കഴിഞ്ഞദിവസം മുതല്‍ നടനും സംവിധായകനുമായ ബേസില്‍ ജോസഫിനെ ചുറ്റിപ്പറ്റിയായിരുന്നു സാമൂഹികമാധ്യമങ്ങളിലെ ട്രോളുകള്‍. കോഴിക്കോട് നടന്ന സൂപ്പര്‍ലീഗ് ഫുട്ബോളിന്റെ ഫൈനലിന്റെ സമാപനച്ചടങ്ങിനിടെ ഒരു താരത്തിനുനേരെ ബേസില്‍ ജോസഫ് കൈനീട്ടിയിട്ടും അത് കാണാതെ സമീപത്തുണ്ടായിരുന്ന നടന്‍ പൃഥ്വിരാജിന് താരം കൈകൊടുത്തതുമാണ് ട്രോളുകള്‍ക്കിടയാക്കിയത്. ഇതിന്റെ വീഡിയോയും ട്രോളുകളും കഴിഞ്ഞദിവസം മുതല്‍ സാമൂഹികമാധ്യമങ്ങളില്‍ നിറയുകയായിരുന്നു.
ഇരുവര്‍ക്കും ഇപ്പോള്‍ മറുപടി നല്‍കുകയാണ് ബേസില്‍. കൈ കിട്ടിയില്ലെങ്കിലും കപ്പ് താനെടുത്തു എന്നാണ് ബേസില്‍ പറഞ്ഞത്. കേരള സൂപ്പര്‍ ലീഗില്‍ ബേസിലിന്റെ കാലിക്കറ്റ് എഫ്‌സി കിരീടം നേടിയിരുന്നു. ഇതിന്റെ ചിത്രങ്ങളാണ് താരം സോഷ്യല്‍ മീഡിയയില്‍ പങ്കുവച്ചത്. ഈ യാത്രയില്‍ കാലിക്കറ്റ് എഫ്?സിക്കൊപ്പം നില്‍ക്കാന്‍ സാധിച്ചു എന്നും താരം കുറിച്ചു. പോസ്റ്റിനൊപ്പം ടൊവിനോയേയും സഞ്ചുവിനേയും ബേസില്‍ ടാഗ് ചെയ്തിട്ടുമുണ്ടായിരുന്നു.
എന്നാല്‍ ഈ പോസ്?റ്റിനേയും ട്രോളി നസ്രിയ കമന്റ് ചെയ്തു. മെയ്ന്‍ ഫോട്ടോ എവിടെ എന്നായിരുന്നു താരത്തിന്റെ ചോദ്യം. 'നീയും എന്നെ' എന്നാണ് ബേസില്‍ തിരിച്ചു കമന്റ് ചെയ?തത്. എന്തായാലും ബേസിലിനെ അഭിനന്ദിച്ച് ടൊവിനോ കമന്റ് ചെയ്തിരുന്നു. 'സമാധാനം' എന്ന് കുറിച്ചതിനൊപ്പം വെള്ളരിപ്രാവിന്റെ ഇമോജിയും ടൊവിനോയ്ക്ക് നല്‍കി ബേസില്‍ പ്രശ്‌നം കോംപ്രമൈസാക്കി.
കഴിഞ്ഞ ദിവസം കോഴിക്കോട് ഇഎംഎസ് കോര്‍പ്പറേഷന്‍ സ്റ്റേഡിയത്തിലെ സൂപ്പര്‍ ലീഗ് കേരളയുടെ ഉദ്ഘാടന പതിപ്പിന്റെ ഫൈനല്‍ വേദിയിലാണ് സംഭവം നടന്നത്. കാലിക്കറ്റ് എഫ്‌സി - ഫോഴ്സ കൊച്ചി മത്സരം കാണുന്നതിന് ഫോര്‍സ കൊച്ചിയുടെ ഉടമസ്ഥനായ പൃഥ്വിരാജും കാലിക്കറ്റ് എഫ്സിയുടെ ഉടമസ്ഥനായ ബേസില്‍ ജോസഫും എത്തിയിരുന്നു. സമ്മാനദാന ചടങ്ങിനിടെ ഒരു കളിക്കാരന് ബേസില്‍ കൈ കൊടുക്കാന്‍ നീട്ടിയപ്പോള്‍ അത് കാണാതെ പൃഥ്വിരാജിന് കൈ കൊടുത്ത് ആ താരം മടങ്ങി. ഈ വീഡിയോയാണ് സമൂഹ മാധ്യമങ്ങളില്‍ വൈറലായിരിക്കുന്നത്.
ക്രിക്കറ്റ് താരം സഞ്ജു സാംസണും ഈ വീഡിയോ സമൂഹ മാധ്യമങ്ങളില്‍ പങ്കുവെച്ചിട്ടുണ്ട്. ടൊവിനോ തോമസ് വീഡിയോക്ക് കമന്റുമായി എത്തുകയും ചെയ്തിട്ടുണ്ട്. ചിരിക്കുന്ന ഇമോജിയാണ് ടൊവിനോ കമന്റ് ചെയ്തത്. അതിന് താഴെ 'നീ പക പോക്കുകയാണല്ലേടാ' എന്ന് ബേസില്‍ കമന്റ് ചെയ്തു. അതിന് മറുപടിയായി ടൊവിനോ 'കരാമ ഈസ് എ ബീച്ച്' എന്നും കമന്റിട്ടു.
നേരത്തെ മരണമാസ് എന്ന സിനിമയുടെ പൂജ ചടങ്ങില്‍ പൂജാരി ആരതി നല്‍കിയപ്പോള്‍ കൈ നീട്ടിയ ടൊവിനോയെ കാണാതെ പൂജാരി പോയിരുന്നു. അത് കണ്ട ബേസില്‍ ടൊവിനോയെ നോക്കി പൊട്ടിച്ചിരിക്കുന്ന വീഡിയോ വൈറലായിരുന്നു. ഈ രണ്ട് സംഭവങ്ങളും ചേര്‍ത്തുകൊണ്ട് നിരവധിപ്പേര്‍ ട്രോളുകള്‍ പങ്കുവെക്കുന്നുണ്ട്.
Premium Lifestyle and Entertainment website
അമേയയെ നെഞ്ചോടടക്കി ജിഷിന്‍; കാത്തിരിപ്പിനൊടുവില്‍ ആ സന്തോഷ വാര്‍ത്ത പുറത്ത്; നടൻ ജിഷിന്റെ വീഡിയോ വൈറൽ 
മോഹിനിയും വിവാഹമോചിതയായി.. റഹ്‌മാന്റെ ഡിവോഴ്സിന് പിന്നാലെ സംഭവിച്ചത്.. നാണക്കേടില്‍മുങ്ങി മക്കളും മരുമക്കളും..!