സംവിധാനത്തേക്കാള്‍ സുഖം മാധ്യമപ്രവര്‍ത്തനമാണ്; കാരണം വ്യക്തമാക്കി ശരത് ജി. മോഹന്‍

മലയാള സിനിമ പ്രേമികൾക്ക് ഏറെ സുപരിചിതനായ മാധ്യമപ്രവർത്തകനും സംവിധായകനുമാണ് ശരത് മോഹന്‍. സോഷ്യൽ മീഡിയയിൽ എല്ലാം തന്നെ താരവും സജീവമാകുകയാണ്. എന്നാൽ ഇപ്പോൾ തന്റെ ആദ്യസിനിമയെക്കുറിച്ച് തുറന്നുപറഞ്ഞ് കൊണ്ട്  സംവിധായകന്‍ ശരത് മോഹന്‍ രംഗത്ത് എത്തിയിരിക്കുകയാണ്. സംവിധാനത്തേക്കാളും എന്തുകൊണ്ടും എളുപ്പം മാധ്യമപ്രവര്‍ത്തനം തന്നെയായിരുന്നുവെന്നും ശരത് മോഹന്‍ പറഞ്ഞു.

 ”സംവിധാനത്തേക്കാള്‍ സുഖം മാധ്യമപ്രവര്‍ത്തനമാണ്. കാരണം നമുക്ക് ചോദ്യങ്ങള്‍ മാത്രം ചോദിച്ചാല്‍ മതിയല്ലോ. പക്ഷെ ഒരു സിനിമാ സംവിധാനം ചെയ്യുന്നത് സാധാരണ കാര്യമല്ല. ഒരുപാട് കാര്യങ്ങള്‍ ശ്രദ്ധിക്കേണ്ടതായുണ്ട്. എന്നിരുന്നാലും മാധ്യമപ്രവര്‍ത്തകനായി നിന്നതു കൊണ്ടാണ് സിനിമയില്‍ വരാന്‍ സാധിച്ചത്.

ആ മേഖല എനിക്ക് ഒരുപാട് ഗുണം ചെയ്തിട്ടുണ്ട്. സിനിമയുടെ എഴുത്തിലാണെങ്കില്‍ പോലും കൂടുതല്‍ ബന്ധങ്ങളുണ്ടായത് മാധ്യമ മേഖലയില്‍ പ്രവര്‍ത്തിച്ചതുകൊണ്ടാണ്. നല്ലൊരു മേഖലയാണ് മാധ്യമപ്രവര്‍ത്തനം. അതുകൊണ്ട് തന്നെ പിന്തുണകളും അത്രത്തോളം എനിക്ക് ലഭിച്ചു. ഈ ചിത്രത്തിന് വേണ്ടി മൂന്ന് നാല് നിര്‍മ്മാതാക്കളെ പോയി കണ്ടു.അങ്ങനെയാണ് മോനു ചേട്ടനോട് (മോനു പഴേടത്ത്) കഥ പറയുന്നത്. അദ്ദേഹത്തിന് കഥ ഇഷ്ടപ്പെട്ടു, പിന്നീട് തിരക്കഥ കൊണ്ടുവരാന്‍ ആവശ്യപ്പെടുകയായിരുന്നു.”ശരത് പറയുന്നു.