ചെവിയില്‍ മുടി വളരുന്നത് എങ്ങനെയാണ് എന്ന് ഗൂഗിളില്‍ സെര്‍ച്ച് ചെയ്തതിന്റെ സ്‌ക്രീന്‍ഷോട്ട് പങ്കുവച്ചു നടി സമാന്ത; നിര്‍മ്മാതാവ് ചിട്ടി ബാബുവിന് ഉള്ള മറുപടിയെന്ന് ആരാധകര്‍

സമാന്തയുടെ കരിയര്‍ അവസാനിച്ചുവെന്നും 'പുഷ്പ'യില്‍ ഐറ്റം ഡാന്‍സ് അവതരിപ്പിച്ചത് ജീവിക്കാനുള്ള മാര്‍ഗത്തിന് വേണ്ടിയാണെന്നുമുള്ള നിര്‍മാതാവ് ചിട്ടിബാബുവിന്റെ ആരോപണം വലിയ ചര്‍ച്ചകള്‍ക്കു വഴിവച്ചിരുന്നു. ഇപ്പോഴിതാ ചിട്ടിബാബുവിന്റെ ആരോപണങ്ങള്‍ക്കു മറുപടിയുമായി സമാന്ത തന്നെ നേരിട്ടെത്തിയിരിക്കുന്നു. ഇന്‍സ്റ്റഗ്രാമില്‍ പങ്കുവെച്ച സ്‌ക്രീന്‍ ഷോട്ടിലൂടെയാണ് സാമന്ത നിര്‍മാതാവിന് മറുപടി നല്‍കിയത്. ചെവിയില്‍ മുടി വളരുന്നത് എങ്ങനെയാണെന്ന് ഗൂഗിളില്‍ തിരഞ്ഞതിന്റെ സ്‌ക്രീന്‍ ഷോട്ടാണ് ചിത്രത്തില്‍ കാണാനാകുക.

'എങ്ങനെയാണ് ആളുകള്‍ക്ക് ചെവിയില്‍ നിന്നും മുടി വളരുന്നതെന്ന്' എന്നാണ് സമാന്ത ഗൂഗിളില്‍ സെര്‍ച്ച് ചെയ്തത്. ടെസ്റ്റോസ്റ്റിറോണിന്റെ അളവ് വര്‍ധിക്കുന്നതാണ് ചെവിയില്‍ മുടി വളരുന്നതിന്റെ കാരണമായി ഗൂഗിള്‍ മറുപടി നല്‍കിയിരിക്കുന്നത്. സ്‌ക്രീന്‍ ഷോട്ടിനൊപ്പം '#IYKYK' (If you know you know) എന്നും സമാന്ത കുറിച്ചിട്ടുണ്ട്.

സമന്ത നായികയായി ഏറ്റവും ഒടുവില്‍ പുറത്തിറങ്ങിയ ചിത്രമായിരുന്നു ' ശാകുന്തളം' ജീവിക്കാന്‍ വേണ്ടിയാണ് പുഷ്പയിലെ ഗാനം നടി ചെയ്തത് എന്നതടക്കമുള്ള കാര്യങ്ങളാണ് ചിട്ടി ബാബു ഒരഭിമുഖത്തില്‍ പറഞ്ഞത്. ഇപ്പോളിതാ അതിനുള്ള മറുപടിയുമായി എത്തിയിരിക്കുകയാണ് സമന്ത.
താരത്തിന്റെ മറുപടി പേരെടുത്ത് പറയാതെയായിരുന്നു. 

സോഷ്യല്‍ മീഡിയയില്‍ താരത്തിന്റെ പോസ്റ്റ് വൈറലായതോടെ നിരവധി ആളുകള്‍ പുന്തുണയുമായി രംഗത്തെത്തി. ആരാധകര്‍ കുറിച്ചിരിക്കുന്നത് ഇതിലും മികച്ച മറുപടിയില്ലായെന്നാണ്. ചിട്ടി ബാബുവിന്റെ പരാമര്‍ശത്തിന് സമൂഹ മാധ്യമങ്ങളിലും വലിയ വിമര്‍ശനമാണുയര്‍ന്നത്.