പുതിയ കോമഡി ത്രില്ലറുമായി സംവിധായകന്‍ വികെ പ്രകാശ് വീണ്ടുമെത്തുന്നു. 'പാലും പഴവും' എന്ന് പേരിട്ടിരിക്കുന്ന ചിത്രത്തില്‍ മീര ജാസ്മിനും അശ്വിന്‍ ജോസും പ്രധാനവേഷങ്ങളില്‍ എത്തുന്നു. ചിത്രത്തിന്റെ ടൈറ്റില്‍ പോസ്റ്റര്‍ മീര ജാസ്മിന്റെ ജന്മദിനത്തിനോട് അനുബന്ധിച്ച് പുറത്തുവിട്ടു.
ഒരു കംപ്ലീറ്റ് കോമഡി എന്റര്‍ടെയ്‌നറായ ചിത്രത്തില്‍ ശാന്തി കൃഷ്ണ, അശോകന്‍, മണിയന്‍പിള്ള രാജു, നിഷ സാരംഗ്, മിഥുന്‍ രമേഷ്, സുമേഷ് ചന്ദ്രന്‍, ആദില്‍ ഇബ്രാഹിം, രചന നാരായണന്‍കുട്ടി, ഷിനു ശ്യാമളന്‍, തുഷാര, ഷമീര്‍ ഖാന്‍, ഫ്രാങ്കോ ഫ്രാന്‍സിസ്, വിനീത് രാമചന്ദ്രന്‍, രഞ്ജിത്ത് മണമ്പ്രക്കാട്ട്, അതുല്‍ റാം കുമാര്‍, പ്രണവ് യേശുദാസ്, ആര്‍ ജെ സൂരജ് എന്നിവരാണ് മറ്റു പ്രധാന കഥാപാത്രങ്ങളായി എത്തുന്നത്.
രണ്ട് ക്രിയേറ്റീവ് മൈന്‍ഡ്‌സിന്റെ ബാനറില്‍ വിനോദ് ഉണ്ണിത്താനും സമീര്‍ സേട്ടും ചേര്‍ന്നാണ് ചിത്രം നിര്‍മിക്കുന്നത്. ക്വീന്‍ എലിസബത്താണ് മീര ജാസ്മിന്‍ അഭിനയിച്ച് ഒടുവില്‍ റിലീസായ ചിത്രം. ക്വീന്‍ എന്ന ചിത്രത്തിലൂടെ ശ്രദ്ധേയനായ അശ്വിന്‍ ജോസ് നായകനായി എത്തുന്ന രണ്ടാമത്തെ ചിത്രമാണ് പാലും പഴവും.
ആഷിഷ് രജനി ഉണ്ണികൃഷ്ണന്‍ ആണ് ചിത്രത്തിന്റെ കഥ, തിരക്കഥ, സംഭാഷണവും രചിച്ചിരിക്കുന്നത്. ഒരിടവേളക്ക് ശേഷം ഗോപി സുന്ദര്‍ മലയാളത്തില്‍ പശ്ചാത്തല സംഗീതം ഒരുക്കുന്നുവെന്ന പ്രത്യേകതയും ചിത്രത്തിനുണ്ട്. രാഹുല്‍ ദീപ് ആണ് ചിത്രത്തിന്റെ ഛായാഗ്രഹണം. കൊച്ചിയിലും പരിസര പ്രദേശങ്ങളിലുമായി ഷൂട്ടിംഗ് പൂര്‍ത്തിയാക്കിയ ചിത്രം നിലവില്‍ റിലീസിന് തയ്യാറെടുക്കുകയാണ്.
എഡിറ്റര്‍ -പ്രവീണ്‍ പ്രഭാകര്‍, സംഗീതം -സച്ചിന്‍ ബാലു, ജോയല്‍ ജോണ്‍സ്, ജസ്റ്റിന്‍ - ഉദയ്, വരികള്‍ -സുഹൈല്‍ കോയ, നിതീഷ് നടേരി, വിവേക് മുഴക്കുന്ന്, ടിറ്റോ പി തങ്കച്ചന്‍, പശ്ചാത്തല സംഗീതം -ഗോപി സുന്ദര്‍, സൗണ്ട് ഡിസൈനര്‍ -സിനോയ് ജോസഫ്, പ്രൊഡക്ഷന്‍ ഡിസൈനര്‍ -സാബു മോഹന്‍, മേക്കപ്പ് -ജിത്ത് പയ്യന്നൂര്‍, കോസ്റ്റ്യൂം -ആദിത്യ നാനു, ചീഫ് അസോസിയേറ്റ് ഡയറക്ടര്‍ -ആശിഷ് രജനി ഉണ്ണികൃഷ്ണന്‍, അസോസിയേറ്റ് ഡയറക്ടര്‍സ് ബിബിന്‍ ബാലചന്ദ്രന്‍, അമല്‍രാജ് ആര്‍, പ്രൊഡക്ഷന്‍ കണ്‍ട്രോളര്‍ -നന്ദു പൊതുവാള്‍, എക്‌സിക്യൂട്ടീവ് പ്രൊഡ്യൂസര്‍ -ശീതള്‍ സിംഗ്, ലൈന്‍ പ്രൊഡ്യൂസര്‍ -സുഭാഷ് ചന്ദ്രന്‍, പ്രൊജക്റ്റ് ഡിസൈനര്‍ -ബാബു മുരുഗന്‍, പിആര്‍ഒ -മഞ്ജു ഗോപിനാഥ്, സ്റ്റില്‍സ് -അജി മസ്‌കറ്റ്, ഡിസൈന്‍സ് -യെല്ലോ ടൂത്ത്‌സ്,
Premium Lifestyle and Entertainment website
മഞ്ചേരിയിലെ നാട്ടിന്‍ പുറത്തുകാരി പെണ്‍കുട്ടി; ചേട്ടന്‍ പ്രതീഷ് നന്ദന്‍ വഴിയാണ് ഓഡിഷന്; നീലക്കുയിലിലെ കസ്തൂരിയായെത്തി മിനിസ്‌ക്രിന്‍ പ്രേക്ഷകകുടെ പ്രിയങ്കരിയായസ്നിഷാ ചന്ദ്രന്റെ കഥ
മഹേഷ് നാരായണന്‍ ചിത്രത്തിന്റെ ഷൂട്ടിനായി ലാലേട്ടന്‍ ശ്രീലങ്കയിലെത്തി; നിര്‍മാതാവ് ആന്റോ ജോസഫിനൊപ്പം വിമാനത്താവളത്തിലെത്തിയ നടന്റെ ദൃശ്യങ്ങള്‍ സോഷ്യല്‍മീഡിയയില്‍ ഹിറ്റ്; ചിത്രത്തില്‍ ഫഹദും നയന്‍താരയും എത്തുമെന്നും അഭ്യൂഹം