സോനു സൂദിന് രാഖി കെട്ടി കൊടുത്ത് ആരാധിക; കാലില്‍ വീഴാന്‍ അനുവദിക്കാതെ താരം; വീഡിയോ വൈറൽ

ബോളിവുഡിലൂടെ ഏറെ ശ്രദ്ധേയനായ താരമാണ്  സോനു സൂദ്. നിരവധി സിനിമകളിലൂടെ ശ്രദ്ധേയമായ കഥാപാത്രങ്ങളെ അവതരിപ്പിക്കാൻ താരത്തിന് സാധിക്കുകയും ചെയ്തു. എന്നാൽ ഇപ്പോൾ സമൂഹമാധ്യമങ്ങളിലൂടെ ബോളിവുഡ് താരം സോനു സൂദിന് രാഖി കെട്ടികൊടുക്കുന്ന ഫാനിന്റെ വീഡിയോ ആണ് വൈറലാവുകയാണ്.  രാഖി കെട്ടിയതിന് ശേഷം അവര്‍ നടന്റെ കാല്‍ തൊട്ട് വന്ദിക്കാന്‍ ശ്രമിക്കുന്നത് വീഡിയോയില്‍ ഉണ്ട്. എന്നാല്‍ സോനു സൂദ് അത് സ്‌നേഹത്തോടെ വേണ്ടെന്ന് പറയുകയാണ്.  ആരാധകര്‍ താരത്തിന്റെ മുംബൈയിലെ വസതിയിലാണ് കാണാന്‍ എത്തിയത്.  ഇവിടെ കൊവിഡ് പ്രതിസന്ധിയില്‍ അകപ്പെട്ടവര്‍ താരത്തോട് നേരിട്ട് സഹായം അഭ്യര്‍ത്ഥിക്കാനും, സഹായങ്ങള്‍ക്ക് നന്ദി പറയാനുമാണ് എത്തിച്ചേരുന്നത്.

കഴിഞ്ഞ ദിവസം സോനു  ആന്ധ്രാ പ്രദേശിലെ നെല്ലൂരും, കുര്‍നൂലിലും ഓക്‌സിജന്‍ പ്ലാന്റുകള്‍ സ്ഥാപിക്കുന്ന വിവരം അറിയിച്ചിരുന്നു. ജൂണ്‍ മാസത്തോടെ പ്ലാന്റുകള്‍ രണ്ട് ആശുപത്രികളിലായി ജൂണ്‍ മാസത്തോടെ സ്ഥാപിക്കുമെന്നാണ് അദ്ദേഹം അറിയിച്ചത്. നെല്ലൂരിലെയും, കുര്‍നൂലിലെയും ജനങ്ങള്‍ സോനുവിന്റെ പോസ്റ്ററില്‍ ഇതിന് പിന്നാലെ നന്ദി സൂചകമായി  പാല്‍ അഭിഷേകം നടത്തുകയുണ്ടായി.  ആന്ധ്ര പ്രദേശിലെ ജനങ്ങള്‍ ഇതിന് മുമ്പും അദ്ദേഹത്തിന് വേണ്ടി പാല്‍ അഭിഷേകം നടത്തിയിട്ടുണ്ട്.

 ആവശ്യക്കാര്‍ക്ക്  പാല്‍ അഭിഷേകം ചെയ്യാതെ എത്തിച്ച് കൊടുക്കാനാണ് സോനു തന്റെ ആരാധകരോട് കഴിഞ്ഞ ദിവസം  അഭ്യര്‍ത്ഥിച്ചത്. അവര്‍ തരുന്ന സ്നേഹത്തിന് നന്ദിയുണ്ട്. എന്നാല്‍  സോനു ആരാധകരോട് ഇത്തരത്തില്‍ പാല്‍ ഉപയോഗമില്ലാതെ ആക്കരുതെന്നാണ് പറഞ്ഞത്. രാജ്യത്ത് സോനൂ സൂദ് സ്ഥാപിക്കാനൊരുങ്ങുന്ന ഓക്‌സിജന്‍ പ്ലാന്റുകളില്‍ ആദ്യത്തേതാണ് ആന്ധ്രയിലേത്.