വിവാഹപ്രായമായിട്ടും പല കാരണങ്ങളാല്‍ കല്യാണം കഴിക്കാനാകാതെ വിഷമിക്കുന്ന ചെറുപ്പക്കാര്‍ക്കുവേണ്ടി ഒരു പുതിയ സിനിമ. ഷിജു യു സി- ഫൈസല്‍ അബ്ദുള്ള എന്നിവര്‍ ചേര്‍ന്ന് തിരക്കഥയെഴുതി പപ്പന്‍ ടി നമ്പ്യാര്‍ സംവിധാനം ചെയ്ത് റിലീസിനൊരുങ്ങുന്ന ചിത്രത്തിന്റെ പേരും കൗതുകകരമാണ്- 'വയസ്സെത്രയായി? മുപ്പത്തി...'. ഇന്നാണ് Official Title അനൗണ്‍സ്മെന്റിലൂടെ ചിത്രത്തിന്റെ അണിയറപ്രവര്‍ത്തകര്‍ വിവരങ്ങള്‍ പുറത്തുവിട്ടത്.
കിങ് ഓഫ് കൊത്ത, ജാന്‍ എ മന്‍, അജഗജാന്തരം, ജല്ലിക്കെട്ട് തുടങ്ങിയ ഹിറ്റ് ചിത്രങ്ങളിലൂടെ പ്രേക്ഷകര്‍ക്ക് പരിചിതനായ പ്രശാന്ത് മുരളി നായകനാകുന്ന ആദ്യ ചിത്രം എന്ന പ്രത്യേകതയും ഈ ചിത്രത്തിനുണ്ട്. മെറീന മൈക്കിള്‍, മഞ്ജു പത്രോസ്, ജയകുമാര്‍, സാവിത്രി ശ്രീധരന്‍, അരിസ്റ്റോ സുരേഷ്, രമ്യ സുരേഷ്, ചിത്ര നായര്‍, ഉണ്ണിരാജ, പ്രദീപ് ബാലന്‍, നിര്‍മല്‍ പാലാഴി, കുഞ്ഞിക്കണ്ണന്‍ ചെറുവത്തൂര്‍, മുഹമ്മദ് എരവട്ടൂര്‍ തുടങ്ങിയവരും ചിത്രത്തില്‍ പ്രധാന കഥാപാത്രങ്ങളായെത്തുന്നു.
Made in വടകര എന്ന ക്യാപ്ഷനോടെ ഉത്തര മലബാറിലെ ഗ്രാമീണന്തരീക്ഷം പശ്ചാത്തലമാക്കിക്കൊണ്ട് നിര്‍മിച്ചിരിക്കുന്ന ചിത്രത്തിനുവേണ്ടി ക്യാമറ ചലിപ്പിച്ചിരിക്കുന്നത്, പീസ്, അഭ്യൂഹം, പ്രൈസ് of പോലീസ് തുടങ്ങിയ ചിത്രങ്ങളിലൂടെ ശ്രദ്ധേയനായ ഷമീര്‍ ജിബ്രാനാണ്. സിബു സുകുമാരന്‍, സന്‍ഫീര്‍ എന്നിവര്‍ ചേര്‍ന്ന് ഒരുക്കിയിരിക്കുന്ന ഗാനങ്ങള്‍ ജനുവരി ഒന്നിന് പുറത്തിറങ്ങും. ചിത്രം ഫെബ്രുവരി ആദ്യ ആഴ്ച തന്നെ തീയേറ്ററുകളില്‍ എത്തും.
Premium Lifestyle and Entertainment website
സത്യസന്ധരായ നക്ഷത്രക്കാര്‍ ഇവരാണ്
പ്രൊഫഷണലുകളെ ലക്ഷ്യമിട്ട് ലെനോവോയുടെ പുതിയ ടാബ്ലെറ്റും ലാപ്‌ടോപ്പും