‘നഷ്ടപ്പെട്ട പണവും പ്രശസ്തിയും തിരികെ വരും എന്നാൽ പാഴായിപ്പോയ സമയം തിരിച്ചു കിട്ടില്ല': എ.ആർ.റഹ്മാൻ

ബോളിവുഡിൽ തനിയ്ക്കെതിരെ പ്രവർത്തിക്കുന്ന ഗൂഢ സംഘത്തെ കുറിച്ചുള്ള തുറന്ന് പറച്ചിൽ  ഏറെ പ്രതികൂലമായി ബാധിച്ചുവെന്ന് വെളിപ്പെടുത്തി എ.ആർ.റഹ്മാൻ. എന്നാൽ ഇപ്പോൾ സോഷ്യൽ മീഡിയയിലൂടെ വിവാദ പ്രസ്താവനയോടു പ്രതികരിച്ച സംവിധായകൻ ശേഖർ കപൂറിന് റഹ്മാൻ നൽകിയ മറുപടിയാണ്  ഏറെ ചർച്ചയാകുന്നത്. 

‘നഷ്ടപ്പെട്ട പണവും പ്രശസ്തിയും തിരികെ വരും. എന്നാൽ പാഴായിപ്പോയ സമയം തിരിച്ചു കിട്ടില്ല. നമുക്ക് സമാധാനത്തിൽ മുന്നോട്ടു പോകാം. ഇനിയും കൂടുതൽ കാര്യങ്ങൾ ചെയ്യാനുണ്ട്’ എന്നും  എ.ആർ.റഹ്മാൻ പറഞ്ഞു.

 ബോളിവുഡിൽ തനിയ്ക്കെതിരെ കഴിഞ്ഞ ദിവസമാണ് തെറ്റായ പ്രചാരണങ്ങൾ നടത്തുന്ന ഒരു ഗൂഢ സംഘം പ്രവർത്തിക്കുന്നുണ്ടെന്ന് എ.ആർ.റഹ്മാൻ തുറന്ന് പറഞ്ഞത്.   ഹിന്ദി സിനിമയിലെ വിവേചനത്തിനെതിരെ സുശാന്ത് സിങ് രാജ്പുത്തിന്റെ അവസാന ചിത്രം ദിൽ ബേചാരെയുടെ പ്രമോഷനിനിടെയാണ് റഹ്മാൻ തുറന്നടിച്ചതഇക്കാര്യങ്ങൾ വെളിപ്പെടുത്തിയത്.

വലിയ തോതിൽ എ.ആർ.റഹ്മാന്റെ വെളിപ്പെടുത്തൽ  ചർച്ച ചെയ്ത് സാഹചര്യത്തിൽ തമിഴ്  സിനിമാ ലോകത്ത്  നിന്ന് കവി വൈരമുത്തുവടക്കമുള്ളവര്‍  പിന്തുണയറിച്ച് എത്തിയിരുന്നു. എന്നാൽ  റസൂൽ പൂക്കുട്ടിയും ഹ്മാന്റെ പ്രസ്താവനയ്ക്കു പിന്നാലെ ബോളിവുഡിലെ ഗൂഢനീക്കങ്ങളെക്കുറിച്ച് അണഞ്ഞടിക്കുകയും ചെയ്‌തിരുന്നു. 

 ബോളിവുഡിൽ അവസരങ്ങൾ ഓസ്കർ പുരസ്കാരം നേടിയതിനു ശേഷം ലഭിച്ചിട്ടില്ലെന്നും ‘താങ്കളെ ‍ഞങ്ങൾക്കു വേണ്ട’ എന്ന് പ്രൊഡക്‌ഷൻ ഹൗസ് ഉടമകൾ മുഖത്തു നോക്കി പറഞ്ഞിട്ടുണ്ടെന്നുമായിരുന്നു റസൂൽ പൂക്കുട്ടി ഉയർത്തിയ  വിവാദം.  ഇപ്പോൾ സമൂഹമാധ്യമ ലോകത്തിൽ ഇരുവരുടെയും തുറന്നു പറച്ചിലുകളാണ് പ്രധാന ചർച്ചയാകുന്നത്.