ഒരു ലക്ഷം രൂപയിലധികം വിലവരുന്ന ഒരു ഉപകരണം കളിക്കാന്‍ ചൂണ്ടിക്കാണിച്ച് മകന്‍; വൈറലായി നവ്യയുടെ മറുപടി

ഇഷ്ടത്തിലൂടെ എത്തി നന്ദനത്തിലൂടെ പ്രേക്ഷക ഹൃദയത്തിലേക്ക് ചേക്കേറിയ നടി നവ്യ നായര്‍. മികച്ച ചിത്രങ്ങളില്‍ നായികയായി തിളങ്ങിയ നവ്യ വിവാഹത്തോടെ സിനിമയില്‍ നിന്നും ഇടവേളയെടുത്തിരുന്നു. അടുത്ത വീട്ടിലെ കുട്ടിയുടെ ഇമേജ് ആണ് എന്നും നവ്യ നായര്‍ക്ക്. വിവാഹ ശേഷം കുറച്ചു കാലം സിനിമയില്‍ നിന്നും വിട്ടു നിന്നെങ്കിലും വീണ്ടും സിനിമയിൽ സജീവമായിരിക്കുകയാണ്. എന്നാൽ ഇപ്പോൾ താരത്തിന്റെ 
 പുതിയ വാക്കുകളാണ് സോഷ്യല്‍ മീഡിയയില്‍ വൈറല്‍ ആയി മാറിക്കൊണ്ടിരിക്കുന്നത്. 

ഇന്നത്തെ കാലത്ത് കുട്ടികള്‍ക്ക് കിട്ടുന്ന പ്രിവില്ലേജിനെ കുറിച്ചായിരുന്നു താരം വേദിയില്‍ സംസാരിച്ചത്. ഒരു ഇലക്ട്രോണിക്‌സ് ഷോപ്പില്‍ പോയപ്പോള്‍ മകന്‍ അവിടെ ഉണ്ടായിരുന്ന ഒരു ലക്ഷം രൂപയിലധികം വിലവരുന്ന ഒരു ഉപകരണം ചൂണ്ടിക്കാണിച്ച് അത് തനിക്ക് വേണമെന്ന് ആവശ്യപ്പെട്ടു, എന്തിനാണെന്ന് ചോദിച്ചപ്പോള്‍ അതുണ്ടെങ്കില്‍ തനിക്ക് ഒരുപാട് ഗെയിമുകള്‍ ഡൗണ്‍ലോഡ് ചെയ്യാന്‍ സാധിക്കും എന്നായിരുന്നു മറുപടി നല്‍കിയത്.

ഇന്നത്തെക്കാലത്ത് കുട്ടികള്‍ക്ക് പൈസയുടെ വിലയെക്കുറിച്ച് യാതൊരുവിധ അറിവുമില്ലായെന്നും കിട്ടുന്ന അവസരങ്ങളെ കുറിച്ച് യാതൊരു വിധ ബോധവുമില്ലായെന്നും താരം പറഞ്ഞു. എന്നാല്‍ താന്‍ മകനോട് നിനക്ക് കയ്യിലുള്ള കളിച്ചു കഴിഞ്ഞഗെയിമുകള്‍ ഡിലീറ്റ് ചെയ്ത ശേഷം പുതിയവ ഡൗണ്‍ലോഡ് ചെയ്യാന്‍ പാടില്ലെ എന്ന് ചോദിച്ചുവെന്നും. സാധിക്കും എന്ന മറുപടി മകന്‍ നല്‍കിയെന്നും നവ്യ പറഞ്ഞു.

ചിന്തിക്കാനുള്ള ഒരു അവസരം നമ്മുടെ മക്കള്‍ക്ക് കിട്ടുന്നില്ല കാരണം ഒരുപാട് അവസരങ്ങള്‍ ആണ് അവര്‍ക്ക് മുന്നില്‍ ഇപ്പോഴുള്ളത്, പലപ്പോഴും ഇത്തരത്തിലുള്ള ഗാന്ധിഭവന്‍ പോലുള്ള സ്ഥലങ്ങള്‍ സന്ദര്‍ശിക്കണമെന്ന് ഞാന്‍ മകനോട് പറയാറുണ്ട്. സമൂഹത്തെക്കുറിച്ചും മനുഷ്യരെക്കുറിച്ചും ഇപ്പോള്‍ ലഭിക്കുന്ന അവസരങ്ങളെക്കുറിച്ചും പൂര്‍ണമായ ബോധത്തോടുകൂടി മാത്രമേ വളരാന്‍ പാടുള്ളൂ എന്ന് മകന് ഉപദേശവും നല്‍കാറുണ്ട്’ നവ്യ നായര്‍ പറഞ്ഞു.