ആകാംഷയും ദുരൂഹതയും നിറഞ്ഞ കഥാസന്ദര്ഭങ്ങളുമായി, ഇന്ദ്രജിത്ത് സുകുമാരന് പൊലീസ് വേഷത്തില് എത്തുന്ന ക്രൈം ഇന്വെസ്റ്റിഗേഷന് ത്രില്ലര് ''ധീര''-ത്തിന്റെ ഔദ്യോഗിക ട്രെയിലര് റിലീസായി. പൊതുജന മധ്യത്തില്നിന്നും തിരഞ്ഞെടുത്ത മൂന്ന് പേര് ചേര്ന്ന് ലോഞ്ച് ചെയ്ത തിരുവനന്തപുരത്തെ പരിപാടി ഏറെ വ്യത്യസ്തമായി. ചിത്രത്തിലെ താരങ്ങളും അണിയറപ്രവര്ത്തകരും ക്ഷണിക്കപ്പെട്ട അതിഥികള് തുടങ്ങിയവര് ട്രെയിലര് ലോഞ്ചില് പങ്കെടുത്തു.
ചിത്രം ഏറെ ആവേശവും ആകാംക്ഷയുമുണര്ത്തുന്ന ആക്ഷന് സസ്പെന്സ് ത്രില്ലറാണെന്ന് ട്രെയിലര് സാക്ഷ്യപ്പെടുത്തുന്നു. റെമോ എന്റര്ടെയ്ന്മെന്റ്സിന്റെ ബാനറില് റെമോഷ് എം.എസ്, മലബാര് ടാക്കീസിന്റെ ബാനറില് ഹാരിസ് അമ്പഴത്തിങ്കല് എന്നിവര് ചേര്ന്ന് നിര്മിക്കുന്ന ചിത്രം നവാഗതനായ ജിതിന് ടി. സുരേഷ് ആണ് സംവിധാനം ചെയ്യുന്നത്. ദീപു എസ്. നായര്, സന്ദീപ് സദാനന്ദന് എന്നിവര് ചേര്ന്നാണ് ഈ ക്രൈം ഇന്വെസ്റ്റിഗേഷന് ത്രില്ലറിന്റെ തിരക്കഥ എഴുതിയിരിക്കുന്നത്.
ഡിസംബര് 05ന് ഡ്രീംബിഗ് ഫിലിംസ് ചിത്രം തീയേറ്ററുകളില് എത്തിക്കും. ജി.സി.സി വിതരണാവകാശം ഫാഴ്സ് ഫിലിംസ് ആണ് കരസ്ഥമാക്കിയത്. ഇന്ദ്രജിത്ത് സുകുമാരന്, അജു വര്ഗീസ്, ദിവ്യ പിള്ള, നിഷാന്ത് സാഗര്, രഞ്ജി പണിക്കര്, റെബ മോണിക്ക ജോണ്, സാഗര് സൂര്യ (പണി ഫെയിം), അവന്തിക മോഹന്, ആഷിക അശോകന്, ശ്രീജിത്ത് രവി, സജല് സുദര്ശന്, തുടങ്ങിയവരും പ്രധാന വേഷത്തിലെത്തുന്നു. നിരവധി ഹ്രസ്വചിത്രങ്ങളിലൂടെ പ്രശസ്തനായ ജിതിന് ടി സുരേഷ് ആദ്യമായി സംവിധാനം ചെയ്യുന്ന ചിത്രത്തിന്റെ ഛായാഗ്രഹണം സൗഗന്ദ് എസ്.യൂ ആണ്. ക്യാപ്റ്റന് മില്ലര്, സാനി കായിദം, റോക്കി എന്നി ചിത്രങ്ങളുടെ എഡിറ്റര് നാഗൂരന് രാമചന്ദ്രന് ആദ്യമായി എഡിറ്റ് ചെയ്യുന്ന മലയാളം ചിത്രമാണിത്. അഞ്ചകൊള്ളകൊക്കാന്, പല്ലോട്ടി 90സ് കിഡ്സ് എന്നീ സിനിമകള്ക്കു ശേഷം മണികണ്ഠന് അയ്യപ്പ സംഗീതം ഒരുക്കുന്ന ചിത്രം കൂടിയാണിത്.
പ്രോജക്ട് ഡിസൈനര്: മധു പയ്യന് വെള്ളാറ്റിന്കര, പ്രൊഡക്ഷന് കണ്ട്രോളര്: ശശി പൊതുവാള്, പ്രൊഡക്ഷന് ഡിസൈനര്: സാബു മോഹന്, ആര്ട്ട്: അരുണ് കൃഷ്ണ, കോസ്റ്റ്യൂംസ്: റാഫി കണ്ണാടിപ്പറമ്പ, മേക്കപ്പ്: പ്രദീപ് ഗോപാലകൃഷ്ണന്, പ്രൊഡക്ഷന് എക്സിക്യൂട്ടീവ്: കമലാക്ഷന് പയ്യന്നൂര്, പ്രൊഡക്ഷന് മാനേജര്: ധനേഷ്, സൗണ്ട് ഡിസൈന്: ധനുഷ് നയനാര്, ചീഫ് അസോസിയേറ്റ് ഡയറക്ടര്: തന്വിന് നാസിര്,കളറിസ്റ്റ്: ലിജു പ്രഭാകര്, 3D ആര്ട്ടിസ്റ്: ശരത്ത് വിനു, വി.എഫ്.എക്സ്-3D അനിമേഷന്: ഐഡന്റ് ലാബ്സ്, ടീസര് കട്ട്സ്: വിവേക് മനോഹരന്, മാര്ക്കറ്റിംഗ് കണ്സള്ട്ന്റ്: മിഥുന് മുരളി, പി.ആര്.ഓ: പി.ശിവപ്രസാദ്, സ്റ്റില്സ്: സേതു അത്തിപ്പിള്ളില്, പബ്ലിസിറ്റി ഡിസൈന്സ്: ഔറ ക്രാഫ്റ്റ് എന്നിവരാണ് മറ്റ് അണിയറ പ്രവര്ത്തകര്.
Premium Lifestyle and Entertainment website
'സമാന്തരങ്ങള്' എന്ന ചിത്രത്തിന് ലഭിക്കേണ്ടിയിരുന്നത് മൂന്ന് പുരസ്കാ രങ്ങള്;ചിലരുടെ ഇടപെടലുകളില് നഷ്ടമായത് രണ്ട് അവാര്ഡുകള്; ദേശീയ ചലച്ചിത്ര പുരസ്കാരത്തില് തിരിമറിയെന്ന് ബാലചന്ദ്രമേനോന്