നൃത്തം പഠിച്ചാല്‍ സ്‌ത്രൈണത വരുമെന്ന് പറയുന്നത് തെറ്റ്; ക്ലാസിക് ഭരതനാട്യം അതിന്റെ ചിട്ടയോടെ പഠിക്കുന്ന ഒരു കുട്ടിക്ക് ഒരിക്കലും സ്‌ത്രൈണത ഉണ്ടാകില്ലെന്ന് നടന്‍ വിനീത്

മലയാളത്തിന്റെ പ്രിയ നടനാണ് വിനീത്. മികച്ച നര്‍ത്തകന്‍ കൂടിയായ വിനീതിന് ഏറെ ആരാധകരുമുണ്ട്. ഇപ്പോഴും ചെറുപ്പം കാത്തുസൂക്ഷിക്കുന്ന താരങ്ങളില്‍ ഒരാള്‍ കൂടിയാണ് വിനീത്. എംടിയുടെ നഖക്ഷതങ്ങള്‍ എന്ന ചിത്രത്തില്‍ കൂടിയാണ് വിനീത് സിനിമയില്‍ തന്റേതായ സ്ഥാനം നേടിയത്. ഒരേയൊരു മകളാണ് താരത്തിനുള്ളത്.  അച്ഛന്റെ പാത പിന്തുടര്‍ന്ന് മകള്‍ അവന്തിയും നൃത്തലോകത്തേക്ക് എത്തിയിരിക്കയാണ്.ഭാര്യ പ്രിസില്ല മേനോനും മകള്‍ അവന്തിക്കും ഒപ്പം ചെന്നൈയിലാണ് വിനീത് താമസിക്കുന്നത്. 

മലയാള സിനിമയുടെ നൃത്ത സൗന്ദര്യമായി വിനീതിനെ വിശേഷിപ്പിക്കാം. ഇപ്പോള്‍ പുരുഷ നൃത്തത്തെക്കുറിച്ച് പറയുകയാണ് വിനീത്. പുരുഷ നൃത്തം ഒരിക്കലും സ്‌ത്രൈണതയിലേക്ക് വഴിമാറില്ലെന്ന്  പറയുകയാണ് നടന്‍ വിനീത്. ഭരതനാട്യം അതിന്റെ ചിട്ടയോടെ പഠിക്കുന്ന ഒരു ആണ്‍കുട്ടിക്ക് ഒരിക്കലും സ്‌ത്രൈണത വരില്ലെന്നും, ഒരു ലാസ്യവും ഗ്രേസും മാത്രമാണ് ആ കുട്ടിയില്‍ കാണാന്‍ കഴിയുന്നതെന്നും നടന്‍ വിനീത് പറയുന്നു. 

ഒരു പരിധിവരെ നൃത്തം പഠിച്ചാല്‍ സ്‌ത്രൈണത വരുമെന്ന ചിന്തയാണ് ചില ആണ്‍കുട്ടികളെ എങ്കിലും നൃത്തത്തില്‍നിന്ന് മാറ്റി നിര്‍ത്തുന്നത്.അതൊരു തെറ്റിദ്ധാരണയാണ് സ്‌ത്രൈണത വരാന്‍മറ്റു പല കാരണങ്ങളും ഉണ്ട് അങ്ങനെയുള്ള ഒരു കുട്ടി ഡാന്‍സ് പഠിച്ചില്ലേലും സ്‌ത്രൈണത വരും ഞാന്‍പറയുന്നത് ക്ലാസിക് ഭരതനാട്യം അതിന്റെ ചിട്ടയോടെ പഠിക്കുന്ന ഒരു കുട്ടിക്ക് ഒരിക്കലും സ്‌ത്രൈണത ഉണ്ടാകില്ല ഒരു ലാസ്യം ഉണ്ടാകും ഒരു ഗ്രേസ് ഉണ്ടാകും അതിന്റെ പരിശീലനം അങ്ങനെയാണ് പണ്ട് നൃത്തം എന്ന് പറയുമ്‌ബോള്‍ അത് പുരുഷന്മാര്‍ ആയിരുന്നു പിന്നെ അത് സ്ത്രീ ഭാവങ്ങളിലേക്ക് മാറി'.