നടന്‍ ധ്യാന്‍ ശ്രീനിവാസന്റെ പുതിയ ലുക്ക് ആണ് സോഷ്യല്‍മീഡിയയില്‍ ഇപ്പോള്‍ ചര്‍ച്ചയാകുന്നത്. വണ്ണം ഒക്കെ പോയി മെലിഞ്ഞ ലുക്കില്‍ ഉള്ള പരസ്യചിത്രം സോഷ്യല്‍മീഡിയയില്‍ വൈറലാകുകയാണ്. ഒരു മാസം കൊണ്ട് എങ്ങനെ ഇത്ര മെലിഞ്ഞു എന്നാണ് ആരാധകരുടെ സംശയം.
വ്യായാമം ചെയ്യാന്‍ പൊതുവെ മടിയാണെന്ന് മുന്‍പ് പല അഭിമുഖങ്ങളിലും ധ്യാന്‍ പറഞ്ഞിട്ടുണ്ട്. വിനീത് ശ്രീനിവാസന്‍ സംവിധാനം ചെയ്യുന്ന 'വര്‍ഷങ്ങള്‍ക്ക് ശേഷം' എന്ന ചിത്രത്തിന് വേണ്ടിയാണ് താരത്തിന്റെ ഈ പുതിയ മേക്കോവര്‍ എന്നാണ് ആരാധകരുടെ വിലയിരുത്തല്‍. സജിത് റസാഖ് ആണ് ധ്യാനിന്റെ പേഴ്സണല്‍ ട്രെയിനര്‍.
പ്രണവ് മോഹന്‍ലാല്‍, ധ്യാന്‍ ശ്രീനിവാസന്‍, കല്യാണി പ്രിയദര്‍ശന്‍, ബേസില്‍ ജോസഫ്, അജു വര്‍ഗീസ്, വിനീത് ശ്രീനിവസന്‍, നിവിന്‍ പോളി, നീരജ് മാധവ്, തുടങ്ങി വമ്പന്‍ താരനിരയാണ് 'വര്‍ഷങ്ങള്‍ക്ക് ശേഷം' എന്ന ചിത്രത്തില്‍ അണിനിരക്കുന്നത്. വിനീത് കഥ എഴുതി സംവിധാനം ചെയ്യുന്ന ചിത്രം നിര്‍മിക്കുന്നത് വൈശാഖ് സുബ്രഹ്മണ്യം ആണ്.
മെറിലാന്‍ഡ് സിനിമയാണ് ചിത്രം അവതരിപ്പിക്കുന്നത്. വിനീത് ശ്രീനിവാസന്‍ സംവിധാനം ചെയ്ത തിര എന്ന ചിത്രത്തിലൂടെയാണ് ധ്യാന്‍ വെള്ളിത്തിരയിലേക്ക് എത്തുന്നത്. പിന്നീട് നാല് സിനിമകള്‍ വിനീത് സംവിധാനം ചെയ്‌തെങ്കിലും അതിലൊന്നും ധ്യാന്‍ അഭിനയിച്ചിട്ടില്ല. പത്ത് വര്‍ഷങ്ങള്‍ക്ക് ശേഷം ധ്യാനും വിനീതും ഒന്നിക്കുന്ന ചിത്രം കൂടിയാണ് 'വര്‍ഷങ്ങള്‍ക്ക് ശേഷം'. 'നദികളില്‍ സുന്ദരി യമുന' എന്ന ചിത്രമാണ് ധ്യാനിന്റെ ഏറ്റവും അവസാനം റിലീസ് ആയ ചിത്രം.
അതേസമയം, സ്വന്തം ചേട്ടന് വേണ്ടി തടി കുറയ്ക്കുക മാത്രമല്ല എന്ത് വേണമെങ്കിലും ചെയ്യുമെന്ന നിലപാടിലാണ് ധ്യാന്‍ എന്ന കമന്റുകളാണ് വീഡിയോക്ക് താഴെ എത്തുന്നത്. അതോ 'അടി കപ്യാരേ കൂട്ടമണി 2' എന്ന ചിത്രത്തിന്റെ ലുക്ക് ആണോ ഇത് എന്നും ആരാധകര്‍ ചോദിക്കുന്നുണ്ട്.
മൂന്ന് സിനിമകളാണ് ഈ വര്‍ഷം ധ്യാന്‍ ശ്രീനിവാസന്‍ നായകനായി അഭിനയിച്ച് തിയറ്ററുകളിലെത്തിയത്. നദികളില്‍ സുന്ദരി യമുനയാണ് അവസാനം റിലീസ് ചെയ്ത ചിത്രം. ഈ സിനിമയിലും ശരീരഭാരത്തിന്റെ പേരില്‍ ധ്യാന്‍ വിമര്‍ശിക്കപ്പെട്ടിരുന്നു.
Premium Lifestyle and Entertainment website
മാര്‍ക്കോ കണ്ട ശേഷം ഉണ്ണി മുകുന്ദനെയും ഹനീഫ് അദാനിയേയും അഭിനന്ദിച്ച് സൂര്യ 
ഇത് വിജയ് സാറിന്റെ അവസാനത്തെ സിനിമയാണ്; വീണ്ടും ഇങ്ങനെയൊരു അവസരം കിട്ടിയെന്ന് വരില്ല; പ്രേക്ഷകരും ഞങ്ങളുടെ കംബാക്കിനായി കാത്തിരിക്കുന്നു'; ജനനായകന്‍ ചെയ്യാനുള്ള കാരണം അതാണ്; പൂജ ഹെഗ്ഡെ പറയുന്നു