അമ്മയ്ക്കായി രണ്ട് കോടിയുടെ സര്‍പ്രൈസ് ഗിഫ്റ്റ് സമ്മാനിച്ച് സല്‍മാന്‍ ഖാന്‍; മാതാവ് സല്‍മാ ഖാന് സമ്മാനിച്ചത് ലാന്‍സ് റോവറിന്റെ ഏറ്റവും ആകര്‍ഷണീയമായ മോഡല്‍; കയ്യടിച്ച് ആരാധകരും അഭിനന്ദിച്ചും ആരാധകര്‍ 

അമ്മമാരെ ജീവനായി സ്‌നേഹിക്കാത്ത മക്കളുണ്ടാകില്ല! അത്തരത്തില്‍ തന്റെ അമ്മയ്ക്കായി ഒരു സര്‍പ്രൈസ് ഗിഫ്റ്റ് ഒരുക്കി മാതൃക തീര്‍ത്തിരിക്കുകയാണ് ബോളിവുഡ് സൂപ്പര്‍താരം സല്‍മാന്‍ ഖാന്‍.  പുതിയ റേഞ്ച് റോവര്‍ ലോങ് വീല്‍ബേസ് തന്റെ അമ്മ സല്‍മ ഖാന് താരം സമ്മാനമായി നല്‍കിയയാണ് സല്‍മാന്‍ ഖാന്‍ സര്‍പ്രൈസ് ഒരുക്കിയത്. ഇഷ്ട നമ്പറായ 2727 ഉം താരം അമ്മയുടെ വാഹനത്തിനായി സ്വന്തമാക്കി. 

ലാന്‍ഡ് റോവര്‍ നിരയിലെ ഏറ്റവും മികച്ച മോഡലുകളിലൊന്നാണ് റേഞ്ച് റോവര്‍ ലോങ് വീല്‍ബേസ്. ലാന്‍ഡ് റോവര്‍ എഎക്‌സ്റ്റെന്റഡ് വീല്‍ബേസിന്റെ 3.0 ലീറ്റര്‍ വി6 ഡീസല്‍ എന്‍ജിന്‍ പതിപ്പാണ് സല്‍മാന്‍ അമ്മയ്ക്കായി വാങ്ങിയത്.

255 ബി.എച്ച്.പി കരുത്തും 600 എന്‍.എം ടോര്‍ക്കുമുണ്ട് വാഹനത്തിന്. പൂജ്യത്തില്‍ നിന്ന് 100 കിലോമീറ്റര്‍ വേഗം കൈവരിക്കാന്‍ വെറും 8.3 സെക്കന്റുകള്‍ മാത്രം മതി ഈ വാഹനത്തിന്.  മണിക്കൂറില്‍ 209 കിലോമീറ്റര്‍ വേഗതയില്‍ വരെ ഈ വാഹനം കുതിക്കും. 5.2 മീറ്റര്‍ നീളമുള്ള എസ്യുവി രാജ്യത്തെ ഏറ്റവും വലിയ എസ്‌യുവികളിലൊന്നാണ്. ഏകദേശം 2 കോടി രൂപയാണ് വാഹനത്തിന്റെ എക്‌സ്‌ഷോറൂം വില. 

അടുത്തിടെയാണ് താര സുന്ദരി ശില്‍പ ഷെട്ടിക്ക് ഭര്‍ത്താവ് റേഞ്ച് റോവര്‍ സമ്മാനിച്ചതും വാഹനലോകത്തെ കൗതുക വാര്‍ത്തയായിരുന്നു.