പ്രേക്ഷകര്‍ ഏറെ പ്രതീക്ഷയോടെ കാത്തിരുന്ന വെട്രിമാരന്‍ ചിത്രം 'വിടുതലൈ' ഇക്കഴിഞ്ഞ 31 നാണ് തീയറ്ററുകളില്‍ റിലീസ് ചെയ്തത്. വിജയ് സേതുപതിയും സൂരിയും പ്രധാന വേഷങ്ങളില്‍ അഭിനയിച്ച ക്രൈം ആക്ഷന്‍ ത്രില്ലറിന് മികച്ച പ്രതികരണങ്ങളാണ് ലഭിക്കുന്നത്. സാമൂഹികരാഷ്ട്രീയ വിഷയങ്ങള്‍ക്ക് പ്രാധാന്യം നല്‍കിക്കൊണ്ടൊരുക്കിയ ചിത്രം രണ്ട് ദിവസം കൊണ്ട് 8 കോടി ബോക്സ് ഓഫീസ് കളക്ഷന്‍ നേടി.
സൂരിയാണ് ചിത്രത്തില്‍ നായക കഥാപാത്രത്തെ അവതരിപ്പിക്കുന്നത്. ഒപ്പം വിജയ് സേതുപതി കാമിയോ വേഷത്തിലുണ്ട്. ഇപ്പോഴിതാ ചിത്രത്തിലെ അണിയറപ്രവര്‍ത്തകര്‍ക്കെല്ലാം സ്വര്‍ണനാണയം സമ്മാനിച്ചിരിക്കുകയാണ് സംവിധായകന്‍ വെട്രിമാരന്‍.
വിടുതലൈ സിനിമയുടെ ഭാഗമായ ബി. രാജയാണ് ഈ വിവരം ട്വിറ്ററിലൂടെ പുറത്തുവിട്ടത്. ഇങ്ങനെയൊരു ചിത്രത്തിന്റെ ഭാഗമാവാന്‍ സാധിച്ചതില്‍ അഭിമാനമുണ്ടെന്ന് രാജ ട്വീറ്റ് ചെയ്തു. രണ്ട് ചിത്രങ്ങളും അദ്ദേഹം പങ്കുവെച്ചിട്ടുണ്ട്. വിടുതലൈയുടെ വിജയം സഹപ്രവര്‍ത്തകരുമായി പങ്കിടുന്ന വെട്രിമാരന്റെ ചിത്രങ്ങള്‍ സോഷ്യല്‍ മീഡിയയില്‍ വൈറലാണ്.
ജയമോഹന്‍ രചിച്ച തുണൈവന്‍ എന്ന നോവലിനെ ആസ്പദമാക്കിയാണ് വിടുതലൈ നിര്‍മിച്ചിരിക്കുന്നത്. ചിത്രത്തില്‍ പോലീസ് വേഷത്തിലാണ് സൂരി എത്തിയിരിക്കുന്നത്. ഭവാനി ശ്രീയാണ് നായിക. സംവിധായകന്‍ ഗൗതം വാസുദേവ് മേനോനും ചിത്രത്തില്‍ ഒരു പ്രധാന കഥാപാത്രത്തെ അവതരിപ്പിക്കുന്നു.ഇളയരാജയാണ് സംഗീതസംവിധാനം.
രണ്ടുഭാഗങ്ങളുളള ചിത്രത്തിന്റെ ആദ്യഭാഗമാണിപ്പോര്‍ പുറത്തുവന്നിരിക്കുന്നത്. രണ്ടാം ഭാഗം സെപ്റ്റംബറില്‍ പുറത്തുവരുമെന്നാണ് വിവരം.
Premium Lifestyle and Entertainment website
ഒരു അഡാറ് ഭൂതം; നായകനായും സംവിധായകനായും വിസ്മയിപ്പിച്ച് മോഹന്‍ലാല്‍; വിസ്മയ കാഴ്ച്ചകളുമായി വെര്‍ച്വല്‍ 3ഡി ട്രെയിലര്‍ കാണാം
എ ആര്‍ റഹ്മാനും ഭാര്യയും വേര്‍പിരിയുന്നു; ഏറെ വിഷമത്തോടെയെടുത്ത തീരുമാനം; പരസ്പര സ്നേഹം നിലനില്‍ക്കുമ്പോഴും അടുക്കാനാകാത്ത വിധം അകന്നുപോയെന്ന് സൈറയുടെ വാര്‍ത്താകുറിപ്പ്; താരദമ്പതികള്‍ വേര്‍പിരിയുന്നത് 29 വര്‍ഷത്തെ ദാമ്പത്യത്തിന് ശേഷം