ദിലീപിന്റെ കയ്യില്‍ മുറുകെ പിടിച്ച് കാവ്യ; താരജോഡികളുടെ പുതിയ വീഡിയോ വൈറലാകുന്നു

മലയാളത്തിലെ മികച്ച താരജോഡികളായ ദിലീപിന്റെയും കാവ്യയുടെയും ചിത്രങ്ങള്‍ക്ക് വലിയ സ്വീകാര്യതയാണ് ലഭിക്കുന്നത്. വിവാദങ്ങള്‍ സൃഷ്ടിച്ച ഇടവേളയ്ക്ക് ശേഷം മികച്ച കഥാപാത്രങ്ങളുമായി നടന്‍ ദിലീപ് സിനിമയില്‍ സജീവമാകുകയാണ്. ഒപ്പം ദിലീപുമായുളള വിവാഹത്തോടെ സിനിമയില്‍ നിന്നും വിട്ടു നിന്ന കാവ്യ നൃത്തത്തിലൂടെ വീണ്ടും തിരിച്ചെത്തുകയാണ്. വിവാഹത്തിനും കുഞ്ഞു ജനിച്ചതിനും ശേഷം ഇരുവരുടെയും വളരെ വിരളമായ ചിത്രങ്ങള്‍ മാത്രമേ പുറത്തു വന്നിട്ടുളളു. ഇരുവരുടെയും രണ്ടാമത്തെ മകള്‍ മഹാലക്ഷ്മിയുടെ ചിത്രങ്ങള്‍ കാണാനുളള കാത്തിരിപ്പിലുമായിരുന്നു ആരാധകര്‍. എന്നാല്‍ കുഞ്ഞിന്റെ ചിത്രങ്ങളൊന്നും ഇരുവരും പങ്കുവച്ചിരുന്നില്ല. എന്നാല്‍ കുറച്ചു ദിവസങ്ങള്‍ക്ക് മുന്‍പ് ദിലീപ് കുഞ്ഞിനെ കൊഞ്ചിക്കുന്ന ചിത്രം പുറത്തുവന്നിരുന്നു. ഇതിനൊപ്പം കാവ്യയുടേയും ദിലീപിന്റെയും പുതിയ ചിത്രവും എത്തിയിരുന്നു. ദിലീപും കാവ്യയും ഒരുമിച്ചുളള ഒരു പുതിയ  വീഡിയോ ആണ് ഇപ്പോള്‍ വൈറലാകുന്നത്. 

ദിലീപിന്റെ ഔദ്യോഗിക ഫാന്‍ ഗ്രൂപ്പ് ആയ ദിലീപ് ഓണ്‍ലൈനിലാണ് ഇരുവരുടെയും വീഡിയോ പങ്കുവച്ചത്.പുതിയ സിനിമയുടെ ലുക്കിലാണ് ദിലീപ് വീഡിയോയിലുളത്. ക്യാമറകള്‍ക്കിടയിലൂടെ പടികളിറങ്ങി വരുന്ന ഇരുവരുടെയും വീഡിയോ ആണ് വൈറലായിരിക്കുന്നത്. നീലഷര്‍ട്ടും മുണ്ടും ഉടുത്ത ദിലീപിനൊപ്പം ചുവന്ന ചുരിദാര്‍ ധരിച്ചാണ് കാവ്യ ഉളളത്. ദിലീപിന്റെ ഒരു കയ്യില്‍ മുറുകെ പിടിച്ചിട്ടുണ്ട് കാവ്യ. ഇരുവരുടെയും ആരാധകര്‍ വീഡിയോ ഏറ്റെടുത്തു കഴിഞ്ഞു. മകള്‍ ജനിച്ച ശേഷം അല്‍പം വണ്ണം കൂടിയിട്ടുണ്ടെങ്കിലും കാവ്യ കൂടുതല്‍ സുന്ദരിയായിട്ടുണ്ടെന്നാണ് ആരാധകര്‍ പറയുന്നത്. കുറച്ചു ദിവസങ്ങള്‍ക്ക മുന്‍പ് ദിലീപിന്റെയും കാവ്യയുടെ ചില ചിത്രങ്ങളും ഈ ഗ്രൂപ്പിലൂടെ പുറത്തു വന്നിരുന്നു.

ദിലീപ് കാവ്യയെ നോക്കിയിരിക്കുന്ന ചിത്രമാണ അന്ന്് വൈറലായത്. കറുത്ത ചുരിദാറിലാണ് കാവ്യ ഉളളത്. മകള്‍ ജനിച്ച ശേഷം അല്‍പം വണ്ണം കൂടിയിട്ടുണ്ടെങ്കിലും കാവ്യ കൂടുതല്‍ സുന്ദരിയായിട്ടുണ്ടെന്നാണ് ആരാധകര്‍ പറയുന്നത്. ഇരുവരും ഒരുമിച്ച് റെസ്റ്റോറന്റില്‍ ഭക്ഷണം കഴിക്കുന്നതിന്റെയും ലിഫ്റ്റില്‍ പോകുന്നതിന്റെയും ചിത്രങ്ങളാണ് മുന്‍പ് പുറത്ത് വന്നിട്ടുളളത്. ഇരുവരുടേയും ചിത്രത്തിനൊപ്പം തന്നെ  ദിലീപ് ഒരു ആറുമാസം പ്രായം തോന്നിക്കുന്ന കുഞ്ഞിനെ കയ്യില്‍ എടുത്ത് നില്‍ക്കുന്ന ചിത്രവും വൈറലായിരുന്നു.