മമ്മൂട്ടിയെ നായകനാക്കി ബി.ഉണ്ണികൃഷ്ണന്‍ സംവിധാനം ചെയ്ത് തീയേറ്റര്‍ റിലീസിനൊരുങ്ങുന്ന ഏറ്റവും പുതിയ ചിത്രം ക്രിസ്റ്റഫറിലെ പുതിയ ക്യാരക്ടര്‍ പോസ്റ്റര്‍ റിലീസ് ചെയ്തു. അമല പോള്‍ അവതരിപ്പിക്കുന്ന സുലേഖ എന്ന കഥാപാത്രത്തിന്റെ പോസ്റ്ററാണ് പുറത്തുവന്നിരിക്കുന്നത്. ഒരു അന്വേഷിക എന്ന ടാഗ് ലൈനില്‍ ഉള്ള അമലയുടെ കഥാപത്രത്തെ പോസ്റ്ററില്‍ കാണാം
ബയോഗ്രഫി ഓഫ് എ വിജിലന്റ് കോപ്പ് എന്നാണ് ചിത്രത്തിനു നല്‍കിയിരിക്കുന്ന ടാഗ് ലൈന്‍.സ്നേഹ, ഐശ്വര്യ ലക്ഷ്മി എന്നിവരാണ് ചിത്രത്തില്‍ മറ്റ് നായികമാരായി എത്തുന്നത്. ചിത്രത്തിന്റെ മറ്റൊരു പ്രത്യേകത എന്നത് തെന്നിന്ത്യന്‍ താരമായ വിനയ് റായ് ചിത്രത്തില്‍ പ്രധാന കഥാപാത്രത്തെ അവതരിപ്പിക്കുന്നുണ്ട് എന്നതാണ്.
ദിലീഷ് പോത്തന്‍, സിദ്ദിഖ്, ഷൈന്‍ ടോം ചാക്കോ, ജിനു എബ്രഹാം, വിനീതാ കോശി, വാസന്തി തുടങ്ങിയവരോടൊപ്പം മുപ്പത്തിയഞ്ചോളം പുതുമുഖങ്ങളും ചിത്രത്തില്‍ വേഷമിടുന്നുണ്ട്. ത്രില്ലര്‍ ഗണത്തില്‍പ്പെട്ട ചിത്രത്തിന്റെ സംവിധാനം നിര്‍വഹിച്ചിരിക്കുന്നത് ബി. ഉണ്ണികൃഷ്ണന്‍ ആണ്. ചിത്രത്തിന്റെ തിരക്കഥ രചിച്ചിരിക്കുന്നത് ഉദയകൃഷ്ണയാണ്. ആര്‍.ഡി ഇല്യൂമിനേഷന്‍സിന്റെ ബാനറില്‍ നിര്‍മിക്കുന്ന ചിത്രത്തിന് ഫൈസ് സിദ്ദിഖ് ആണ് ഛായാഗ്രഹണം നിര്‍വഹിക്കുന്നത്.
ഈ കഴിഞ്ഞ ദിവസം ഷൈന്‍ ടോം ചാക്കോയുടെ പോസ്റ്റര്‍ അണിയറപ്രവര്‍ത്തകര്‍ പുറത്തു വിട്ടതിന് പിന്നാലെയാണ് ഇപ്പോള്‍ അമല പോളിന്റെ പുതിയ ക്യാരക്ടര്‍ റോള്‍ പോസ്റ്ററും അണിയറ പ്രവര്‍ത്തകര്‍ പുറത്തു വിട്ടിരിക്കുകയാണ്.
Premium Lifestyle and Entertainment website
നെറ്റ്ഫ്‌ളിക്‌സിനും നയന്‍താരയ്ക്കും തിരിച്ചടി; ധനുഷിന്റെ ഹര്‍ജി തള്ളില്ല; ആവശ്യം അംഗീകരിക്കാതെ മദ്രാസ് ഹൈക്കോടതി 
ഞാന്‍ എപ്പോഴും ചിരിച്ചു കൊണ്ടിരിക്കുന്നയാളാണ്; ചിരിക്കുന്ന ആളുകളെ എനിക്ക് വളരെയിഷ്ടമാണ്; ചുറ്റുമുള്ള ആളുകളെ ബഹുമാനിക്കുന്ന ഒരാള്‍ ആയിരിക്കണം: ഒടുവില്‍ പ്രണയത്തിലാണെന്ന് സ്ഥിരീകരിച്ച് രശ്മിക മന്ദാന