ഗര്‍ഭിണിയാണ്.. അഞ്ചരമാസം ആയി...! ട്രെയിലര്‍ ലോഞ്ചിനിടെ വെളിപ്പെടുത്തലുമായി നടി യാമി ഗൗതം

കന്നഡ ചിത്രമായ 'ഉല്ലാസ ഉത്സാഹ'യിലൂെ പ്രിയങ്കരിയായി മാറിയ താരമാണ് യാമി ഗൗതം.  തുടര്‍ന്ന് പഞ്ചാബി, തെലുങ്ക്, ഹിന്ദി, തമിഴ്, തെലുങ്ക് ഭാഷാ ചിത്രങ്ങളില്‍ താരം അഭിനയിച്ചിട്ടുണ്ട്. ഹീറോ എന്ന പൃഥിരാജ് ചിത്രത്തിലൂടെ മലയാളത്തിലും തന്റെ അഭിനയ മികവ് തെളിയിച്ചു. ഇപ്പോഴിതാ പുതിയ ചിത്രം ആര്‍ട്ടിക്കിള്‍ 370യുടെ ട്രെയിലര്‍ ലോഞ്ചിനിടെ പ്രെഗ്‌നന്‍സി അനൗണ്‍സ് ചെയ്തെത്തിയിരിക്കുകയാണ് താരം. 

ജീവിതത്തില്‍ വലിയൊരു മാറ്റത്തിനു തയ്യാറെടുക്കുകയാണെന്നും താന്‍ അഞ്ചര മാസം ഗര്‍ഭിണിയാണെന്നും യാമി പറഞ്ഞു. ഈ സിനിമ ഒരു ഫാമിലി അഫെയര്‍ ആണെന്നു പറയാം. എന്റെ സഹോദരന്‍ അവിടെ ഉണ്ടായിരുന്നു, എന്റെ ഭാര്യ അവിടെ ഉണ്ടായിരുന്നു, ഞങ്ങളുടെ കുഞ്ഞുമുണ്ട്. മനോഹരമായൊരു  സമയമായിരുന്നു അത്, സിനിമ സംഭവിച്ച രീതി, കുഞ്ഞിനെക്കുറിച്ച് ഞങ്ങള്‍ അറിഞ്ഞ രീതി അതെല്ലാം അത്ഭുതകരമായിരുന്നു,' ആദിത്യ ധര്‍ പറഞ്ഞു. 

ഗര്‍ഭകാലത്തെ ഷൂട്ടിംഗ് അനുഭവങ്ങള്‍ യാമിയും പങ്കിട്ടു. ''അത് ശരിക്കും മാനസികമായി തളര്‍ത്തുന്നതായിരുന്നു. എനിക്ക് അതില്‍ തീസിസ് തന്നെ എഴുതാനാവും. നിരവധി ചോദ്യങ്ങളുണ്ട്, മിക്കതും വെല്ലുവിളി നിറഞ്ഞതാണ്. മാതൃത്വത്തെക്കുറിച്ചും എല്ലാം എങ്ങനെ ഒരുമിച്ച് മാനേജ് ചെയ്തുവെന്നും നിങ്ങള്‍ എന്നോട് ചോദിച്ചാല്‍, ആദിത്യ എന്റെ അരികില്‍ ഇല്ലായിരുന്നുവെങ്കില്‍ ഞാന്‍ എന്ത് ചെയ്യുമായിരുന്നുവെന്ന് എനിക്കറിയില്ല, ഒപ്പം ലോകേഷ് ഭയ്യ, സെറ്റിലുള്ള എല്ലാവരും.'

'കഠിനമായ പരിശീലനമായിരുന്നു സിനിമയ്ക്ക് വേണ്ടി. ജാഗ്രതയോടെ ഇരിക്കാന്‍ ഞാന്‍ ശ്രമിച്ചു, എല്ലാറ്റിനും  മേല്‍നോട്ടം വഹിച്ച എല്ലാ ഡോക്ടര്‍മാരോടും ഞാന്‍ നന്ദിയുള്ളവളാണ്. കുഞ്ഞും എല്ലാറ്റിന്റെയും ഭാഗമായിരുന്നു. എന്റെ അമ്മയില്‍ കണ്ടു ശീലിച്ച കാര്യങ്ങളും എനിക്ക് പ്രചോദനമായിരുന്നു, ' യാമി പറഞ്ഞു. 

രണ്ട് വര്‍ഷത്തോളം ഡേറ്റിംഗിലായിരുന്ന യാമിയും ആദിത്യയും 2021 ജൂണിലാണ് വിവാഹിതരായത്. സിനിമാ നിര്‍മ്മാതാവാണ് ആദിത്യ. ഉറി: ദ സര്‍ജിക്കല്‍ സ്‌ട്രൈക്കിന്റെ സെറ്റില്‍ വച്ചാണ് ഇരുവരും കണ്ടുമുട്ടിയത്.

2009 ല്‍ പിറത്തിറങ്ങിയ ഉല്ലാസ ഉത്സഹ മഹാലക്ഷ്മി എന്ന കന്നഡ ചിത്രത്തിലൂടെയാണ് യാമി ഗൗതം അഭിനയരംഗത്ത് അരങ്ങേറ്റം കുറിച്ചത്. പിന്നീട് മലയാളത്തിലും തമിഴിലും തെലുങ്കിലും അനേകം ചിത്രങ്ങള്‍ യാമിയെത്തേടിയെത്തിയിട്ടുണ്ട്. 

ആദിത്യ സുഹാസ് ജംഭാലെയാണ് പുതിയ ചിത്രം സംവിധാനം ചെയ്യുന്നത്. യാമി ഗൗതമും പ്രിയാമണിയും ആണ് പ്രധാന താരങ്ങള്‍. ജ്യോതി ദേശ് പാണ്ഡെ, ആദിത്യ ധര്‍, സഹോദരന്‍ ലോകേഷ് ധര്‍ എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്. ഈ ആക്ഷന്‍ പാക്ക്ഡ് പൊളിറ്റിക്കല്‍ ത്രില്ലര്‍ ചിത്രം ഫെബ്രുവരി 23ന്  തിയേറ്ററുകളില്‍ എത്തും. അക്ഷയ് കുമാര്‍, പങ്കജ് ത്രിപാഠി എന്നിവര്‍ക്കൊപ്പം അഭിനയിച്ച ഒഎംജി 2 ആണ് ഏറ്റവും ഒടുവില്‍ റിലീസിനെത്തിയ യാമി ചിത്രം.