മലയാളത്തിന്റെ പ്രിയ താരജോഡികളാണ് ഫഹദും നസ്രിയയും. ജീവിതത്തിന്റെ ഓരോ നിമിഷങ്ങളും ആസ്വദിക്കുന്ന രണ്ടുപേര്‍. സോഷ്യല്‍ മീഡിയയില്‍ സജീവമായ താരം ഫഹദിന്റെ വിശേഷങ്ങളും പങ്കുവയ്ക്കാറുണ്ട്. സ്‌കൈ ഡൈവിങ്ങ് ചെയ്യുന്ന ചിത്രങ്ങളാണ് നസ്രിയ ഇപ്പോള്‍ പങ്കുവച്ചിരിക്കുന്നത്.
'അങ്ങനെ സ്വപ്നം സാഫല്യമായിരിക്കുന്നു. ദുബായില് പെട്ടെന്ന് എത്താനായി ഞാന്‍ വിമാനത്തില്‍ നിന്നു ചാടിയിറങ്ങി' എന്ന രസകരമായ അടിക്കുറിപ്പാണ് നസ്രിയ ചിത്രങ്ങള്‍ക്കു നല്‍കിയിരിക്കുന്നത്. താരങ്ങളായ ശ്രിന്ധ, നിമിഷ സജയന്‍, ശബരീഷ്, ഫര്‍ഹാന്‍ ഫാസില്‍ എന്നിവരും ചിത്രങ്ങള്‍ക്കു താഴെ കമന്റു ചെയ്തിട്ടുണ്ട്. ചിത്രത്തിനടിയില്‍ താരത്തിന്റെ അനുജനും ഫഹദിന്റെ അനുജനും എത്തിയിട്ടുണ്ട്. എല്ലാവര്‍ക്കും നസ്രിയയുടെ ഈ സന്തോഷത്തില്‍ പങ്കുചേരാന്‍ സന്തോഷം എന്ന് അറിയിച്ചു.
മലയാളികളുടെ കണ്‍മുന്നില്‍ വളര്‍ന്ന കുട്ടിയെന്നും നസ്രിയയെ വിശേഷിപ്പിക്കാറുണ്ട്. ഇരുപത്തിയേഴുകാരിയായ നസ്രിയയുടെ തുടക്കം പളുങ്കെന്ന മമ്മൂട്ടി ചിത്രത്തില്‍ മകളായി അഭിനയിച്ചുെകാണ്ടായിരുന്നു. പിന്നീട് പ്രമാണി, ഒരു നാള്‍ വരും തുടങ്ങിയ സിനിമകളിലും ബാലതാരമായി നസ്രിയ അഭിനയിച്ചു. മാഡ് ഡാഡ് മുതലാണ് നസ്രിയ നായിക പദവിയിലേക്ക് മാറിയത്. പിന്നീട് തുടരെ തുടരെ ഒട്ടനവധി ഹിറ്റ് ചിത്രങ്ങളില്‍ നസ്രിയ നായികയായി.
Premium Lifestyle and Entertainment website
കുട്ടികളുടെ തൂക്കം കൂട്ടാം 
ശിശുദിനത്തില്‍ ജീവിതത്തിലെ വലിയ സന്തോഷം പങ്കുവച്ച് സീരിയല്‍ നടി ആര്യ അനില്‍; മുറ്റത്തെ മുല്ല പരമ്പരയിലെ അശ്വതി അമ്മയാകാനുള്ള തയ്യാറെടുപ്പില്‍