ജോയ് മാത്യു, അശോകന്‍, ബാബു അന്നൂര്‍, അനുമോള്‍ എന്നിവരെ പ്രധാന കഥാപാത്രങ്ങളാക്കി ചന്ദ്രന്‍ നരിക്കോട് സംവിധാനം ചെയ്യുന്ന മൂന്നാമത്തെ ചിത്രം 'ശ്രീ മുത്തപ്പന്‍' കണ്ണൂരില്‍ ചിത്രീകരണം ആരംഭിച്ചു.
പറശ്ശിനിക്കടവ് ശ്രീ മുത്തപ്പന്‍ മടപ്പുര സന്നിധാനത്തില്‍ വെച്ച് നിര്‍മാതാവ് സച്ചു അനീഷും സംവിധായകന്‍ ചന്ദ്രന്‍ നരിക്കോടും ചേര്‍ന്ന്ശ്രീ മുത്തപ്പന്‍' സിനിമയുടെ തിരക്കഥയുടെ പകര്‍പ്പ്ഏറ്റുവാങ്ങി.നടന് ഷെഫ് നളന്‍,മുയ്യം രാജന്‍,വിനോദ് മൊത്തങ്ങ, പി പി ബാലകൃഷ്ണന്‍, ക്ഷേത്രം ഭാരവാഹികള്‍ മുതലായവര്‍ സന്നിഹിതരായിരുന്നു.
കണ്ണൂര്‍ കുന്നത്തൂര്‍ പാടി ശ്രീമുത്തപ്പന്‍ ദേവസ്ഥാനത്ത് വാണവര്‍ കുഞ്ഞിരാമന്‍ നായനാര്‍ സ്വിച്ചോണ്‍ കര്‍മ്മം നിര്‍വ്വഹിച്ചു.പ്രതിഥി ഹൗസ് പ്രൊഡക്ഷന്‍സിന്റെ ബാനറില്‍ സച്ചു അനീഷ് നിര്‍മ്മിക്കുന്ന ഈ ചിത്രത്തില്‍ സച്ചു അനീഷ്, ഷെഫ് നളന്‍, കോക്കാടാന്‍ നാരായണന്‍,വിനോദ് മൊത്തങ്ങ,കൃഷ്ണന്‍ നമ്പ്യാര്‍,രാജേഷ് വടക്കാഞ്ചേരി,ഉഷ പയ്യന്നൂര്‍,അക്ഷയ രാജീവ്,ബേബി പൃഥി രാജീവ് എന്നിവരോടൊപ്പം നിരവധി പുതുമുഖങ്ങളും അഭിനയിക്കുന്നു.
ആദ്യമായിട്ടാണ് ശ്രീ മുത്തപ്പന്‍ ചരിതം സിനിമയാകുന്നത്. പൗരാണിക കാലം മുതലേ ഉത്തര മലബാറില്‍ ജാതീയമായും തൊഴില്‍പരമായും അടിച്ചമര്‍ത്തപ്പെട്ടിരുന്ന കീഴാളജനതയുടെ പോരാട്ട നായകനും, കണ്‍കണ്ട ദൈവവുമായ ശ്രീമുത്തപ്പന്റെ പുരാവൃത്തമാണ് ഈ സിനിമ.
മലയാളത്തിലെ പ്രമുഖ എഴുത്തുകാരായബിജു കെ ചുഴലിയും, മുയ്യം രാജനും ചേര്‍ന്നാണ് തിരക്കഥ സംഭാഷണം ഒരുക്കുന്നത്. മുയ്യം രാജന്‍ എഴുതിയ വരികള്‍ക്ക് മോഹന്‍ സിതാര സംഗീതം പകരുന്നു.ഛായാഗ്രഹണം-റെജി ജോസഫ്,എഡിറ്റിങ് - രാംകുമാര്‍, തിരക്കഥാഗവേഷണം - പി.പി. ബാലകൃഷ്ണ പെരുവണ്ണാന്‍,ആര്‍ട്ട്‌സ്-മധു വെള്ളാവ്,പ്രൊജക്ട് ഡിസൈനര്‍-ധീരജ് ബാല,മേക്കപ്പ്-പീയൂഷ് പുരുഷു,പ്രൊഡക്ഷന്‍ എക്സിക്യൂട്ടിവ്-വിനോദ്കുമാര്‍ പി വി,സ്റ്റില്‍സ് - വിനോദ് പ്ലാത്തോട്ടം.കണ്ണൂരിലെ പറശ്ശിനിക്കടവിലും, നണിച്ചേരിയിലുമായിട്ടാണ് ' ശ്രീ മുത്തപ്പന്‍' ചിത്രീകരിക്കുന്നത്.പി ആര്‍ ഒ-എ എസ് ദിനേശ്.
Premium Lifestyle and Entertainment website
പ്രണയിച്ചിരുന്ന പെണ്‍കുട്ടിക്ക് പേരിനൊരു ഭര്‍ത്താവ് മതിയായിരുന്നു; വിവാഹത്തിന് എട്ട് ദിവസം മുമ്പാണ് വിവാഹം വേണ്ടെന്ന് വയ്ക്കുന്നത്; എല്ലാം ഏര്‍പ്പാട് ചെയ്തിരുന്നു; ലക്ഷങ്ങളുടെ നഷ്ടമാണ് ഉണ്ടായത്; വെളിപ്പെടുത്തി ബിഗ് ബോസ് താരം ജിന്റോ
കഥാപാത്രത്തിനുള്ളിലെ സംഘര്‍ഷങ്ങളും സങ്കീര്‍ണതകളും എന്നെ എത്രയൊക്കെ ആകര്‍ഷിച്ചിട്ടുണ്ടോ അത്ര തന്നെ വെല്ലുവിളികളും സമ്മാനിച്ചിട്ടുണ്ട്;പ്രിയദര്‍ശിനി രാംദാസ് പങ്ക് വച്ചത്