രണ്‍ബീര്‍ കപൂര്‍ നായകനായി എത്തിയ അനിമല്‍ സിനിമയിലൂടെ ആരാധക മനം കവര്‍ന്ന നടിയാണ് തൃപ്തി ദിമ്രി. ഇപ്പോള്‍ മുംബൈയില്‍ പുതിയ വീട് സ്വന്തമാക്കിയിരിക്കുകയാണ് താരം. മുംബൈ ബാന്ദ്രയിലാണ് താരം ആഡംബര ഭവനം സ്വന്തമാക്കിയത്. 15 കോടി മുടക്കിയാണ് താരം വീട് സ്വന്തമാക്കിയത് എന്നാണ് പുറത്തുവരുന്ന റിപ്പോര്‍ട്ടുകള്‍.
ഷാറുഖ് ഖാന്‍, സല്‍മാന്‍ ഖാന്‍ തുടങ്ങി മുന്‍നിര താരങ്ങള്‍ വസിക്കുന്ന കാര്‍ട്ടര്‍ റോഡിലാണ് തൃപ്തിയുടെ ആഡംബര ഭവനം. 2226 ചതുരശ്ര അടി വിസ്തൃതമായ സ്ഥലത്ത് 2194 ചതുരശ്ര അടി ബില്‍റ്റ് അപ് ഏരിയയോട് കൂടിയാണ് വീട് സ്ഥിതി ചെയ്യുന്നത്. ജൂണ്‍ മൂന്നിന് വീടിന്റെ ഔദ്യോഗിക രജിസ്‌ട്രേഷന്‍ പൂര്‍ത്തിയായി. മുപ്പതിനായിരം രൂപ രജിസ്‌ട്രേഷന്‍ തുകയായും 70 ലക്ഷം രൂപ സ്റ്റാമ്പ് ഡ്യൂട്ടി ഇനത്തിലും തൃപ്തി അടച്ചിട്ടുണ്ടെന്ന് രേഖകള്‍ സൂചിപ്പിക്കുന്നു.
50,000 നും 1,50,000 നും ഇടയിലാണ് ബാന്ദ്ര വെസ്റ്റില്‍ ഒരു ചതുരശ്ര അടിക്ക് വില മതിപ്പ്. പ്രോപ്പര്‍ട്ടിയുടെ കാലപ്പഴക്കം, സ്ഥിതി ചെയ്യുന്ന ലൊക്കേഷന്‍, സമീപത്തെ സൗകര്യങ്ങള്‍ എന്നിവയെ ആശ്രയിച്ച് വിലയില്‍ മാറ്റമുണ്ടാകും. വീട് വാങ്ങിയ സന്തോഷം തൃപ്തി സമൂഹ മാധ്യമങ്ങളിലൂടെ പങ്കുവച്ചിരുന്നു.
Premium Lifestyle and Entertainment website
മാമുക്കോയയുടെ മകനും വെള്ളിത്തിരയിലേക്ക്; അരങ്ങേറ്റ ചിത്രത്തില്‍ പോലീസ് ഓഫീസറായി നിസാര്‍ മാമുക്കോയ; ഒരുമ്പെട്ടവന്റെ ക്യാരക്റ്റര്‍ പോസ്റ്റര്‍ പുറത്ത് 
50 വയസിന് ശേഷമാണ് കുഞ്ഞ് പിറന്നിരിക്കുന്നത്; ഞാന്‍ ജീവിതത്തില്‍ സങ്കല്‍പ്പിച്ചത് പോലുമല്ല; മകള്‍ പിറന്ന ശേഷം തനിക്ക് 25 വയസുകാരനെ പോലെ തോന്നുന്നു;ഒഴുക്കിനനുസരിച്ച് പോകുന്നു; പ്രഭുദേവ പങ്ക് വച്ചത്