പുരസ്‌കാരം വാങ്ങാനായി വേദിയിലെത്തിയ ജോജുവിനോട് ഗാനം ആലപിക്കാൻ ആവശ്യപ്പെട്ട് കാണികൾ; സംസാരിച്ച് നിന്ന നടനോട് 'എടോ നിങ്ങ പാട്രാ...' എന്ന് ആരാധകൻ പറഞ്ഞതോടെ പാടുടാ എന്ന മറുപടി നല്കി ജോജു; വൈറലാകുന്ന വീഡിയോ കാണാം

വനിത ഫിലിം അവാർഡ്‌സിൽ, പോയ വർഷത്തെ മികച്ച പ്രകടനത്തിനുള്ള പ്രത്യേക പുരസ്‌കാരം ജോജുവിനായിരുന്നു. ജോസഫിലെ അഭിനയമാണ് ജോജുവിനെ ഈ അംഗീകാരത്തിനർഹനാക്കിയത്. പുരസ്‌കാരം സ്വീകരിക്കാൻ വേദിയിലെത്തിയ ജോജു ഗാനം ആലപിച്ച് ആരാധകരെ കൈയിലെടുത്ത വീഡിയോ ആണ് വൈറലാകുന്നത്.

'പണ്ട് പാടവരമ്പത്തിലൂടെ...' എന്ന ഗാനമാണ് നടനോട് പാടണമെന്ന ആവശ്യമുണ്ടായത്. പാടാൻ തയാറായെങ്കിലും പശ്ചാത്ത സംഗീതത്തിനൊപ്പം പാടുക ശരിയാകില്ലെന്നായിരുന്നു താരത്തിന്റെ കമന്റ ്. ഉടൻ വന്നു കാണികൾക്കിടയിൽ നിന്ന് സ്‌നേഹം കലർന്ന പ്രേത്സാഹനം, 'അങ്ങോട്ട് പാടെന്നേ....' അതേ സ്‌നേഹം തിരികെക്കൊടുത്ത് ജോജുവും പറഞ്ഞു, 'പാടൂടാ...' അതോടെ നിറഞ്ഞ കരഘോഷം മുഴങ്ങി, ജോജു പാടിത്തുടങ്ങുന്നതാണ് വീഡിയോയിലുള്ളത്.

ചെറിയ വേഷങ്ങളിലൂടെ എത്തി ഏറെ കാത്തിരുന്ന് ഒടുവിൽ സിനിമയിൽ തന്റേതായ സ്ഥാനം നേടിയെടുത്ത് പ്രേക്ഷകർക്ക് പ്രിയങ്കരനായി മാറിയിരിക്കുകയാണ് ജോജു ജോർജ്. കഴിഞ്ഞ വർഷം തിയേറ്ററുകളിലെത്തിയ പത്മകുമാർ ചിത്രം ജോസഫ് ആണ് ജോജുവിന് ഒരു വഴിത്തിരിവ് സമ്മാനിച്ചത്. മികച്ച അഭിപ്രായങ്ങൾ നേടി പോല വർഷത്തെ ഏറ്റവും മികച്ച ചിത്രങ്ങളുടെ പട്ടികയിലാണ് ജോസഫ് പ്രതിഷ്ഠിക്കപ്പെട്ടിരിക്കുന്നത്. ചിത്രം ജോജൂവിന് സംസ്ഥാന പുരസ്‌കാരവും മറ്റ് നിരവധി ആവാർഡുകളും നേടികൊടുത്തു.