സൂര്യ നായകനായി സിരുത്തൈ ശിവ സംവിധാനം ചെയ്യുന്ന കങ്കുവ എന്ന ബ്രഹ്മാണ്ഡ ചിത്രത്തില്‍ കാര്‍ത്തിയും. ഇതാദ്യമായാണ് സഹോദരന്‍മാരായ സൂര്യയും കാര്‍ത്തിയും ഒരുമിച്ച് അഭിനയിക്കുന്നത്. കങ്കുവയുടെ ക്‌ളൈമാക്‌സ് രംഗത്താണ് കാര്‍ത്തി പ്രത്യക്ഷപ്പെടുക. കങ്കുവയുടെ രണ്ടാം ഭാഗത്തില്‍ കാര്‍ത്തിയാണ് പ്രധാനവേഷത്തില്‍ എത്തുക. ഒക്ടോബര്‍ 10ന് റിലീസ് ചെയ്യുന്ന കങ്കുവയില്‍ രണ്ട് ഗെറ്റപ്പുകളിലാണ് സൂര്യ എത്തുന്നത്.
രണ്ട് കാലഘട്ടങ്ങളിലെ കഥാപാത്രങ്ങളാണ്. ആയിരം വര്‍ഷങ്ങള്‍ക്ക് മുന്‍പുള്ള കാലഘട്ടത്തിലൂടെ സഞ്ചരിക്കുന്ന കങ്കുവയില്‍ യോദ്ധാവായാ ണ് സൂര്യ എത്തുന്നത്. ടൈം ട്രാവലിലൂടെ കഥ പറയുന്ന സയന്‍സ് ഫിക്ഷന്‍ ചിത്രം എന്ന വിശേഷണവുമുണ്ട്. ബോബി ഡിയോളാണ് പ്രതിനായകന്‍. ബോളിവുഡ് താരം ബോബി ഡിയോളിന്റെ കോളിവുഡ് അരങ്ങേറ്റം കൂടിയാണ്. അനിമല്‍ സിനിമയില്‍ ഏറെ ആഘോഷിക്കപ്പെട്ട വില്ലന്‍ വേഷത്തിന് ശേഷം ബോബി ഡിയോളിന്റെതായി റിലീസിന് എത്തുന്ന ചിത്രംകൂടിയാണ്.
ബോളിവുഡ് താരം ദിഷ പഠാനിയാണ് നായിക. സ്റ്റുഡിയോ ഗ്രീനും യുവി ക്രിയേഷന്‍സും ചേര്‍ന്നാണ് നിര്‍മ്മാണം. ഛായാഗ്രഹണം വെട്രി പളനിസ്വാമി. എഡിറ്റര്‍ നിഷാദ് യൂസഫ്. ദേവിശ്രീ പ്രസാദ് ആണ് സംഗീത സംവിധാനം. ശ്രീഗോകുലം മൂവീസാണ് കേരളത്തില്‍ വിതരണം . സൂര്യയും കാര്‍ത്തിയും ആദ്യമായി ഒരുമിക്കുന്നതിന്റെ ആവേശത്തിലാണ് ആരാധകര്‍. അതേസമയം സര്‍ദാര്‍ 2 ആണ് ചിത്രീകരണം പുരോഗമിക്കുന്ന കാര്‍ത്തി ചിത്രം.
Premium Lifestyle and Entertainment website
മഴവില്‍ മനോരമയിലെ ജനപ്രിയ പരമ്പര മണിമുത്ത് അവസാന ഭാഗത്തേക്ക്; പരമ്പരയുടെ ഫാന്‍സ് പേജുകളിലൂടെ പുറത്ത് വരുന്നത് ക്ലൈമാക്‌സിലേക്കെന്ന സൂചന
കുഞ്ഞിനെ നോക്കാന്‍ വീട്ടില്‍ മറ്റാരുമില്ല, മാപ്പ് പറഞ്ഞതാണ്'; കോടതിയില്‍ ജാമ്യാപേക്ഷയുമായി നടി കസ്തൂരി;തെലുങ്കര്‍ക്കെതിരായ വിവാദ പരാമര്‍ശത്തില്‍ നടി ജയിലില്‍