ബോളിവുഡ് സൂപ്പര് താരം ജോണ് എബ്രഹാമിന്റെ സിനിമകള്ക്ക് ആരാധകര് ഏറെയാണ്. ജോണിന്റെ ആക്ഷന് രംഗങ്ങളും സ്റ്റൈലുമെല്ലാം തിയേറ്ററുകളെ ഇളക്കി മറിക്കാറുണ്ട്. ഇപ്പോള് ഇതാ തിയേറ്റര് റിലീസുകളെ കുറിച്ചും ഒടിടി പ്ലാറ്റ്ഫോമുകളെ കുറിച്ചും ജോണ് പറഞ്ഞ കാര്യങ്ങള് ചര്ച്ചയായിരിക്കുകയാണ്. ഏക് വില്ലന് റിട്ടേണ്സ് എന്ന ചിത്രത്തിന്റെ പ്രൊമോഷന് പരിപാടിയ്ക്കിടെയാണ് താരം അഭിപ്രായം രേഖപ്പെടുത്തിയത്.
നടനെന്ന നിലയില് ഒടിടി പ്ളാറ്റ്ഫോമിനോടല്ല മറിച്ച് ബിഗ്സ്ക്രീനിനോടാണ് താത്പര്യം. സിനിമാ നിര്മാതാവെന്ന നിലയില് മാത്രമാണ് ഒടിടി ഇഷ്ടമെന്നും താരം പറഞ്ഞു.എനിക്ക് ഒടിടി പ്ളാറ്റ്ഫോമുകള് ഇഷ്ടമാണ്. പക്ഷേ ഒരു സിനിമാ നിര്മാതാവെന്ന നിലയില് മാത്രമാണ് ഇഷ്ടം. ഒടിടി പ്രേക്ഷകര്ക്ക് വേണ്ട തരത്തിലെ സിനിമകള് നിര്മിക്കാനിഷ്ടമാണ്.
എന്നാല് ഒരു നടനെന്ന നിലയില് ബിഗ്സ്ക്രീനിനോടാണ് താത്പര്യം. എന്നെ 299 രൂപയ്ക്കോ 499 രൂപയ്ക്കോ സ്ക്രീനില് കാണാന് കഴിയില്ല. സിനിമ കണ്ടുകൊണ്ടിരിക്കുമ്പോള് പകുതിയ്ക്ക് വച്ച് നിര്ത്തിപ്പോകുന്നതും എനിക്കിഷ്ടമില്ല. ഞാനൊരു ബിഗ്സ്ക്രീന് ഹീറോയാണ്. അങ്ങനെത്തന്നെ തുടരാനാണിഷ്ടം'- ഇതായിരുന്നു ജോണ് എബ്രഹാമിന്റെ വാക്കുകള്. മാത്രമല്ല ഹിന്ദിയില് അഭിനയിച്ചുകൊണ്ടിരിക്കുന്ന താന് മറ്റ് ഭാഷകളിലെ ചിത്രങ്ങളില് സഹനടനായി അഭിനയിക്കില്ലെന്നും താരം വ്യക്തമാക്കി
മോഹിത് സൂരി സംവിധാനം ചെയ്യുന്ന ഏക് വില്ലണ് റിട്ടേണ്സ് എന്നതാണ് ജോണ് എബ്രഹാമിന്റേതായി പുറത്തിറങ്ങാനിരിക്കുന്ന ഏറ്റവും പുതിയ ചിത്രം. ജൂലായ് 29നാണ് ചിത്രം തിയേറ്ററുകളില് എത്തുന്നത്. അര്ജുന് കപൂര്, ദിശ പട്ടാനി, താര സുതാരിയ എന്നിവരാണ് ചിത്രത്തിലെ മറ്റ് താരങ്ങള്.
Premium Lifestyle and Entertainment website
മമ്മൂട്ടിക്ക് പദ്മഭൂഷണ് തിളക്കം; കുടുംബാംഗങ്ങള്ക്കൊപ്പം എത്തി രാഷ്ട്രപതിയില് നിന്നും പുരസ്കാരം ഏറ്റുവാങ്ങി താരം; ചടങ്ങിനുശേഷം കുടുംബാംഗങ്ങള്ക്കൊപ്പം പ്രധാനമന്ത്രിയുമായി കൂടിക്കാഴ്ച; ചിത്രങ്ങള് പങ്കുവെച്ച് നരേന്ദ്ര മോദി 
മൂന്ന് സംസ്ഥാനങ്ങളിലായി നാല് വോട്ടര് തിരിച്ചറിയല് കാര്ഡുകള്; തമിഴ്നാട്ടിലെ വേളാച്ചേരിയില് മാത്രം രണ്ട് വോട്ടുകള്; മൂന്ന് തവണ സമന്സ് അയച്ചിട്ടും ഹാജരായില്ല; നടന് പ്രകാശ് രാജിനെതിരേ ജാമ്യമില്ലാ വാറന്റ് പുറപ്പെടുവിച്ച് കോടതി