഭിമുഖത്തില്‍ ആലിയ ഭട്ട് നിമിഷ സജയനെ കുറിച്ച് പറഞ്ഞത്.
റോഷന്‍ മാത്യു, ദിബ്യേന്ദു ഭട്ടാചാര്യ,കനി കുസൃതി, അങ്കിത് മാധവ്, രഞ്ജിത മേനോന്‍, മാല പാര്‍വ്വതി തുടങ്ങിയവരാണ് വെബ് സീരീസിലെ പ്രധാന താരങ്ങള്‍.ഇന്‍വെസ്റ്റിഗേറ്റീവ് ക്രൈം- ത്രില്ലര്‍ ഴോണറിലാണ് വെബ് സീരീസ് ഒരുക്കിയിരിക്കുന്നത്. ഇന്ത്യന്‍ ചരിത്രത്തിലെ തന്നെ ഏറ്റവും വലിയ ആനക്കൊമ്പ് വേട്ടയാണ് വി സീരീസിലൂടെ റിച്ചി മേത്ത പറയുന്നത്.
ഫെബ്രുവരി 23 മുതലാണ് സ്ട്രീമിംഗ് ആരംഭിക്കുന്നത്. മലയാളം, ഇംഗ്ലീഷ്, ഹിന്ദി ഭാഷകളില്‍ വെബ് സീരീസ് ലഭ്യമാവും. ഓസ്‌കര്‍ പുരസ്‌കാര ജേതാക്കളായ ക്യുസി എന്റര്‍ടൈന്‍മെന്റ് ആണ് വെബ് സീരീസ് നിര്‍മ്മിച്ചിരിക്കുന്നത്. സീരീസിന്റെ എക്സിക്യൂട്ടീവ് പ്രൊഡ്യൂസര്‍ കൂടിയാണ് ആലിയ ഭട്ട്.
Premium Lifestyle and Entertainment website
മഞ്ചേരിയിലെ നാട്ടിന്‍ പുറത്തുകാരി പെണ്‍കുട്ടി; ചേട്ടന്‍ പ്രതീഷ് നന്ദന്‍ വഴിയാണ് ഓഡിഷന്; നീലക്കുയിലിലെ കസ്തൂരിയായെത്തി മിനിസ്‌ക്രിന്‍ പ്രേക്ഷകകുടെ പ്രിയങ്കരിയായസ്നിഷാ ചന്ദ്രന്റെ കഥ
മഹേഷ് നാരായണന്‍ ചിത്രത്തിന്റെ ഷൂട്ടിനായി ലാലേട്ടന്‍ ശ്രീലങ്കയിലെത്തി; നിര്‍മാതാവ് ആന്റോ ജോസഫിനൊപ്പം വിമാനത്താവളത്തിലെത്തിയ നടന്റെ ദൃശ്യങ്ങള്‍ സോഷ്യല്‍മീഡിയയില്‍ ഹിറ്റ്; ചിത്രത്തില്‍ ഫഹദും നയന്‍താരയും എത്തുമെന്നും അഭ്യൂഹം