ലോകത്തെ ഏറ്റവും ജനപ്രിയ സീരിയലായ ഗെയിം ഓഫ് ത്രോൺസിലൂടെ ശ്രദ്ധ നേടിയ സോഫി ടർണറും പോപ്പ് ഗായകൻ ജോ ജൊനാസും വീണ്ടും വിവാഹിതരായി. ഫ്രാൻസിലെ സരിയൻസിൽ വെച്ച് നടന്ന ചടങ്ങിൽ അടുത്ത ബന്ധുക്കളും സുഹൃത്തുക്കളും മാത്രമാണ്് പങ്കെടുത്തത്. കഴിഞ്ഞമെയ് ഒന്നിന് ലളിതമായ ചടങ്ങിലായിരുന്നു ഇവരുടെ ആദ്യ വിവാഹം. ത്രോൺസിൽ സാൻസ സ്റ്റാർക്കായി തിളങ്ങിയ നടിയാണ് സോഫി.
2017 മുതൽ ഇരുവരും പ്രണയത്തിലായിരുന്നു. തൂവെള്ള നിറത്തിൽ സ്ലീവുള്ള ഗൗണായിരുന്നു സോഫി അണിഞ്ഞത്. ഒപ്പം മൂടുപടവും ചെറിയ രീതിയിലുള്ള മേക്കപ്പും മാത്രമാണ് ഉപയോഗിച്ചത്. ഗെയിം ഓഫ് ത്രോൺസിൽ ആര്യ സ്റ്റാർക്കായി സോഫിയുടെ കൂടെ അഭിനയിച്ച മെയ്സി വില്യംസായിരുന്നു വധുവിന്റെ തോഴിയുടെ വേഷത്തിൽ തിളങ്ങിയത്. മെയ്സി വില്ല്യംസ് തന്റെ കാമുകനായ റൂബൻ സെൽബിയുടെ കൂടെയാണ് വിവാഹത്തിനെത്തിയത്. ചടങ്ങിന്റെ ചിത്രങ്ങളൊന്നും തന്നെ പുറത്തു വിട്ടിട്ടില്ല.
ജോനാസ് ബ്രദേഴ്സ് എന്ന പേരിൽ പ്രശസ്തരായ പോപ്പ് ഗായകരാണ് ജോ ജൊനാസും സഹോദരന്മാരായ നിക്ക് ജൊനാസും കെവിൻ ജൊനാസും. ഇന്ത്യൻ താരം പ്രിയങ്ക ചോപ്രയാണ് നിക്ക് ജോനാസിനെ വിവാഹം കഴിച്ചിരിക്കുന്നത്. സോഫിയുടേയും ജോ ജൊനാസിന്റെയും വിവാഹത്തിന് ഇളം പിങ്ക് നിറത്തിലുള്ള സാരി അണിഞ്ഞ് ' ദേശി' ലുക്കിലാണ് പ്രിയങ്ക എത്തിയത്. നിക്ക് ആകട്ടെ കറുത്ത സ്യൂട്ടിലും.
്വധൂ വരന്മാർ സുഹൃത്തുക്കളുടെ കൂടെ ഷാംപെയ്ൻ കുടിച്ചതിനു ശേഷമാണ് ചടങ്ങുകൾ ആരംഭിച്ചത്. വിവാഹത്തിന് ഒരാഴ്ച മുൻപ് തന്നെ ഇരുവരും പാരീസിൽ എത്തിയിരുന്നു. ഈഫൽ ടവറിന്റെ മുൻപിൽ നിന്ന് രണ്ടു പേരും ചേർന്നെടുത്ത ചിത്രങ്ങളെല്ലാം തന്നെ ഇൻസ്റ്റഗ്രാമിൽ വൈറലായിരുന്നു.
Premium Lifestyle and Entertainment website
ലൈവില് വരുമ്പോള് 'മദ്യം' കുടിച്ച് സംസാരിക്കുന്നതുപോലെ തോന്നും; സ്ത്രീകളെയും കുട്ടികളെയും കേട്ടാലറയ്ക്കുന്ന രീതിയില് എന്തെങ്കിലും വിളിച്ച് പറയുന്ന ശൈലി; ഒടുവില് സഹികെട്ടതോടെ കോടതിയുടെ വക അറസ്റ്റ് വാറണ്ട്; കുട്ടിയെ അധിക്ഷേപിച്ച കേസില് യൂട്യൂബര് രമ്യ ഇനി അകത്ത് 
പരസ്പരം വലിച്ചു കീറാന് തീരുമാനിച്ചു കണ്ടുമുട്ടിയ രണ്ടുപേര് പരസ്പരം കെയര് ചെയ്ത അത്ഭുതം; ഞാന് ഹൃദയത്തില് നിന്ന് സംസാരിച്ചത് ഹൃദയം കൊണ്ട് അയാള് കേട്ടത് കൊണ്ടാകാം; തെറ്റുകള് തിരുത്തപ്പെടണം, വ്യക്തി വൈരാഗ്യമില്ല; ബിഗ് ബോസ് അനുഭവങ്ങളും നിലപാടുകളും വ്യക്തമാക്കി റിനി ആന് ജോര്ജിന്റെ ഫെയ്സ്ബുക്ക് കുറിപ്പ്