ദുല്ഖര് സല്മാന്റെ വേഫെറര് ഫിലിംസ് നിര്മ്മിച്ച ഏഴാം ചിത്രമായ ' ലോക - ചാപ്റ്റര് വണ്:ചന്ദ്ര' ചരിത്രം വിജയം. 7 ദിവസം കൊണ്ട് 101 കോടിയാണ് ചിത്രം നേടിയ ആഗോള കലക്ഷന്. തെന്നിന്ത്യയില് തന്നെ നായികാ പ്രാധാന്യമുള്ള ഒരു ചിത്രം നേടുന്ന ഏറ്റവും വലിയ കളക്ഷന് ആണ് ഇതിലൂടെ 'ലോക' സ്വന്തമാക്കിയത്. തെന്നിന്ത്യന് സിനിമയില് തന്നെ ഇതിലൂടെ പുതിയ ചരിത്രമാണ് ഈ ചിത്രം സൃഷ്ടിച്ചത്. കേരളത്തിന് അകത്തും പുറത്തും വമ്പന് കുതിപ്പ് തുടരുന്ന ചിത്രം ബോക്സ് ഓഫീസില് റെക്കോര്ഡുകള് സൃഷ്ടിച്ചാണ് മുന്നേറുന്നത്. കല്യാണി പ്രിയദര്ശന്, നസ്ലന് എന്നിവര് പ്രധാന വേഷങ്ങള് അവതരിപ്പിച്ച ഈ ബിഗ് ബജറ്റ് ചിത്രം' രചിച്ചു സംവിധാനം ചെയ്തിരിക്കുന്നത് ഡൊമിനിക് അരുണ് ആണ്. മികച്ച പ്രേക്ഷക പ്രതികരണം നേടുന്ന ചിത്രത്തിന്റെ തെലുങ്ക്, തമിഴ് പതിപ്പുകളും ട്രെന്ഡിങ് ആയി മെഗാ വിജയത്തിലേക്കാണ് കുതിക്കുന്നത്. ചിത്രത്തിന്റെ ഹിന്ദി പതിപ്പ് സെപ്റ്റംബര് നാലിന് റിലീസ് ചെയ്യും.
കേരളത്തില് ഇപ്പൊള് ദിവസേന 1400 ഓളം ഷോകളാണ് ചിത്രം പ്രദര്ശിപ്പിക്കുന്നത്. കേരളം മുഴുവന് ഹൗസ്ഫുള് ഷോകളുമായി മുന്നേറുന്ന ചിത്രത്തിന് അഭൂതപൂര്വമായ പ്രേക്ഷക പിന്തുണയാണ് ലഭിക്കുന്നത്. പാന് ഇന്ത്യ തലത്തില് വലിയ പ്രശംസ നേടുന്ന ചിത്രം 'ലോക' എന്ന് പേരുള്ള ഒരു സൂപ്പര് ഹീറോ സിനിമാറ്റിക് യൂണിവേഴ്സിലെ ആദ്യ ചിത്രമാണ്. പ്രേക്ഷകര്ക്ക് മുന്നിലേക്ക് ഒരു അത്ഭുത ലോകം തുറന്നിടുന്ന ചിത്രം, കേരളത്തിലെ പ്രശസ്തമായ ഐതിഹ്യമായ കള്ളിയങ്കാട്ട് നീലിയുടെ കഥയില് നിന്ന് പ്രചോദനം ഉള്ക്കൊണ്ട് ആണ് ഒരുക്കിയത്. ചന്ദ്ര എന്ന ടൈറ്റില് കഥാപാത്രമായി കല്യാണി പ്രിയദര്ശന് ഗംഭീര പ്രകടനമാണ് കാഴ്ചവെച്ചത്. നസ്ലന്, സാന്ഡി എന്നിവരും ചിത്രത്തില് മികച്ച പ്രകടനം കാഴ്ച വെച്ചിട്ടുണ്ട്. ചന്തു സലിംകുമാര്, അരുണ് കുര്യന്, ശരത് സഭ, നിഷാന്ത് സാഗര്, വിജയരാഘവന് എന്നിവരും ചിത്രത്തിന്റെ താരനിരയിലുണ്ട്. ചിത്രത്തിലെ വമ്പന് കാമിയോ റോളുകളും സൂപ്പര് ഹിറ്റാണ്.
കേരളത്തില് വേഫെറര് ഫിലിംസ് എത്തിച്ച ചിത്രം റെസ്റ്റ് ഓഫ് ഇന്ത്യ മാര്ക്കറ്റില് വിതരണം ചെയ്തിരിക്കുന്നത് വമ്പന് വിതരണക്കാരാണ്. തമിഴില് എ ജി എസ് സിനിമാസ്, കര്ണാടകയില് ലൈറ്റര് ബുദ്ധ ഫിലിംസ്, നോര്ത്ത് ഇന്ത്യയില് പെന് മരുധാര്, തെലുങ്കില് സിതാര എന്റെര്റ്റൈന്മെന്റ്സ് എന്നിവരാണ് ചിത്രം വിതരണം ചെയ്തത്.
ഛായാഗ്രഹണം -നിമിഷ് രവി, സംഗീതം - ജേക്സ് ബിജോയ്, എഡിറ്റര് - ചമന് ചാക്കോ, എക്സിക്യൂട്ടീവ് പ്രൊഡ്യൂസേഴ്സ്-ജോം വര്ഗീസ്, ബിബിന് പെരുമ്പള്ളി, അഡീഷണല് തിരക്കഥ-ശാന്തി ബാലചന്ദ്രന്, പ്രൊഡക്ഷന് ഡിസൈനര്-ബംഗ്ലാന് , കലാസംവിധായകന്-ജിത്തു സെബാസ്റ്റ്യന്, മേക്കപ്പ് - റൊണക്സ് സേവ്യര്, കോസ്റ്റ്യൂം ഡിസൈനര്-മെല്വി ജെ, അര്ച്ചന റാവു, സ്റ്റില്സ്- രോഹിത് കെ സുരേഷ്, അമല് കെ സദര്, ആക്ഷന് കൊറിയോഗ്രാഫര്- യാനിക്ക് ബെന്, പ്രൊഡക്ഷന് കണ്ട്രോളര് - റിനി ദിവാകര്, വിനോഷ് കൈമള്, ചീഫ് അസോസിയേറ്റ്-സുജിത്ത് സുരേഷ്
Premium Lifestyle and Entertainment website
രേണു പോരാട്ടത്തിന്റെ നടുവിലാണ്; ചെറുതല്ലാത്ത രോഗത്തോട് ധൈര്യത്തോടെ പൊരുതുകയാണ്; മെഡിക്കല് റിപ്പോര്ട്ട് പ്രകാരം രോഗം കൂടുതല് സാരമായി ബാധിച്ചു; കോട്ടയം മെഡിക്കല് കോളേജില് തുടര് ചികിത്സ ആരംഭിക്കും; ബിഷപ് നോബിള് ഫിലിപ്പ് അമ്പലവേലില് സുധിലയത്തില് എത്തിയ ചിത്രം പങ്ക് വച്ച് ഫിറോസ് കെഎച്ച്ഡിഇസി കുറിച്ചത്
പ്രഭുദേവയുടെ കൊറിയോഗ്രാഫിയില് നര്ത്തകനായി തുടക്കം; നൊറാ ഫത്തേഹിയുമായുള്ള അടുപ്പം നല്കിയ ലോക വേദി; ഫുട്ബോള് ലോകകപ്പില് മലയാളിയുടെ ചുവടുകള്; ഔദ്യോഗിക ഗാനത്തിന് നൃത്തസംവിധാനമൊരുക്കി പാലക്കാട്ടുകാരന്; ഫിഫ ആല്ബവുമായി സഹകരിക്കുന്ന ആദ്യ ഇന്ത്യക്കാരനായി രജിത് ദേവിനെ അറിയാം