പ്രിയേ നീ തീർന്നടീ,,,,, നീയല്ല ഷിറ്റ് ഗോപിയും മേനോനും വിചാരിച്ചാലും കേരളം വർഗ്ഗീയത വച്ച് പൊറുപ്പിക്കില്ല; നിന്റെ തനിക്കൊണം അറിയാൻ വൈകി; ജസ്റ്റ് റിമബർ ഇറ്റ്, പോ പുല്ലേ..... സുരേഷ് ഗോപിക്കൊപ്പം വേദി പങ്കിട്ടതിന് അവസാനിക്കാത്ത ട്രോളുകൾ ഏറ്റുവാങ്ങി പ്രിയാ വാര്യർ

സുരേഷ് ഗോപിക്ക് വേണ്ടി വോട്ട് പിടിച്ചതിന് ബിജു മേനോനു പിന്നാലെ നടി പ്രിയാ വാര്യർക്ക് നേരെയും സൈബർ ആക്രമണം. തൃശൂർ എൻ.ഡി.എ സ്ഥാനാർത്ഥി സുരേഷ് ഗോപിക്ക് പിന്തുണനൽകിയതിനെ തുടർന്നാണ് ആളുകൾ പ്രീയയുടെ ഫേസ്‌ബുക്ക്, ഇൻസ്റ്റാഗ്രാം പേജിൽ പ്രതിഷേധമറിയിച്ചത്.

''വർഗ്ഗീയത അത് കേരളം വെച്ച് പൊറുപ്പിക്കില്ല. അതിനു നീയല്ല ഷിറ്റ് ഗോപിയും മേനോനും വിചാരിച്ചാലും, ജസ്റ്റ് റിമമ്പർ ദാറ്റ്, സംഘിയാണോ, അറിയാൻ വൈകി'' എന്നിങ്ങനെയാണ് കമന്റുകൾ. കഴിഞ്ഞ ദിവസം തൃശൂർ ലുലു ഇന്റെർനാഷണൽ കൺവെൻഷൻ സെന്ററിൽ വച്ചു നടന്ന 'സുരേഷ് ഗോപിയോടൊപ്പം ഒരു സായാഹ്നം' എന്ന പരിപാടിയിയിലാണ് ബിജു മേനോനും പ്രിയ വാര്യരും അദ്ദേഹത്തിനു വേണ്ടി വോട്ട് അഭ്യർത്ഥിച്ചത്. ഒപ്പം ടി.എൻ.സുന്ദർ മേനോൻ, ജി.സുരേഷ്‌കുമാർ, സെവൻ ആർട്സ് വിജയകുമാർ, സന്തോഷ് എന്നിവരും പങ്കെടുത്തിരുന്നു.

നേരത്തെ ശബരിമല സ്ത്രീ പ്രവേശന വിഷയത്തിലും ബിജെപി അനുകൂല നിലപാടുകളായിരുന്നു പ്രിയാ വാര്യർ സ്വീകരിച്ചിരുന്നത്. ശബരിമലയിൽ പോകുന്ന സ്ത്രീകൾക്ക് 41 ദിവസം ശുദ്ധിയോടെ ഇരിക്കാൻ കഴിയില്ലെന്നും ക്ഷേത്രത്തിലെ ആചാരങ്ങൾ ഏറെ വർഷങ്ങൾ പഴക്കമുള്ളതാണെന്നുമായിരുന്നു അന്ന് പ്രിയാ വാര്യർ വ്യക്തമാക്കിയത്. ഇതിനു പിന്നാലെയാണ് എൻഡിഎ സ്ഥാനാർത്ഥിക്ക് പിന്തുണയുമായി പ്രിയ പൊതു പരിപാടിയിലെത്തിയത്.

നേരത്തെ ബിജു മേനോനെതിരെ സൈബർ ആക്രമണം ഉണ്ടായിരുന്നു. സുരേഷ് ഗോപിയെ ജനപ്രതിനിധിയായി കിട്ടിയാൽ തൃശൂരിന്റെ ഭാഗ്യമാണെന്നും അദ്ദേഹത്തെ പോലെയൊരു മനുഷ്യസ്നേഹിയെ താൻ വേറെ കണ്ടിട്ടില്ലെന്നുമാണ് ബിജു മേനോൻ പറഞ്ഞിരുന്ന്. അതിനു മറുപടിയായി സുരേഷ് ഗോപിക്ക് പിന്തുണ നൽകിയതുകൊണ്ട് ഇനി താരത്തിന്റെ സിനിമകൾ കാണില്ലന്നും മറ്റും ഫേസ്‌ബുക്ക് പേജിൽ രൂക്ഷമായ പ്രതികരണങ്ങൾ ഉയർന്നതുമാണ്. ഇതിനു പിന്നാലെയാണ് നടിക്കെതിരെയും പ്രതിഷേധം ഉണ്ടായിരിക്കുന്നത്.

സുരേഷ്ഗോപിയെ ജനപ്രതിനിധിയായി കിട്ടിയാൽ തൃശൂരിന്റെ ഭാഗ്യമാണെന്നും അദ്ദേഹത്തെപ്പോലെയൊരു മനുഷ്യസ്നേഹിയെ താൻ വേറെ കണ്ടിട്ടില്ലെന്നും ബിജുമേനോൻ പറഞ്ഞിരുന്നു. ഇതിനു പിന്നാലെയാണ് താരത്തിനെതിരേ രൂക്ഷമായ സൈബർ ആക്രമണം തുടങ്ങിയത്. താങ്കളെപ്പോലെ ഒരാൾ സുരേഷ്ഗോപിക്കായി വോട്ടഭ്യർഥന നടത്തിയത് മനസിലാകുന്നില്ലെന്നും ബിജുമേനോനെപ്പോലെ മതേതരമുഖമുള്ള നടന്മാർ 'വർഗീയവിഷം തുപ്പുന്ന' പാർട്ടിക്കായി വോട്ട് തേടിയത് ശരിയല്ലെന്നും ചൂണ്ടിക്കാട്ടി ഏതാനുംപേർ ബിജുമേനോന് സന്ദേശമയച്ചു. ഇങ്ങനെയാണ് കാര്യങ്ങൾ മുന്നോട്ട് പോകുന്നതെങ്കിൽ ബിജുമേനോന്റെ ചിത്രങ്ങൾ ഇനി തിയേറ്ററിൽ പോയി കാണില്ലെന്നും ചിലർ കമന്റ് ചെയ്തു.

അതേസമയം തനിക്ക് പാർട്ടി ബന്ധമില്ലെന്നും ഏതാനും സഹപ്രവർത്തകരുടെ നിർബന്ധത്തിനു വഴങ്ങിയാണു സഹപ്രവർത്തകനായ സുരേഷ്ഗോപിക്കായി വോട്ടഭ്യർഥന നടത്തിയതെന്നും ബിജുമേനോൻ മറുപടി നൽകി. ബിജു മേനോന് പിന്തുണയുമായി സുരേഷ് ഗോപിയുടെ മകൻ രംഗത്ത് വരികയും ചെയ്തു. പ്രിയാ പ്രകാശ് വാര്യരുടെ ഫേസ്‌ബുക്ക്, ഇൻസ്റ്റാഗ്രാം പേജുകളിലാണ് വ്യാപകമായ സൈബർ ആക്രമണം നടക്കുന്നത്. പലരും പരിഹാസവും കേട്ടാൽ അറയ്ക്കുന്ന അസഭ്യവാക്കുകളും കലർന്ന സന്ദേശങ്ങളാണ് അയച്ചിട്ടുള്ളത്. 'പ്രിയേ നീ തീർന്നടീ തീർന്നു' എന്ന രൂക്ഷമായ ഭാഷയിൽ പ്രതികരിച്ചവരും ഏറെ. ഒറ്റ കണ്ണിറുക്കലുമായി ഒരു അഡാർ ലൗ എന്ന സിനിമയിലൂടെയാണ് പ്രിയാ വാര്യർ വാർത്തകളിൽ എത്തിയത്. അന്തർദേശീയ ശ്രദ്ധ പോലും അഡാൽ ലൗവിലെ കണ്ണിറുക്കലിന് കിട്ടിയിരുന്നു.

പ്രചാരണങ്ങൾ അവസാന ഘട്ടത്തിലേക്ക് കടക്കുന്നതിനിടയിലാണ് സുരേഷ് ഗോപിക്ക് പിന്തുണ അറിയിച്ച് സഹപ്രവർത്തകരെത്തിയത്. സ്നേഹപൂർവ്വം സുരേഷ് ഗോപി എന്ന പേരിൽ നടത്തിയ പരിപാടിക്കിടയിലായിരുന്നു സഹപ്രവർത്തകരെത്തിയത്. തൃശ്ശൂരിന്റെ ഭാഗ്യമായിരിക്കും അദ്ദേഹമെന്നായിരുന്നു ബിജു മേനോൻ പറഞ്ഞത്. ഏത് സമയത്തും എന്ത് കാര്യത്തിനെക്കുറിച്ച് പറയാനായും അദ്ദേഹത്തെ വിളിക്കാമെന്നും തനിക്ക് ജ്യേഷ്ഠനെപ്പോലെയാണ് അദ്ദേഹമെന്നും ബിജു മേനോൻ പറഞ്ഞിരുന്നു. സുരേഷ് ഗോപിക്ക് പിന്തുണ അറിയിച്ച് എത്തിയതിന് പിന്നാലെയായാണ് അദ്ദേഹത്തിനെതിരെ വ്യാപക വിമർശനം ഉയർന്നുവന്നത്.

ഉള്ള വില കളയാതെടോ, ചാണകം ചാരിയാൽ ചാണക തന്നെയോ മണക്കൂയെന്ന തരത്തിലുള്ള കമന്റുകളും ബിജു മേനോന്റെ പേജിലുണ്ടായിരുന്നു. ഇത്തരത്തിലുള്ള കമന്റുകൾ പലയിടത്തും കണ്ടുവെന്നും അത് വായിച്ച് മടുത്തുവെന്നും വ്യക്തമാക്കി രംഗത്തെത്തിയിരിക്കുകയാണ് ഗോകുൽ സുരേഷ്. ബിജു മേനോൻ എന്ന നടനോളം തന്നെ ഇഷ്ടം അഭിപ്രായങ്ങൾ നിവർന്ന നട്ടെല്ലോടെ നിർഭയം പറയുന്ന ബിജു ചേട്ടൻ എന്ന വ്യക്തിയെ എന്നും ഗോകുൽ സുരേഷ് കുറിച്ചിട്ടുണ്ട്.

സുരേഷ് ഗോപിക്ക് വോട്ടഭ്യർത്ഥിച്ച് രാധികയും ഗോകുലുമെത്തിയിരുന്നു. വ്യക്തിയെന്ന നിലയിലും നടനെന്ന നിലയിലും ബഹുമാനവും സ്നേഹവും ആരാധനയുമാണ് എപ്പോഴുമെന്നാണ് അജു വർഗീസ് കുറിച്ചിട്ടുള്ളത്. അദ്ദേഹത്തിനൊപ്പമുള്ള ചിത്രവും പങ്കുവെച്ചിട്ടുണ്ട്.