തെന്നിന്ത്യന്‍ സിനിമാ പ്രേമികള്‍ക്കിടയില്‍ സജീവ ചര്‍ച്ചയാകുകയാണ് ലോകേഷ് കനകരാജ്-വിജയ് ചിത്രം 'ലിയോ'. ഒന്നിനു പിറകെ ഒന്നായി പുറത്തിറങ്ങുന്ന പോസ്റ്ററുകള്‍ ആരാധകര്‍ക്ക് നല്‍കുന്ന പ്രതീക്ഷ ചെറുതല്ല. ആദ്യ ദിവസം ലിയോയുടെ തെലുങ്ക് പോസ്റ്ററും രണ്ടാം ദിവസം കന്നഡ പോസ്റ്ററും പിന്നാലെ തമിഴ് പോസ്റ്ററും അണിയറക്കാര്‍ പുറത്തിറക്കിയിരുന്നു. ആവേശത്തിര ഇരട്ടിയാക്കി സഞ്ജയ് ദത്തിനെ ഉള്‍പ്പെടുത്തി ഹിന്ദി പോസ്റ്റര്‍ പങ്കുവെച്ചിരിക്കുകയാണിപ്പോള്‍.
സഞ്ജയ് ദത്തിനൊപ്പമുളള വിജയ് ആണ് പോസ്റ്ററിലുളളത്.ഡെവിള്‍' എന്ന വിശേഷണത്തോടെ കൊടൂര വില്ലനായാണ് സഞ്ജയ് ദത്തിനെ സിനിമയില്‍ അവതരിപ്പിച്ചിരിക്കുന്നത്. 'കീപ്പ് കാം ആന്‍ഡ് ഫേസ് ദി ഡെവിള്‍' എന്നാണ് ടാഗ് ലൈന്‍. സെവന്‍ സ്‌ക്രീന്‍ സ്റ്റുഡിയോസിന്റെ ബാനറില്‍ എസ് ലളിത് കുമാര്‍ നിര്‍മ്മിക്കുന്ന ചിത്രം കേരളത്തില്‍ വിതരണത്തിനെത്തിക്കുന്നത് ശ്രീ ഗോകുലം മൂവിസിന്റെ ബാനറില്‍ ഗോകുലം ഗോപാലനാണ്. ചിത്രത്തിനായി അനിരുദ്ധ് രവിചന്ദ്രര്‍ ആണ് സംഗീതം ഒരുക്കുന്നത്.
വിജയ്യ്‌ക്കൊപ്പം തൃഷ, സഞ്ജയ് ദത്ത്, അര്‍ജുന്‍ സര്‍ജ, ഗൗതം മേനോന്‍, മിഷ്‌കിന്‍, മാത്യു തോമസ്, മന്‍സൂര്‍ അലി ഖാന്‍, പ്രിയ ആനന്ദ്, സാന്‍ഡി, ജനനി, അഭിരാമി വെങ്കിടാചലം, ബാബു ആന്റണി തുടങ്ങി ഇന്ത്യന്‍ സിനിമയിലെ നിരവധി താരങ്ങളാണ് ചിത്രത്തില്‍ അണിനിരക്കുന്നത്.
Premium Lifestyle and Entertainment website
കുട്ടികളുടെ തൂക്കം കൂട്ടാം 
ശിശുദിനത്തില്‍ ജീവിതത്തിലെ വലിയ സന്തോഷം പങ്കുവച്ച് സീരിയല്‍ നടി ആര്യ അനില്‍; മുറ്റത്തെ മുല്ല പരമ്പരയിലെ അശ്വതി അമ്മയാകാനുള്ള തയ്യാറെടുപ്പില്‍