ഉലക നായകന്‍ കമല്‍ ഹാസന് ഇക്കഴിഞ്ഞ ദിവസമാണ് 69ം പിറന്നാള്‍ ആഘോഷിച്ചത്. ചലച്ചിത്രമേഖലയുടെ എല്ലാ രംഗത്തും ഒരേപോലെ മികവു തെളിയിച്ച അപൂര്‍വ്വ വ്യക്തിത്വമായ താരത്തിന്റെ പിറന്നാള്‍ ആഘോഷമാക്കിയിരിക്കുകയാണ് തെന്നിന്ത്യന്‍ സിനിമാ ലോകം.
ചെന്നൈയില്‍ വച്ച് നടന്ന ആഘോഷ പരിപാടിയില്‍ ആമിര്‍ ഖാന്‍, ഛായാഗ്രാഹകന്‍ രവി കെ ചന്ദ്രന്‍, സൂര്യ, ലോകേഷ് കനകരാജ്, ഖുശ്ബു സുന്ദര്‍, സുഹാസിനി, മണിരത്നം, പാര്‍ഥിബന്‍, വിഘ്‌നേഷ് ശിവന്‍, അശ്വിനി ദത്ത്, സ്വപ്ന ദത്ത്, പ്രിയങ്ക ദത്ത്, രമ്യാ കൃഷ്ണന്‍ തുടങ്ങിയ പ്രമുഖ വ്യക്തിത്വങ്ങള്‍ പങ്കെടുത്തു. ആഘോഷത്തിന്റെ ചിത്രങ്ങള്‍ ആണ് ഇപ്പോള്‍ സോഷ്യല്‍ മീഡിയയില്‍ വൈറല്‍ ആവുന്നത്.
വെളുത്ത സ്യൂട്ട് ധരിച്ചാണ് താരം ആഘോഷ വേദിയില്‍ എത്തിയത്. പാര്‍ട്ടിയില്‍ പങ്കെടുത്ത എല്ലാവര്‍ക്കും അദ്ദേഹം ഊഷ്മളമായ സ്വീകരണം നല്‍കുന്നത് ദൃശ്യങ്ങളില്‍ കാണാമായിരുന്നു. അഥിതികള്‍ക്കൊപ്പം എടുത്ത താരത്തിന്റെ ചിത്രങ്ങള്‍ ഇപ്പോള്‍ സോഷ്യല്‍ മീഡിയയില്‍ വൈറല്‍ ആണ്.
അതേസമയം അച്ഛന്‍ കമല്ഹാസന് പിറന്നാള്‍ ദിനത്തില്‍ മകള്‍ ശ്രുതി ഹാസന് നല്‍കിയ മനോഹരമായ പിറന്നാള്‍ സന്ദേശവും സോഷ്യല്‍ മീഡിയയില്‍ വൈറല്‍ ആയി. അച്ഛന്‍ കമല്‍ഹാസനുമായുള്ള കുട്ടിക്കാലത്തെ ചില ഗൃഹാതുരമായ ഓര്‍മ്മകള്‍ പങ്കുവയ്ക്കുന്ന ഫോട്ടോകള്‍ പങ്കിട്ടാണ് താരം ആശംസകള്‍ അറിയിച്ചത്.അതേസമയം ഇനി ആരാധകര്‍ക്ക് ആവേശമാകുന്ന സിനിമകള്‍ ആണ് താരത്തിന്റേതായി പുറത്തു വരാനിരിക്കുന്നത്. ശങ്കര്‍ സംവിധാനം ചെയ്ത ഇന്ത്യന്‍ 2 ന്റെ തുടര്‍ച്ചയും മണിരത്നത്തിനൊപ്പമുള്ള പുതിയ പ്രോജക്ടിനും ആയാണ് ആരാധകര്‍ കാത്തിരിക്കുന്നത്.
Premium Lifestyle and Entertainment website
'സ്വകാര്യതയെ മാനിച്ചുകൊണ്ട് ഒരു മുന്‍വിധിയിലും എത്തരുത്''; എ ആര്‍ റഹ്മാന്റെ വിവാഹമോചനത്തിന് പിന്നാലെ ബാന്‍ഡിലെ ബാസിസ്റ്റ് മോഹിനി ഡേയും ഭര്‍ത്താവും വേര്‍പിരിഞ്ഞു; പരസ്പര ധാരണയിലാണ് വേര്‍പിരിയലെന്നും എല്ലാവരും പിന്തുണക്കണമെന്നും അഭ്യര്‍ത്ഥന 
നടുക്കടലില്‍ അനുമതിയില്ലാതെ സിനിമ ഷൂട്ടിംഗ് നടത്തി; രണ്ട് ബോട്ടുകള്‍ പിടിച്ചെടുത്തു; സംഭവം ചെല്ലാനത്ത്