നിര്‍മ്മാതാവ് ഏക്താ കപൂറും അമ്മ ശോഭ കപൂറും നിയമക്കുരുക്കിലേക്ക്. ഇവരുടെ കീഴിലുള്ള ഒടിടി പ്ലാറ്റ്‌ഫോം എഎല്‍ടി ബാലാജിയില്‍ വന്ന അഡള്‍ട്ട് വെബ് സീരീസിന്റെ എപ്പിസോഡില്‍ പ്രായപൂര്‍ത്തിയാകാത്ത പെണ്‍കുട്ടികളുടെ അശ്ലീല രംഗം കാണിച്ചതിന് പോക്സോ പ്രകാരം ഇവര്‍ക്കെതിരെ കേസെടുത്തിരിക്കുകയാണ്.
ബാലജി ടെലിംഫിലിംസ് കമ്പനിയുടെ ഒടിടി പ്ലാറ്റ്ഫോമായ ആള്‍ട്ട് ബാലാജിയിലെ ഗാന്ദി ബാത്ത് എന്ന വെബ് സീരീസിന്റെ സീസണ്‍ 6 മായി ബന്ധപ്പെട്ടാണ് കേസ്. മുംബൈ പോലീസ് പറയുന്നതനുസരിച്ച്, ബാലാജി ടെലിഫിലിം ലിമിറ്റഡ്, ഏക്താ കപൂര്‍, അവളുടെ അമ്മ ശോഭ കപൂര്‍ എന്നിവര്‍ക്കെതിരെ മുംബൈയിലെ എംഎച്ച്ബി പോലീസ് സ്റ്റേഷനില്‍ ഐപിസി, ഐടി ആക്ട് സെക്ഷന്‍ 295-എ, പോക്സോ നിയമത്തിന്റെ 13, 15 വകുപ്പുകള്‍ എന്നിവ പ്രകാരം കേസെടുത്തിട്ടുണ്ട്.
2021 ഫെബ്രുവരിക്കും 2021 ഏപ്രിലിനും ഇടയില്‍ ആള്‍ട്ട് ബാലാജിയില്‍ സ്ട്രീം ചെയ്ത ഈ പരമ്പരയില്‍ പ്രായപൂര്‍ത്തിയാകാത്ത പെണ്‍കുട്ടികളുടെ അശ്ലീല ദൃശ്യങ്ങള്‍ കാണിച്ചു എന്ന പരാതിയിലാണ് കേസ്. എന്നാല്‍ പരാതിയില്‍ പറയുന്ന വിവാദ എപ്പിസോഡ് നിലവില്‍ ഈ ആപ്പില്‍ നിന്നും നീക്കം ചെയ്തിട്ടുണ്ട്.
നേരത്തെ ഇതേ ഒടിടി പ്ലാറ്റ്‌ഫോമില്‍ സ്ട്രീം ചെയ്ത വെബ് സീരീസായ 'XXX' ലെ അശ്ലീല ദൃശ്യങ്ങളുമായി ബന്ധപ്പെട്ട് കേസ് വന്നിരുന്നു. പട്ടാളക്കാരെയും കുടുംബങ്ങളെയും അനാദരിക്കുന്നു എന്ന് പറഞ്ഞ് നല്‍കിയ പരാതിയില്‍ ഇപ്പോള്‍ എക്ത ജാമ്യത്തിലാണ്. കേസില്‍ കോടതി അറസ്റ്റ് വാറണ്ട് വരെ ഇറക്കിയിരുന്നു.
അതേസമയം, എക്ത നിര്‍മ്മിച്ച ചിത്രം ലവ്, സെക്സ് ഔര്‍ ധോഖ 2 ഏപ്രില്‍ 19 ന് തിയേറ്ററുകളില്‍ റിലീസ് ചെയ്തിരുന്നു. എല്‍എസ്ടി 2 എന്ന് പേരിട്ടിരിക്കുന്ന ചിത്രം ദിബാകര്‍ ബാനര്‍ജിയാണ് സംവിധാനം ചെയ്തിരുന്നത്. എന്നാല്‍ ചിത്രം വലിയ ബോക്‌സോഫീസ് പരാജയമാകുകയായിരുന്നു.
ബാലാജി ടെലിഫിലിം ലിമിറ്റഡ്, ഏക്ത കപൂര്‍, അവരുടെ അമ്മ ശോഭ കപൂര്‍ എന്നിവര്‍ക്കെതിരെയാണ് കേസെടുത്തത്. ഐപിസി സെക്ഷന്‍ 295 പ്രകാരവും ഐടി ആക്ട്, പോക്സോ സെക്ഷന്‍ 13, 15 പ്രകാരവും മുംബൈയിലെ എംഎച്ച്ബി പൊലീസ് സ്റ്റേഷനില്‍ കേസ് രജിസ്റ്റര്‍ ചെയ്തതായി മുംബൈ പോലീസിനെ ഉദ്ധരിച്ച് പിടിഐ റിപ്പോര്‍ട്ട് ചെയ്യുന്നു.
Premium Lifestyle and Entertainment website
മൂകാംബിക ക്ഷേത്രത്തില്‍ ദര്‍ശനം നടത്തി സൂര്യയും ജ്യോതികയും; ചണ്ഡികയാഗത്തില്‍ പങ്കെടുത്ത് താരദമ്പതികള്‍
നടന്‍ ബൈജു ഏഴുപുന്നയുടെ സഹോദരന്‍ അന്തരിച്ചു; 49 കാരനായ ഷെല്‍ജുവിന്റെ മരണം ഹൃദയാഘാതം മൂലം; സംസ്‌കാരം ഇന്ന്