കേന്ദ്ര കഥാപാത്രമായി ഇന്ദ്രന്‍സ്; 'നൊണ' ഫസ്റ്റ് ലുക്ക് പുറത്ത്

ഇന്ദ്രന്‍സിനെ കേന്ദ്രകഥാപാത്രമാക്കി രാജേഷ് ഇരുളം സംവിധാനം ചെയ്യുന്ന ' നൊണ' എന്ന ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്തുവിട്ടു. സംവിധായകന്‍ തന്നെയാണ് ചിത്രത്തിന്റെ എഡിറ്റിംഗും നിര്‍വഹിച്ചിരിക്കുന്നത്. പോള്‍ ബത്തേരിയാണ് ചിത്രത്തിന്റെ ഛായാഗ്രഹണം നിര്‍വഹിക്കുന്നത്. സിബി അമ്പലപ്പുറത്തിന്റെ വരികള്‍ക്ക് റെജി ഗോപിനാഥ് സംഗീതം നല്‍കുന്നു.

ഷാഫി സംധിധാനം ചെയ്ത് ഷറഫുദ്ദീന്‍ നായകനായ ' ആനന്ദം പരമാനന്ദം' ആണ് ഇന്ദ്രന്‍സിന്റേതായി ഏറ്റവും ഒടുവില്‍ പ്രദര്‍ശനത്തിന് എത്തിയത്. എം സിന്ധുരാജിന്റെ തിരക്കഥയില്‍ ഒരുങ്ങിയ ഒരു ഫാമിലി ഹ്യൂമര്‍ ചിത്രമാണ് ' ആനന്ദം പരമാനന്ദം'. ' തിങ്കളാഴ്ച്ച നിശ്ചയം' ഫെയിം അനഘ നാരായണനായിരുന്നു ചിത്രത്തിലെ നായിക. 

സാദിഖ്, കിച്ചു ടെല്ലസ്, കൃഷ്ണചന്ദ്രന്‍, ശാലു റഹിം, കിജന്‍ രാഘവന്‍, വനിത കൃഷ്ണചന്ദ്രന്‍, നിഷാ സാരംഗ് എന്നിവരാണ് ചിത്രത്തില്‍ മറ്റ് പ്രധാന കഥാപാത്രങ്ങളെ അവതരിപ്പിച്ചത്. മനു മഞ്ജിത്തിന്റെ വരികള്‍ക്ക് ഷാന്‍ റഹ്മാന്‍ സംഗീതം പകര്‍ന്നിരിക്കുന്നു. സപ്തതരംഗ് ക്രിയേഷന്‍സ് നിര്‍മ്മിച്ച ചിത്രമാണിത്. ഒ.പി ഉണ്ണികൃഷ്ണന്‍, സന്തോഷ് വളളക്കാലില്‍, ജയഗോപാല്‍, പി എസ് പ്രേമാനന്ദന്‍, കെ മധു എന്നിവരാണ് നിര്‍മ്മാതാക്കള്‍. ഛായാഗ്രഹണം മനോജ് പിളള