കോമഡി എന്റര്‍ടെയ്നറായ കക്ഷി അമ്മിളിപ്പിള്ളയുടെ ആദ്യ ടീസര്‍ എത്തി; വക്കീല്‍ കുപ്പായം അണിഞ്ഞ് ആസിഫ് അലി

മലയാള സിനിമയില്‍ യുവ നായകനായി നല്ല വേഷങ്ങള്‍ ചെയ്യുന്ന നടനാണ് ആസിഫ് അലി. ആസിഫ് അലിയെ നായകനാക്കി ദിന്‍ജിത്ത് അയ്യത്താന്‍ ആദ്യമായി സംവിധാനം ചെയ്യുന്ന ചിത്രം കക്ഷി: അമ്മിണിപിള്ള ടീസര്‍ എത്തി. ചിത്രത്തില്‍ വക്കീല്‍ വേഷത്തിലാണ് ആസിഫ് എത്തുന്നത്. സിനിമ മുഴുനീള എന്റര്‍ടെയ്നറായിരിക്കുമെന്നാണ് ടീസര്‍ നല്‍കുന്ന സൂചന

സ്വാതന്ത്ര്യം അര്‍ദ്ധരാത്രിയില്‍ എന്ന ചിത്രത്തിലൂടെ ശ്രദ്ധേയയായ അശ്വതി മനോഹരനാണ് ചിത്രത്തിലെ നായിക. ഹരീഷ് കണാരന്‍, അഹമ്മദ് സിദ്ദിഖ്, വിജയരാഘവന്‍, സുധീഷ്, നിര്‍മല്‍ പാലാഴി, മാമുക്കോയ, ശ്രീകാന്ത് മുരളി എന്നിവരാണ് മറ്റു താരങ്ങള്‍.

സനിലേഷ് ശിവന്റേതാണ് തിരക്കഥ. സാറ ഫിലിംസിന്റെ ബാനറില്‍ റിജു രാജന്‍ ചിത്രം നിര്‍മ്മിക്കുന്നു. അഹമ്മദ് സിദ്ദിഖി, ബേസില്‍ ജോസഫ്, വിജയരാഘവന്‍, നിര്‍മല്‍ പാലാഴി, സുധീഷ്, ശ്രീകാന്ത് മുരളി, ലുക്മാന്‍, ഹരീഷ് കണാരന്‍, ബാബു സ്വാമി, മാമൂക്കോയ, ഉണ്ണിരാജ, സുധി പറവൂര്‍, ശിവദാസന്‍, ഷിബില, സരസ ബാലുശേരി എന്നിവരാണ് മറ്റു പ്രധാനതാരങ്ങള്‍. സിനിമ ഏപ്രിലില്‍ പ്രദര്‍ശനത്തിനെത്തും