അന്നൗണ്‍സ് ചെയ്തപ്പോള്‍ മുതല്‍ വാര്‍ത്തകളില്‍ ഇടം പിടിച്ച ചിത്രമാണ് നാഗ് അശ്വിന്റെ സംവിധാനത്തില്‍ ഒരുങ്ങുന്ന പ്രോജക്ട് - കെ. പ്രഭാസ്, ദീപിക പദുകോണ്‍, അമിതാബ് ബച്ചന്‍, ദിഷ പതാനി തുടങ്ങി വന്‍ താരനിര അണിനിരക്കുന്ന പ്രോജക്ട് - കെ ഇന്ത്യന്‍ സിനിമയില്‍ തന്നെ ഏറ്റവും വലിയ ചിത്രമായി ഒരുങ്ങുകയാണ്. തെലുഗ് സിനിമയിലെ തന്നെ ഏറ്റവും വലിയ നിര്‍മാണ കമ്പനിയായ വൈജയന്തി മൂവീസ് ഇപ്പോഴിതാ മറ്റൊരു മുന്നേറ്റം നടത്തുകയാണ്. ഉലകനായകന്‍ കമല്‍ ഹാസന്‍ ചിത്രത്തില്‍ വളരെ പ്രധാനപ്പെട്ട കഥാപാത്രം ചെയ്യാന്‍ ഒരുങ്ങുകയാണ്. കമല്‍ ഹാസന്റെ വരവോടു കൂടി ചിത്രം ഇന്ത്യന്‍ സിനിമയിലെ തന്നെ ഏറ്റവും വലിയ കാസ്റ്റിംഗ് ചിത്രമാവുകയാണ്.
കമല്‍ ഹസന്റെ വാക്കുകള്‍ ഇങ്ങനെ ' 50 വര്‍ഷങ്ങള്‍ക്ക് മുമ്പ് ഞാന്‍ ഡാന്‍സ് അസിസ്റ്റന്റും അസിസ്റ്റന്റ് ഡയറക്ടറുമായിരുന്ന കാലത്താണ് അശ്വിനി ദത്ത് എന്ന പേര് നിര്‍മ്മാണ മേഖലയില്‍ വരുന്നത്. 50 വര്‍ഷങ്ങള്‍ക്ക് ശേഷം ഞങ്ങള്‍ രണ്ടുപേരും ഒന്നിക്കുന്നു. നമ്മുടെ അടുത്ത തലമുറയിലെ ഒരു മിടുക്കനായ സംവിധായകന്‍ ചുക്കാന്‍ പിടിക്കുന്നു. എന്റെ സഹതാരങ്ങളായ പ്രഭാസും ദീപികയും ആ തലമുറയില്‍പ്പെട്ടവരാണ്. അമിതാബ് ജിക്കൊപ്പം ഞാന്‍ മുമ്പ് പ്രവര്‍ത്തിച്ചിട്ടുണ്ട്. എന്നാലും ഓരോ തവണയും ആദ്യമായാണ് തോന്നുന്നത്. അമിതാബ് ജി സ്വയം വീണ്ടും കണ്ടുപിടിക്കുന്നു. അക്കാര്യം ഞാനും അനുകരിക്കുകയാണ്. പ്രൊജക്റ്റ് കെയ്ക്കായി ഞാന്‍ ആകാംക്ഷയോടെ കാത്തിരിക്കുകയാണ്. പ്രേക്ഷകര്‍ എന്നെ ഏത് സ്ഥാനത്തിരുത്തിയാലും പ്രധാനാമായി ഞാനൊരു സിനിമാപ്രേമിയാണ് . ആ ഗുണം എന്റെ വ്യവസായത്തിലെ ഏതൊരു പുതിയ ശ്രമത്തെയും അഭിനന്ദിച്ചുകൊണ്ടേയിരിക്കും. പ്രൊജക്റ്റ് കെയ്ക്കുള്ള ആദ്യത്തെ കൈയടി എന്റേതായിരിക്കട്ടെ. നമ്മുടെ സംവിധായകന്‍ നാഗ് അശ്വിന്റെ കാഴ്ചപ്പാടിലൂടെ നമ്മുടെ രാജ്യത്തും സിനിമാ ലോകത്തും കൈയടികള്‍ മുഴങ്ങുമെന്ന് എനിക്ക് ഉറപ്പുണ്ട്.'
നിര്‍മാതാവ് അശ്വനി ദത്തിന്റെ വാക്കുകള്‍ ഇങ്ങനെ 'കമല്‍ ഹാസന്റെ കൂടെ ജോലി ചെയ്യുക എന്നത് എന്റെ സ്വപ്നമായിരുന്നു. പ്രോജക്ട് കെ യിലൂടെ ആ സ്വപ്നം സാക്ഷാത്കരിക്കപ്പെടുകയാണ്. കമല്‍ ഹസന്‍, അമിതാബ് ബച്ചന്‍ എന്നീ 2 ലെജന്‍ഡറി അഭിനേതാക്കളോടൊപ്പം പ്രവര്‍ത്തിക്കുക എന്നത് ഏത് നിര്മാതാവിന്റെയും സ്വപ്നമാണ്. ആ സ്വപ്നമാണ് ഞാന്‍ എന്റെ കരിയറിലെ അമ്പതാം വര്ഷം സാക്ഷാത്കരിക്കുന്നത്'.
സംവിധായകന്‍ നാഗ് അശ്വിനും അദ്ദേഹത്തിന്റെ സന്തോഷം പ്രകടിപ്പിച്ചു 'ഇത്രയധികം ഐതിഹാസിക കഥാപാത്രങ്ങള്‍ ചെയ്ത കമല്‍ ഹസന്‍ സാറിന് പുതിയ എന്തെങ്കിലും ചെയ്യാന്‍ ശ്രമിക്കുന്നത് വലിയ അംഗീകാരമാണ്. ഞങ്ങളെല്ലാവരും അദ്ദേഹം ചിത്രത്തിലേക്ക് വന്നതില്‍ ഒത്തിരി സന്തോഷത്തിലാണ്. '
വേള്‍ഡ് - ക്ലാസ് പ്രൊഡക്ഷന്‍ രീതിയിലാണ് ചിത്രം ഒരുങ്ങുന്നത്. സംവിധായകന്‍ നാഗ് അശ്വിന്‍ അത്രമേല്‍ സൂക്ഷമതയോടെയാണ് തിരക്കഥ സ്വീകരിക്കുന്നത്. പ്രൊഡക്ഷന്‍ ക്വാളിറ്റിയിലും ടെക്‌നിക്കല്‍ രീതിയിലും ചിത്രം ഇതുവരെ കാണാത്ത ഒരു മായാലോകം പ്രേക്ഷകര്‍ക്ക് മുന്നില്‍ ഒരുക്കുമെന്ന് തീര്‍ച്ച.
ടോളിവുഡിലെ ഏറ്റവും വലിയ പ്രൊഡക്ഷന്‍ ഹൗസായ വൈജയന്തി മൂവീസ് അമ്പതാം വര്‍ഷത്തിലേക്ക് കടക്കുമ്പോള്‍ അങ്ങേയറ്റം അഭിമാനത്തോടെയാണ് ഈ ഗോള്‍ഡന്‍ ജൂബിലി പ്രോജക്ട് പുറത്തുവിടുന്നത്. വൈജയന്തി മൂവീസിന്റെ ബാനറില്‍ അശ്വിനി ധത്ത് ചിത്രം നിര്‍മിക്കുന്നു. സംക്രാന്തി നാളില്‍ ജനുവരി 12, 2024 ല്‍ ചിത്രം തീയേറ്ററുകളിലെത്തും. പി ആര്‍ ഒ - ശബരി
Premium Lifestyle and Entertainment website
നയന്‍താര ഡ്രസ് ചെയ്യുന്നത് വളരെ സെന്‍സിബിളായി; കോസ്റ്റ്യൂമിനും മേക്കപ്പിനുമെല്ലാം വലിയ ടീം നടിയ്‌ക്കൊപ്പമുണ്ട്; ഒരു ദാക്ഷണ്യവുമില്ലാതെയാണ് സംസാരിക്കുക;പറഞ്ഞ് മനസിലാക്കാന്‍ കഷ്ടപ്പെട്ടു; കോസ്റ്റിയൂം ഡിസൈനറായ സൂര്യ പാര്‍വ്വതി അനുഭവം പങ്ക് വക്കുമ്പോള്‍
25 കോടി പ്രതിഫലം വാങ്ങുന്ന നടന്‍ അതിന് അടയ്ക്കേണ്ട ജി എസ് ടി തുകയും വാങ്ങുന്നത് പ്രൊഡ്യൂസറില്‍ നിന്നും; വേതനത്തില്‍ താരങ്ങള്‍ വിട്ടു വീഴ്ച ചെയ്യേണ്ടി വരും; ആന്റണി പെരുമ്പാവൂര്‍ മാപ്പു പറഞ്ഞില്ലെങ്കില്‍ അംഗത്വം 'താര സംഘടനയില്‍' മാത്രമായി ചുരുങ്ങും; സമരവുമായി മുന്നോട്ടെന്ന് ഫിലിം ചേംബറും