ഷവര്‍ തുറക്കുമ്പോള്‍
ഷവറിനു താഴെ
പിറന്നരൂപത്തില്‍
നനഞ്ഞൊലിക്കുമ്പോള്‍.
തലേന്നു രാത്രിയില്‍
കുടിച്ച മദ്യത്തിന്‍
വിഷഭാരം വിങ്ങും
ശിരസ്സില്‍ ശീതള
ജലത്തിന്‍ കാരുണ്യം
നനഞ്ഞിറങ്ങുമ്പോള്‍.
ഷവറിനു താഴെ
പിറന്ന രൂപത്തില്‍
ജലത്തിലാദ്യമായ്
കുരുത്ത ജീവന്റെ
തുടര്‍ച്ചയായി ഞാന്‍
പിറന്ന രൂപത്തില്‍.
ഇതേ ജലം തനോ
ഗഗനം ഭേദിച്ചു
ശിവന്റെ മൂര്‍ദ്ധാവില്‍
പതിച്ച ഗംഗയും?
ഇതേ ജലം തനോ
വിശുദ്ധ യോഹന്നാന്‍
ഒരിക്കല്‍ യേശുവില്‍
തളിച്ച തീര്‍ത്ഥവും?
ഇതേ ജലം തനോ
നബി തിരുമേനി
മരുഭൂമില്‍ പെയ്ത
വചനധാരയും?
ഷവര്‍ തുറക്കുമ്പോള്‍
ജലത്തിന്‍ ഖഡ്ഗമെന്‍
തല പിളര്‍ക്കുമ്പോള്‍
ഷവര്‍ തുറക്കുമ്പോള്‍
മനുഷ്യ രക്തമോ
തിളച്ച കണ്ണീരോ
കുതിച്ചു ചാടുമ്പോള്‍
മരിക്കണേ, വേഗം
മരിക്കണേയെന്നു
മനുഷ്യരൊക്കെയും
വിളിച്ചു കേഴുമ്പോള്‍
എനിക്കു തോന്നുന്നു
മരിച്ചാലും നമ്മള്‍
മരിക്കാറില്ലെന്ന്.
ജലം നീരാവിയായ്-
പ്പറന്നു പോകിലും
പെരുമഴയായി-
ത്തിരിച്ചെത്തും പോലെ
മരിച്ചാലും നമ്മള്‍
മനുഷ്യരായ് ത്തന്നെ
പിറക്കാറുണ്ടെന്ന്.
ഷവറിനു താഴെ
നനഞ്ഞൊലിച്ചു നാം
പിറന്നു നില്‍ക്കുമ്പോള്‍.
Premium Lifestyle and Entertainment website
ഉലുവ കൊണ്ട് എത്ര മുടിയും മിനിറ്റുകള്‍ക്കുള്ളില്‍ കറുപ്പിക്കാം 
ഇന്‍ഫ്ളുവന്‍സ പനി: പകര്‍ച്ചവ്യാധി പിടിപെടാതിരിക്കാന്‍ ഇക്കാര്യങ്ങള്‍ ശ്രദ്ധിക്കാം
രജനി സാറിനെ കാണാന്‍ പറ്റി; പരിചയപ്പെടാന്‍ പറ്റി;എന്റെയൊരു പെയിന്റിങ്ങിന്റെ ബുക്ക് അദ്ദേഹത്തിന് കൊടുക്കാന്‍ പറ്റി; സന്തോഷം പങ്കുവച്ച് കോട്ടയം നസീര്‍
ഞങ്ങള്‍ തയാറായിക്കഴിഞ്ഞു; അഞ്ച് വര്‍ഷത്തെ കാത്തിരിപ്പ്; അച്ഛനാവാന്‍ പോവുന്ന സന്തോഷം പങ്ക് വെച്ച് ചെമ്പരത്തി സീരിയല്‍ താരം പ്രബിന്‍
ഇങ്ങനെയൊരു ബഹുമതിക്ക് തെരഞ്ഞെടുത്ത അറിയിപ്പു കിട്ടിയപ്പോള്‍ മക്കളോടു ചോദിച്ചത് എനിക്കതിനുള്ള അര്‍ഹതയുണ്ടോയെന്ന്; ഈ അംഗീകാരം ശ്രീനിവാസനും കൂടിയുളളത് ; കാലിക്കറ്റ് യൂണിവേഴ്സിറ്റിയുടെ ഡി.ലിറ്റ് ബിരുദം ഏറ്റുവാങ്ങി സത്യന്‍ അന്തിക്കാട് കുറിച്ചത്
പിഷു പോയപ്പോള്‍ കിഷു വന്നു'? ഒന്ന് നിര്‍ത്തിക്കേ ന്റെ മക്കളേ...!'; മമ്മൂക്ക ഒരാളെ കൂടെ കൂട്ടണമെങ്കില്‍ മൂന്ന് കാര്യങ്ങള്‍ക്ക് നിര്‍ബന്ധം പിടിക്കും;'സെന്‍സ് വേണം, സെന്‍സിബിലിറ്റി വേണം; മമ്മൂട്ടിയ്ക്കൊപ്പം കൈലാഷ് ; പരിഹാസങ്ങള്‍ക്ക് മറുപടിയുമായി ജോളി ജോസഫ്