നടന് പൃഥ്വിരാജിന്റെ സംവിധാനത്തില്‍ റിലീസിനൊരുങ്ങുകയാണ് മോഹന്‍ലാല്‍ നായകനാകുന്ന ലൂസിഫര്‍ എന്ന ചിത്രം. മാര്‍ച്ച് 28ന് ചിത്രം തീയറ്ററുകളില്‍ എത്താന്‍ തയ്യാറെടുക്കുമ്പോള്‍ വേറിട്ട പ്രമോഷന് പരിപാടികളാണ് ചിത്രത്തിനായി സംവിധായകന്‍ പൃഥിരാജ് ഒരുക്കുന്നത്. കഥ ചോരാതെ തന്നെ സസ്‌പെന്‍സ് നിലനിര്‍ത്തിയുള്ള പ്രമോഷനുകള്‍ പ്രേക്ഷകരെ ലൂസിഫര്‍ കാണാനായി തല്‍പരരാക്കുന്നതാണ്. ഇപ്പോഴിതാ യുഎഇയിസ് നടന്ന പ്രമോഷനില്‍ പൃഥിരാജ് നല്‍കിയ ഒരു സര്‍പ്രൈസാണ് ആരാധകര്‍ ഏറ്റെടുക്കുന്നത്.
കഴിഞ്ഞ ദിവസമാണ് യുഎഇയില്‍ ചിത്രത്തിന്റെ പ്രമോഷനായി ലൂസിഫറിലെ നടീ-നടന്‍മാര്‍ എത്തിയത്. പൃഥ്വിരാജും മോഹന്‍ലാലും മഞ്ജു വാര്യര്‍, ടൊവിനോ തോമസ്, ആന്റണി പെരുമ്പാവൂര്‍ എന്നിവര്‍ ടീമിലുണ്ടായിരുന്നു. നാല് പതിറ്റാണ്ടായുള്ള സിനിമാജീവിതത്തില്‍ താനിതുവരെയും ഒരു പ്രമോഷനായി അബുദാബിയിലേക്ക് വന്നിട്ടില്ലെന്നായിരുന്നു മോഹന്‍ലാല്‍ പറഞ്ഞത്. തന്റെ കരിയറിലെ തന്നെ മികച്ച സിനിമകളിലൊന്നായി ഇത് മാറുമെന്നും പ്രേക്ഷകരെ നിരാശപ്പെടുത്തില്ലെന്നും അദ്ദേഹം വ്യക്തമാക്കിയിരുന്നു. മികച്ച ജനപങ്കാളിത്തമായിരുന്നു യുഎഇയില്‍ ലൂസിഫറിന്റെ പ്രമോഷന് കിട്ടിയത്.
പതിവില്ലാത്ത തരത്തിലുള്ള ജനക്കൂട്ടത്തെ കണ്ടപ്പോള്‍ എന്ത് പറയണമെന്നറിയാതെ, വാക്കുകള്‍ പോലും കിട്ടാത്ത അവസ്ഥയില്‍ നില്‍ക്കുന്ന താരങ്ങളെയായിരുന്നു വിദേശത്ത് കണ്ടത്. ഇതുവരെ ഇങ്ങനെയൊരു ജനക്കൂട്ടത്തെ തനിക്ക് അഭിമുഖീകരിക്കേണ്ടി വന്നിട്ടില്ലെന്നായിരുന്നു ടൊവിനോ പറഞ്ഞത്. നിങ്ങളെപ്പോലെ തന്നെ ലൂസിഫറിനായി കാത്തിരിക്കുകയാണ് താനുമെന്നായിരുന്നു മഞ്ജു വാര്യര്‍ പറഞ്ഞത്. ഇപ്പോള്‍ തങ്ങളെക്കാണാനെത്തിയ ഇതേ ജനക്കൂട്ടത്തെ തന്നെ തിയേറ്ററുകളിലും കാണണമെന്നും എല്ലാവരും പറഞ്ഞിരുന്നു. ഇതിന് പിന്നാലെയാണ് ദുബായില്‍ നടക്കുന്ന കൈരളി ടിവിയുടെ ഇശല്‍ ലൈല എന്ന പരിപാടിയിലേക്ക് ലൂസിഫര്‍ ടീം എത്തിയത്. മമ്മൂട്ടി ഉള്‍പെടെയുള്ള താരങ്ങളായിരുന്നു ഇശല്‍ലൈലയില്‍ അതിഥികളായി എത്തിയത്. ഇതേതുടര്‍ന്ന് മോഹന്‍ലാല്‍-മമ്മൂട്ടി അപൂര്‍വ്വ താരസംഗമത്തിന്റെ വേദി കൂടിയായി അത് മാറി.
ഇതിനിടയില്‍ രസകരമായ സംഭവങ്ങളും അരങ്ങേറി. റിലീസിന് മുന്‍പുള്ള ഷോയിലേക്കായി മമ്മൂട്ടിയെ ക്ഷണിച്ചിട്ടുണ്ടെന്നും അദ്ദേഹം സിനിമ കാണാമെന്ന് ഏറ്റിട്ടുണ്ടെന്നും പൃഥ്വിരാജ് പറഞ്ഞു. സിനിമ കണ്ടിഷ്ടമായാല്‍ തനിക്കൊരു ഡേറ്റ് നല്‍കണമെന്നും താരപുത്രന്‍ ആവശ്യപ്പെട്ടു. ഡേറ്റൊക്കെ എന്നേ നല്‍കിക്കഴിഞ്ഞൂയെന്നായിരുന്നു മമ്മൂട്ടിയുടെ മാസ് മറുപടി. ഇതോടെ മമ്മൂട്ടി ആരാധകര്‍ ആവേശത്തിലായിരിക്കയാണ്. ലൂസിഫര്‍ പ്രമോഷനിടയില്‍ ഒരു സര്‍പ്രൈസ് ഉണ്ടാകുമെന്ന് നേരത്തെ പൃഥി പറഞ്ഞിരുന്നു. പ്രമോഷനിടയ്ക്ക് മമ്മൂട്ടി എത്തിയതും ഉടന്‍ തന്നെ മമ്മൂട്ടിയെ വച്ചൊരു ചിത്രം പൃഥി ചെയ്യുമെന്ന് പറഞ്ഞതുമാണ് ആ സര്‍പ്രൈസെന്നാണ് ഇപ്പോള്‍ ആരാധകര്‍ പറയുന്നത്. അച്ഛന്റെ ആഗ്രഹം മകനിലൂടെ നടത്തപ്പെടുന്നത് കാണുമ്പോള്‍ വളരെ സന്തോഷമുണ്ടെ'ന്ന് ചിത്രത്തിന് ആശംസകള്‍ നേര്‍ന്ന് നടന് മമ്മൂട്ടി പറഞ്ഞു. മമ്മൂട്ടിയുടെ പോക്കിരിരാജയുടെ രണ്ടാം ഭാഗം മധുരരാജ ഏപ്രില്‍ 12ന് റിലീസിനെത്തുകയാണ്. പോക്കിരി രാജ മാസാണെങ്കില്‍ മധുരരാജ മരണമാസായിരിക്കും എന്നും മമ്മൂട്ടി വെളിപ്പെടുത്തി.
ലൂസിഫറില്‍ പൃഥ്വിക്കും സംഘത്തിനും ഹൃദയം നിറഞ്ഞ ആശംസ നേരുന്നുവെന്ന് മമ്മൂട്ടി പറഞ്ഞിരുന്നു. ഇതിന് പിന്നാലെയായി അദ്ദേഹത്തിന് നന്ദി അറിയിച്ച് പൃഥ്വി എത്തിയിരുന്നു. മമ്മൂക്കയുടെ മധുരരാജയ്ക്കും ആശംസ നേരുന്നുവെന്നും അദ്ദേഹം പറഞ്ഞിരുന്നു. നടനെന്ന നിലയില്‍ മാത്രം പോര സംവിധായകനായി എത്തുന്ന തന്നെ ഇരുകൈയ്യും നീട്ടി സ്വീകരിക്കണമെന്നും പൃഥ്വി സദസിനോട് അഭ്യര്‍ഥിച്ചു.
Premium Lifestyle and Entertainment website
ഡു ഓവര്‍ ഒടിടിയിലേക്ക്; ഷാര്‍വി സംവിധാനം ചെയ്ത മാനവ് ചിത്രം
പണിക്കെതിരെ വിമര്‍ശനക്കുറിപ്പെഴുതിയ വിദ്യാര്‍ത്ഥിയെ ഫോണില്‍ വിളിച്ച് ഭീഷണിപ്പെടുത്തി നടന് ജോജു ജോര്‍ജ്; പ്രതികരിച്ചത് ദേഷ്യവും പ്രയാവും കൊണ്ടെന്ന് നടന്; താന്‍ റിവ്യൂ ബോംബിങിന്റൈ ആളല്ലെന്നും സാധരണക്കാരനെന്നും ഗവേഷക വിദ്യാര്‍ത്ഥി