പ്രേമം, നേരം, ഗോള്‍ഡ് തുടിങ്ങിയ ചിത്രങ്ങളിലൂടെ മലയാളികളുടെ മനസുകളില്‍ ഇടം നേടിയ സംവിധായകനാണ് അല്‍ഫോണ്‍സ് പുത്രന്‍. ഇപ്പോഴിതാ സിനിമ പഠിക്കുന്നവര്‍ക്കും വിദ്യാര്‍ത്ഥികള്‍ക്കും ഫിലിം മേക്കിംഗ് ക്ലാസ് ഒരുക്കുകയാണ് അദ്ദേഹം. സോഷ്യല്‍ മീഡിയയില്‍ പോസ്റ്റ് പങ്കുവെച്ചാണ് ഇതിലേക്ക് വിദ്യാര്‍ത്ഥികളെ ക്ഷണിച്ചിരിക്കുന്നത്. എട്ട് തരം ഷോട്ടുകള്‍ കൊണ്ട് റീല്‍സ് ഉണ്ടാക്കി അയക്കുന്നതില്‍ നിന്നാണ് ആദ്യ ക്ലാസുകാരെ തിരഞ്ഞെടുക്കുന്നതെന്ന് അല്‍ഫോണ്‍സ് പുത്രന്‍ അറിയിച്ചു.
ഇന്‍സ്റ്റാഗ്രാമില്‍ പോസ്റ്റ് പങ്കുവെച്ചുകൊണ്ടാണ് അല്‍ഫോണ്‍സ് വിദ്യാര്‍ത്ഥികളെ ക്ഷണിച്ചിരിക്കുന്നത്.
അല്‍ഫോണ്‍സിന്റെ കുറിപ്പ്
സിനിമ പഠിക്കുന്നവര്‍ക്കും വിദ്യാര്‍ത്ഥികള്‍ക്കും വേണ്ടി, ഫിലിം മേക്കിംഗിനെ കുറിച്ചുള്ള എന്റെ ആദ്യ ക്ലാസ്. ഇത് പരീക്ഷിച്ച എല്ലാവര്‍ക്കും എനിക്ക് അയയ്ക്കാം, (എക്സ്ട്രീം ലോങ് ഷോട്ട്, ലോങ് ഷോട്ട്, ഫുള്‍ ഷോട്ട്, നീ ഷോട്ട്, മിഡ് ഷോട്ട്, മിഡ് ക്ലോസ് അപ് ഷോട്ട്, ക്ലോസ് അപ് ഷോട്ട്, എക്സ്ട്രീം ക്ലോസ് അപ് ഷോട്ട് എന്നിവ റീല്‍സ് അക്കി അയക്കുക. സിനിമാറ്റൊഗ്രഫി, എഡിറ്റിങ് എന്നിവയില്‍ താല്‍പര്യമുള്ളവര്‍ അതും റീല്‍സില്‍ പരീക്ഷിക്കാം). എനിക്ക് ഇഷ്ടപ്പെട്ടാല്‍ ഞാന്‍ തിരികെ മെസ്സേജ് അയക്കുകയോ ലൈക്ക് ചെയ്യുകയോ ഷെയര്‍ ചെയ്യുകയോ ചെയ്യും. എല്ലാവര്‍ക്കും ആശംസകള്‍. ഗോപാലന്‍ ചേട്ടന്റെ പ്രിയപ്പെട്ട ഡയലോഗ് നിങ്ങള്‍ക്കെല്ലാവര്‍ക്കും വേണ്ടി പറയുന്നു ( സൂപ്പര്‍സ്റ്റാര്‍ സ്റ്റൈല്‍ മന്നന്‍ രജനികാന്തിന്റെ ഡയലോഗാണ്) ഇനിമേ താന്‍ ആരംഭം.
ഗോള്‍ഡ് എന്ന സിനിമയ്ക്ക് ശേഷം സോഷ്യല്‍ മീഡിയയില്‍ നിന്ന് നിരവധി ട്രോളുകള്‍ക്കിരയായ സംവിധായകനായിരുന്നു അല്‍ഫോണ്‍സ് പുത്രന്‍. താന്‍ ആരുടേയും അടിമയല്ല എന്നും തന്നെ കളിയാക്കാനോ പരസ്യമായി അപമാനിക്കാനോ ആര്‍ക്കും അവകാശം നല്‍കിയിട്ടില്ല എന്നുമായിരുന്നു ട്രോളുകള്‍ക്ക് പ്രതിഷേധം അറിയിച്ചുളള അല്‍ഫോണ്‍സിന്റെ കുറിപ്പ്. ഇനിയും ഇത്തരം അധിക്ഷേപങ്ങളുണ്ടായാല്‍ സോഷ്യന്‍ മീഡിയയില്‍ നിന്ന് അപ്രത്യക്ഷമാകുമെന്നും സംവിധായകന്‍ പറഞ്ഞിരുന്നു. തുടര്‍ന്ന് സോഷ്യല്‍ മീഡിയ പേജുകളില്‍ നിന്ന് തന്റെ എല്ലാ പോസ്റ്റുകളും അല്‍ഫോണ്‍സ് പിന്‍വലിക്കുകയും പ്രൊഫൈല്‍ ചിത്രം മാറ്റുകയും ചെയ്തിരുന്നു. അതിന് ശേഷമുള്ള അല്‍ഫോണ്‍സിന്റെ ആദ്യത്തെ പോസ്റ്റാണ് ഇത്.
Premium Lifestyle and Entertainment website
.jpg)
നടി ദേവിക നമ്പ്യാരുടെയും വിജയ് മാധവിന്റെയും കുടുബംത്തിലേക്ക് പുതിയ അതിഥിയെത്തി; രണ്ടാമത്തെ അതിഥിയായി എത്തിയത് മകള്‍; വിശേഷങ്ങളുമായി താരങ്ങള്‍
ആരാധകര്‍ സ്നേഹംകൊണ്ട് ഉന്മാദികളെ പോലെ പെരുമാറുമെന്നു;അനാവശ്യമായി വിവാദമാക്കുന്നു; സെല്‍ഫിയെടുക്കാനെത്തിയ സ്ത്രീകളെ അനുവാദമില്ലാതെ ചുംബിച്ചു വിവാദത്തില്‍ ഉദിത് നാരായണന്‍