നടി വരദയും ജിഷിനും വേർപിരിഞ്ഞോ; താരദമ്പതികൾക്കെതിരെ ചോദ്യങ്ങളുമായി ആരാധകർ

മലയാള ടെലിവിഷൻ പ്രേക്ഷകരുടെ ഇഷ്‌ട താരങ്ങളാണ് വരദയും ജിഷിനും. ഇരുവരും ഒരുമിച്ച് സീരിയലിൽ അഭിനയിച്ച ശേഷം പിന്നീട് പ്രണയത്തിലാവുകയും വിവാഹിതരാവുകയുമായിരുന്നു.ഇരുവർക്കും ഒരു മകനുണ്ട്. വിവാഹത്തിന് ശേഷം ഇവർ അഭിനയരംഗത്ത് തുടരുകയായിരുന്നു. നിരവധി കോമഡി സ്‌കിറ്റിലും ഇവർ ഒരുമിച്ച് അഭിനയിച്ചിട്ടുണ്ട്. ഇരുവരും സോഷ്യൽ മീഡിയയിൽ വളരെയധികം സജീവമായിരുന്നു. എന്നാൽ പ്രേക്ഷകരെ ഞെട്ടിച്ചുകൊണ്ടാണ് കുറച്ച് ദിവസങ്ങൾക്ക് മുൻപ് ഒരു വാർത്ത പുറത്തുവന്നത്. 

വരദയും ജിഷിനും വിവാഹമോചിതരായി എന്ന് തരത്തിലുള്ള വാർത്തകളാണ് അന്ന് മുതൽ വന്ന് തുടങ്ങിയത്. അതിന് കാരണമായി ആരാധകർ ചില കാരണങ്ങളും കണ്ടെത്തി. ഇരുവരും ഒരുമിച്ച് ചിത്രങ്ങൾ പങ്കുവയ്ക്കുന്നത് നിർത്തിയതോടെയാണ് ആരാധകർക്ക് സംശയം തുടങ്ങിയത്. ഈ വാർത്ത കുറച്ച് നാളുകളായി സമൂഹ മാധ്യമങ്ങളിൽ പരക്കുകയാണ്. ഇപ്പോൾ ഇതിനോട് പ്രതികരിച്ച് വരദ തന്നെ രംഗത്തെത്തിയിരിക്കുകയാണ്. ഒരു ഇൻസ്റ്റാഗ്രാം പോസ്റ്റിലൂടെയാണ് വരദ തന്റെ നിലപാട് അറിയിച്ചിരിക്കുന്നത്. 

‘എന്റെ മൂക്ക് തൊടുന്ന ഇടത്ത് നിങ്ങളുടെ സ്വാതന്ത്രം അവസാനിയ്ക്കും' എന്ന അടിക്കുറിപ്പോടെയാണ്‌ വരദ ഇൻസ്റ്റാഗ്രാമിൽ പങ്കുവെച്ചിരിക്കുന്നത്. ഇതാണ് പോസ്റ്റ് എങ്കിലും ജിഷിനെക്കുറിച്ചുള്ള യാതൊരുവിധ കാര്യങ്ങളും വരദ പറയുന്നില്ല. ഈ പോസ്റ്റോടു കൂടി വീണ്ടും സംശയങ്ങൾ കൂടുകയാണ്. വരദയുടെ ഇൻസ്റ്റാഗ്രാമിൽ ജിഷിനുമായി ബന്ധപ്പെട്ടുള്ള എല്ലാ സ്റ്റോറിയും വരദ ഡിലീറ്റ് ചെയ്‌തു. എന്തായാലും വരദയുടെ ഭാഗത്ത് നിന്ന് സ്ഥിരീകരണം ഒന്നും വന്നിട്ടില്ല. ജിഷിന്റെ ഇൻസ്റാഗ്രാമിലും വരദയുമായുള്ള എല്ലാ ചിത്രങ്ങളും ഡിലീറ്റ് ചെയ്‌തു. എന്തായാലും വരദയുടെ ഈ പ്രതികരണം ഇനിയും തുടരുമെന്ന രീതിയിൽ തന്നെയാണ് ആരാധകർ നോക്കികാണുന്നത്.