മലയാളികള്‍ക്ക് എക്കാലവും പ്രിയപ്പെട്ട നടിമാരില്‍ ഒരാളാണ് സംയുക്ത വര്‍മ്മ. സ്ത്രീത്വത്തെ ആഘോഷമാക്കി കൊണ്ട് നിരവധി ചിത്രങ്ങളും കുറിപ്പുകളും പങ്കുവച്ച്് കൊണ്ട് നിരവധി താരങ്ങള്‍ സോഷ്യല്‍ മീഡിയയില്‍ എത്തിയപ്പോള്‍ നടി സംയുക്തവര്‍മ്മ എത്തിയത് തന്റെ പ്രിയ സഹോദരി സംഗമിത്രയെ ആരാധകര്‍ക്കായി പരിചയപ്പെടുത്തി കൊണ്ടായിരുന്നു. ഇത് ആദ്യമായിട്ടാണ് സഹോദരിയുടെ ചിത്രം സംയുക്ത സോഷ്യല്‍മീഡിയയില്‍ പങ്കുവയ്ക്കുന്നത്. സംഗമിത്രയ്ക്ക് പിറന്നാള്‍ ആശംസിച്ച് കൊണ്ടായിരുന്നു താരം ചിത്രം സമുഹമാധ്യമങ്ങളില്‍ പങ്കുവച്ചിരിക്കുന്നത്.
സ്ത്രീകളുടെ ഊര്‍ജ്ജം ഏറെ ശക്തിമത്താണ്, നിഗൂഢമാണ്. അത് ഓരോ കാര്യങ്ങളേയും ആകര്‍ഷിക്കും, ബലപ്രയോഗത്താലല്ലാതെ, നിങ്ങളുടെ ശക്തി നല്ലതിനായി ഉപയോഗിക്കൂ, ഹാപ്പി ബെര്‍ത്ത് ഡേ മാളൂ, സംഗമിത്ര വര്‍മ്മ എന്നാണ് സംയുക്ത സഹോദരിയുടെ ചിത്രം പങ്കുവെച്ചുകൊണ്ട് സംയുക്ത കുറിച്ചിരിക്കുന്നത്.
സംയുക്ത ഇതോടൊപ്പം അച്ഛനും അമ്മയും സഹോദരിക്കും ഒപ്പമുള്ള ഒരു ത്രോ ബാക് ചിത്രവും ആരാധകര്‍ക്കായി പങ്കുവയ്ക്കുകയും ചെയ്തിരുന്നു. അതോടൊപ്പം താന്‍ യോഗ ചെയ്യുന്ന നിരവധി ചിത്രങ്ങളും സംയുക്ത പങ്കുവെക്കുകയും ചെയ്തിരുന്നു. സഹോദരിയുടെ ചിത്രം പങ്കുവയ്ക്കപ്പെട്ടതോടെ സംഗമിത്ര സിനിമയിലേക്ക് എത്തുകയാണോ എന്ന തരത്തില്‍ ഉളള ചോദ്യങ്ങളും സമുഹമാധ്യമങ്ങളില്‍ ഉയര്‍ന്നിരിക്കുകയാണ്.
മലയാള സിനിമയിലെ പ്രണയ ജോഡികളില്‍ നിന്നും ബിജുമേനോനുമായിട്ടുളള വിവാഹ ശേഷം സിനിമയില്‍ നിന്ന് വിട്ട് നിന്നിരുന്ന സംയുക്ത പൊതുപരിപാടികളിലും പരസ്യചിത്രങ്ങളിലും നിറസാന്നിധ്യമാണ്. 2002ലായിരുന്നു ഇരുവരും വിവാഹിതരായത്. ജയറാം നായകനായ വീണ്ടും ചില വീട്ടുകാര്യങ്ങള്‍ എന്ന ചിത്രത്തിലൂടെയാണ് വെള്ളിത്തിരയില്‍ സംയുക്ത അരങ്ങേറ്റം കുറിച്ചിരുന്നത്. 2006ല്‍ ആയിരുന്നു ഇരുവര്‍ക്കുമിടയില്‍ ഏക മകന്‍ ദക്ഷ് ധാര്‍മിക്ക് പിറന്നത്.
Premium Lifestyle and Entertainment website
ഒന്ന് ചിരിക്കുവെന്ന് മോഹന്‍ലാല്‍; ചിരിക്കാന്‍ പറ്റിയ സമയമെന്ന് നേഹയും; എല്ലാത്തിന്റെയും മുകളില്‍ ആനന്ദം എന്നാ പറയുകയെന്നും മോഹന്‍ ലാല്‍; നേഹ-രക്ഷിതാക്കള്‍ സംസാരത്തിന് പിന്നാലെ മത്സരാര്‍ത്ഥിയെ ആശ്വസിപ്പിക്കാന്‍ ശ്രമിച്ച് മോഹന്‍ലാല്‍; പ്രതികരിക്കാതെ നേഹ
പെറ്റ് സ്‌കാന്‍ റിപ്പോര്‍ട്ട് കിട്ടി; ഇന്ന് നേരിട്ട് ഡോക്ടറെ കാണും; എല്ലാം നോര്‍മല്‍ ആയിട്ടാണ് വന്നിരിക്കുന്നത്; പ്രാര്‍ത്ഥിച്ച എല്ലാവര്‍ക്കും നന്ദി ' ; ആരോഗ്യവിവരം പങ്കുവെച്ച് രേണു സുധി