മലയാളികളുടെ എക്കാലത്തെയും പ്രിയ നടനാണ് ജയറാം. മലയാളത്തിന്റെ പ്രിയ താരജോഡികളാണ് ജയറാമും പാര്‍വതിയും. ഈ താരകുടുംബത്തോടെ മലയാളിക്ക് എന്നും സ്‌നേഹമാണുള്ളത്. ഇവരുടെ മകന്‍ കാളിദാസിനെയും മലയാളികള്‍ ഇരുകൈയും നീട്ടിയാണ് സ്വീകരിച്ചത്. ജയറാമിന്റെ മകള്‍ മാളവിക ഫാഷന്‍ രംഗത്തേക്ക് കടന്നതിന്റെ ചിത്രങ്ങള്‍ ആരാധകരെ അമ്പരപ്പിക്കുകയും ചെയ്‌തു. എന്നാൽ ഇപ്പോൾ താന്‍ വളരെ സെന്‍സിറ്റീവ് ആണെന്ന് തുറന്ന് പറയുകയാണ് നടന്‍ ജയറാം.
എന്റെ വീട് അപ്പൂന്റേം എന്ന സിനിമ താന്‍ ഇതുവരെ മുഴുവന്‍ കണ്ടിട്ടില്ല എന്നാണ് ജയറാം പറയുന്നത്. കരയുന്ന സീനുകള്‍ കണ്ടാല്‍ താനും കരയും, അതുകൊണ്ട് തിയേറ്ററില്‍ എങ്ങാനും പോയാലും വലിയ പ്രശ്‌നമാണ് എന്നാണ് ജയറാം ഇപ്പോള്‍ പറയുന്നത്. താന്‍ വളരെ സെന്‍സിറ്റീവ് ആണ്. സിനിമയില്‍ ചില സീനുകള്‍ ചെയ്യുമ്പോള്‍ കരഞ്ഞിട്ടുണ്ട്. വൈകാരികമായ രംഗങ്ങള്‍ വരുമ്പോള്‍ അത് താന്‍ യഥാര്‍ത്ഥ ജീവിതമായി സങ്കല്‍പ്പിക്കും. തന്റെ പ്രിയപ്പെട്ടവരാണ് അവരെന്ന് കരുതും. തിയേറ്ററിലൊക്കെ പോയാല്‍ പ്രശ്‌നമാണ്.
വല്ല കോമഡിയും കേട്ട് കഴിഞ്ഞാല്‍ ഉച്ചത്തില്‍ പൊട്ടിച്ചിരിക്കും. കരയേണ്ട സീനുകള്‍ വന്നാല്‍ കരയും. താന്‍ അഭിനയിച്ച എന്റെ വീട് അപ്പൂന്റേം എന്ന സിനിമ താന്‍ ഇതുവരെ മുഴുവന്‍ കണ്ടിട്ടില്ല. അതിന്റെ രണ്ടാം പകുതിയൊക്കെ വല്ലാത്തൊരു വേദനയാണ്.താന്‍ ആ സമയത്ത് സിബി മലയിലിനോട് പറയുമായിരുന്നു, തിയേറ്ററിലേക്ക് കയറുന്ന എല്ലാവര്‍ക്കും ഓരോ കര്‍ച്ചീഫ് കൂടി കൊടുത്തു വിടണമെന്ന്. ഇപ്പോഴും ടിവിയില്‍ വരികയാണെങ്കില്‍ താന്‍ അശ്വതിയോട് ശബ്ദം കുറച്ച് വയ്ക്കാന്‍ പറയും. തനിക്ക് കാണാന്‍ പറ്റില്ല എന്നാണ് ജയറാം പറയുന്നത്.
Premium Lifestyle and Entertainment website
കരള്‍ പോലെ കാക്കണം കരളിനെ
വര്‍ഷങ്ങളായി പ്രേക്ഷകരെ ചിരിപ്പിച്ചുകൊണ്ടിരിക്കുന്ന താന്‍ കഴിഞ്ഞ കുറച്ചു കാലമായി കരയുകയാണ്; ഇവിടെ നിലനില്‍ക്കാന്‍ ഈ സിനിമ വളരെ ആവശ്യമാണ്; പവി കെയര്‍ ടേക്കര്‍ ട്രെയിലര്‍ ലോഞ്ചില്‍ വൈകാരിക പ്രസംഗവുമായി ദിലീപ്