ഏറെ ചര്‍ച്ച ചെയ്യപ്പെട്ട ,മമ്മൂട്ടി നായകനായ പുഴു എന്ന ചിത്രത്തിനു ശേഷം റത്തിന സംവിധാനം ചെയ്യുന്ന പാതിരാത്രി എന്ന ചിത്രത്തിന് ജൂണ്‍ പത്ത് തിങ്കളാഴ്ച്ച കൊച്ചിയില്‍ തുടക്കമിട്ടു.റോയല്‍ ട്രൈബ്യൂട്ട് ഹോട്ടലില്‍ നടന്ന ലളിതമായ ചടങ്ങിലൂടെയാണു് ആരംഭം കുറിച്ചത്.
മലയാള സിനിമയില്‍ ഒരു പിടി ശ്രദ്ധേയമായ ചിത്രങ്ങള്‍ നിര്‍മ്മിച്ച ബെന്‍സി പ്രൊഡക്ഷന്‍സിന്റെ ബാനറില്‍ കെ.വി.അബ്ദുള്‍ നാസ്സറാണ് ഈ ചിത്രം നിര്‍മ്മിക്കുന്നത്.ബെന്‍സി പ്രൊഡക്ഷന്‍സ് നിര്‍മ്മിക്കുന്ന പതിനഞ്ചാമതുമിത്രം കൂടിയാണിത്.ചലച്ചിത്ര പ്രവര്‍ത്തകര്‍, അണിയറ പ്രവര്‍ത്തകര്‍, ബന്ധുമിത്രാദികള്‍ എന്നിവരുടെ സാന്നിദ്ധ്യത്തില്‍ സംവിധായിക റത്തീന അദ്യ ഭദ്രദീപം തെളിയിച്ചു കൊണ്ടാണ് ചടങ്ങിനു തുടക്കമിട്ടപ്പോള്‍ സൗബിന്‍ ഷാഹിര്‍, നവ്യാ നായര്‍ ,സണ്ണി വെയ്ന്‍, ആന്‍ അഗസ്റ്റിന്‍, ഷെഹ്നാദ് ജലാല്‍, ഷാജിമാറാട്, റിനി അനില്‍കുമാര്‍, എന്നിവര്‍ ചേര്‍ന്ന് ഈ ചടങ്ങ് പൂര്‍ത്തികരിച്ചു. '
തുടര്‍ന്ന് നടന്ന സ്വിച്ചോണ്‍ കര്‍മ്മം നവ്യയുടെ മാതാപിതാക്കളായ രാജു, : വീണഎന്നിവര്‍ നിര്‍വ്വഹിച്ചു.മേജര്‍ രവിയാണ് ഫസ്റ്റ് ക്ലാപ്പ് നല്‍കിയത്.
സംവിധായകരായ ടി.എസ്.സുരേഷ് ബാബു, എം.പത്മകുമാര്‍ പി.സുകുമാര്‍ ഷാഹി കബീര്‍ ഏ.കെ.സന്തോഷ്,എന്നിവര്‍ചടങ്ങില്‍ പങ്കെടുത്ത് ആശംസകള്‍ നേര്‍ന്നു.
ബെന്‍സി പ്രൊഡക്ഷന്‍സിന്റെ സാരഥി സനില്‍ കുമാര്‍ കൊട്ടാരം സ്വാഗതമാശംസിച്ചു. ഇടുക്കിയിലെ തികഞ്ഞ ഗ്രാമീണാന്തരീക്ഷത്തില്‍ ഒറ്റ രാത്രിയില്‍ നടക്കുന്ന ഒരു പൊലീസ് ഡ്രാമയാണ് ഈ ചിത്രം.ഒരു യഥാര്‍ത്ഥ സംഭവത്തെ ആസ്പദമാക്കി ഷാജി മാറാടാണ് ഈ ചിത്രത്തിന്റെ തിരക്കഥ രചിച്ചിരിക്കുന്നത്. പൊലീസ് കോണ്‍സ്റ്റബിള്‍ ഹരീഷ്,ഇവിടെ പുതുതായി ചുമതലയേല്‍ക്കുന്ന പ്രൊബേഷണറി എസ്.ഐ.ആയ ജാന്‍സി. കുര്യന്‍. ഇവരുടെ ഔദ്യോഗിക ജീവിതത്തില്‍ അരങ്ങേറുന്ന സംഭവ ങ്ങളാണ് ഏറെ ത്രില്ലറായി ഈ ചിത്രത്തിലൂടെ അവതരിപ്പിക്കുന്നത്.
ഈ നാടിന്റെ ജീവിത പശ്ചാത്തലത്തിലൂടെ, തികഞ്ഞ യാഥാര്‍ത്ഥ്യബോധത്തോടെ എല്ലാ വിഭാഗം പ്രേക്ഷകര്‍ക്കും അസ്വാദകരമാകും വിധത്തിലാണ് റത്തിന ഈ ചിത്രത്തെ അവതരിപ്പിക്കുന്നത്.സൗബിന്‍ ഷാഹിറും, നവ്യാ നായരുമാണ് ഈ ചിത്രത്തിലെ കേന്ദ്ര കഥാപാത്രങ്ങളെ അവതരിപ്പിക്കുന്നത്.സണ്ണി വെയ്ന്‍, ആന്‍ അഗസ്റ്റിന്‍, ശബരീഷ്, ഹരിശ്രീ അശോകന്‍, തുടങ്ങിയവരും പ്രധാന വേഷങ്ങളിലെത്തുന്നു.
സംഗീതം - ജേക്‌സ് ബിജോയ്.
ഛായാഗ്രഹണം - ഷെഹ് നാദ് ജലാല്‍,
എഡിറ്റിംഗ് - ശ്രീജിത്ത് സാരംഗ്
കലാസംവിധാനം -ദിലീപ് നാഥ്.
ചമയം - ഷാജി പുല്‍പ്പള്ളി
വസ്ത്രാലങ്കാരം -ധന്യാ ബാലകൃഷ്ണന്‍.
സംഘട്ടനം - പി.സി. സ്റ്റണ്ട്‌സ്. ചീഫ് അസ്സോസ്സിയേറ്റ് ഡയറക്ടര്‍ - അജിത് വേലായുധന്‍
അസ്സോസ്സിയേറ്റ് ഡയറക്ടര്‍ - സിബിന്‍ രാജ്.
പരസ്യകല - യെല്ലോ ടൂത്ത്
പ്രൊഡക്ഷന്‍ മാനേജര്‍ - ജോബി ജോണ്‍
പ്രൊഡക്ഷന്‍ എക്‌സിക്കുട്ടീവ് - രാജേഷ് സുന്ദരം '
പ്രൊഡക്ഷന്‍ കണ്‍ട്രോളര്‍- പ്രശാന്ത് നാരായണന്‍.
ജൂണ്‍ പതിനാലു മുതല്‍ കുമളിയിലും പരിസരങ്ങളി
ലുമായി ഈ ചിത്രത്തിന്റെ ചിത്രീകരണം ആരംഭിക്കുന്നു.
വാഴൂര്‍ ജോസ്.
ഫോട്ടോ - നവീന്‍ മുരളി
Premium Lifestyle and Entertainment website
മൂകാംബിക ക്ഷേത്രത്തില്‍ ദര്‍ശനം നടത്തി സൂര്യയും ജ്യോതികയും; ചണ്ഡികയാഗത്തില്‍ പങ്കെടുത്ത് താരദമ്പതികള്‍
നടന്‍ ബൈജു ഏഴുപുന്നയുടെ സഹോദരന്‍ അന്തരിച്ചു; 49 കാരനായ ഷെല്‍ജുവിന്റെ മരണം ഹൃദയാഘാതം മൂലം; സംസ്‌കാരം ഇന്ന്